Po'unde-unde 141 - Wunta Mempori

Pekakai mo'ema pinoko'olai inso a wineweu mosa'o 141:1-10

¹ Penani po'unde-undeno i Daudi. Ndi Omiu, oo Ue, kupebooli, rongamo I'aiwa ndi ongkue, Irongeomo, tempono kupebooli ndi Omiu!

² Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

³ Idagaiomo ngangaku, oo Ue, Ipedagaimo a mpewowano wiwiku!

⁴ Si po'aroo aroaku a wineweu mosa'o, ka si kuweweuo luwuno wineweu anu mosa'o meronga luwuno anu mpoweweu mosa'o, ka nahi aku menamio kaangado anu mo'ahi.

⁵ Po'ineeomo mia mentee mpetunduhi ka mehukuakune pompehohawa, onaemo atuu lana moiko ntu'u, po'ineeomo ka itarimao uluku! Mentee ntu'u, ongkue mekakai mpiha umewaio poweweudo anu mosa'o mia mosa'o gauno.

⁶ Tewala ondae mempineweengako a luwuno puu mpobitarado, ka ira merongeo nine luwuno pinauku menteeano mompokosanaa.

⁷ Kana watu anu tebansi ka terawo a wita, kanatuumo luwuno wukudo ta tesiarawo a ngangano tolinodo mia mate.

⁸ Menteeano, ndi Omiumo, oo Ue Ala, Ueku, ite'aro mataku; ndi omiumo kupepekadudui, si pepasiakune!

⁹ Ikadudui akumo a mporakono oho anu domenta'oakune, ka inso a pompete'umalado anu mpoweweu mosa'o.

¹⁰ Po'ineeomo mia anu mosa'o gaudo mperongaako ntedonta a laro buanido ondaedo, sine ongkue lumaloakono tekadudui.