Po'unde-unde 148 - Wunta Mempori

Langi ka tolino, unde-unde Iramo i Ue ! 148:1-14

¹ Haleluya! Unde-unde Iramo i Ue inso i langi, unde-unde Iramo a mpo'ianga anu mantande!

² Unde-unde Iramo, hei luwuno mala'eka-Do, unde-unde Iramo, hei luwuno sorodadu-Do!

³ Unde-unde Iramo, hei mata'oleo ka wula, unde-unde Iramo, hei luwuno anano wula anu mewanta!

⁴ Unde-unde Iramo, hei langi anu wawoio luwuno langi, hei uwoi anu i wawono langi!

⁵ Moikoomo luwuno umunde-undeo nee-Do i Ue, hangano ondae mompowee parenta ka luwuno gaagi.

⁶ Ondae pasao luwuno ranta nahina tampulaano, ka mompowee pompakosi anu nahi pinokolimpai.

⁷ Unde-unde Ira i Ue inso i tolino, hei luwuno ule naga ka luwuno wingkeno tahi ondalo;

⁸ hei api ka usa seru baku, seru baku ka gawu, angi mokora anu weweuo pau-Do;

⁹ hei luwuno torukuno ka luwuno pongku, keuno wua ngkeu ka luwuno keu arasi;

¹⁰ hei luwuno kondehora mo'ila ka luwuno pinotuwu, kondehora melera ka manu-manu mepani;

¹¹ hei luwuno mokole i tolino ka luwuno tongku, luwuno anu langkai potorono ka luwuno petewawa ntolino;

¹² hei ana ntama kontuwuano ka luwuno ana beine kontuwuano, mia mota'u ka mia mongura!

¹³ Po'ineeomo luwuno me'unde-undeo nee-Do i Ue, hangano butu nee-Do anu maramba, maramba-Do lumaloio tolino ka langi.

¹⁴ Dopokomantandeomo tandu rosono bawaa-Do, gagi po'unde-undedo luwuno mia anu pinehohawa-Do, tiado to Isaraeli, bawaa anu umpeda ndi Ondae. Haleluya!