Biblia Todo Logo
Bìoball air-loidhne

- Sanasan -

Po'unde-unde 141 - Wunta Mempori


Pekakai mo'ema pinoko'olai inso a wineweu mosa'o 141:1-10

1 Penani po'unde-undeno i Daudi. Ndi Omiu, oo Ue, kupebooli, rongamo I'aiwa ndi ongkue, Irongeomo, tempono kupebooli ndi Omiu!

2 Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

3 Idagaiomo ngangaku, oo Ue, Ipedagaimo a mpewowano wiwiku!

4 Si po'aroo aroaku a wineweu mosa'o, ka si kuweweuo luwuno wineweu anu mosa'o meronga luwuno anu mpoweweu mosa'o, ka nahi aku menamio kaangado anu mo'ahi.

5 Po'ineeomo mia mentee mpetunduhi ka mehukuakune pompehohawa, onaemo atuu lana moiko ntu'u, po'ineeomo ka itarimao uluku! Mentee ntu'u, ongkue mekakai mpiha umewaio poweweudo anu mosa'o mia mosa'o gauno.

6 Tewala ondae mempineweengako a luwuno puu mpobitarado, ka ira merongeo nine luwuno pinauku menteeano mompokosanaa.

7 Kana watu anu tebansi ka terawo a wita, kanatuumo luwuno wukudo ta tesiarawo a ngangano tolinodo mia mate.

8 Menteeano, ndi Omiumo, oo Ue Ala, Ueku, ite'aro mataku; ndi omiumo kupepekadudui, si pepasiakune!

9 Ikadudui akumo a mporakono oho anu domenta'oakune, ka inso a pompete'umalado anu mpoweweu mosa'o.

10 Po'ineeomo mia anu mosa'o gaudo mperongaako ntedonta a laro buanido ondaedo, sine ongkue lumaloakono tekadudui.

Lean sinn:



Sanasan