Po'unde-unde 140 - Wunta Mempori

Pekakai mo'ema pongkadudui hangano mia mosa'o gauno 140:1-14

¹ Tiano petewawado anu mpenani. Penani po'unde-undeno i Daudi.

² Ipotola akumo, oo Ue, inso a mia mpoweweu mosa'o, Idagai akumo inso a mia anu mompokonsii,

³ anu mosongka moweweu mosa'o i laro aroano, ka sompo oleo mompokogagi peteaa!

⁴ Ondae mpokomontasoo elodo kana ule, ipono ule siru kongko i totono wiwido. Sela

⁵ Idagai akumo, oo Ue, inso a pokungkuno mia mosa'o gauno, Ikadudui akumo inso a mia anu mompokonsii, anu montoo dumontai aku.

⁶ Mia mompelangka-langkai monta'oakune oho, ka domempadindi ira koloro gagi buani, a asa ngkeu sala ondae mponaakune pompete'umala. Sela

⁷ Mepau aku ndi Ondae i Ue, ”Omiu Ue Alaku, Irongeomo pekakaiku, oo Ue!”

⁸ Oo Ue Ala, Ueku, roso anu kumadudui aku, Omiu borungio uluku a oleo peteaa.

⁹ Oo Ue, si tondaakono po'eheno mia mosa'o gauno, si po'ineeo sinongkano ipokogagio, ka si dopompelangka-langkai! Sela

¹⁰ Po'ineeomo masolaa anu pinaudo mia mengkadu aku ka i'aluo uludo ondaedo!

¹¹ Po'ineeomo ka i'alu ira waro api! Po'ineeomo ka Dodontai ira a laro wingke ka si dompokompewangu mbo'u!

¹² Anu momposebe nahi ta mokompo'ia i wita andio; anu mompokonsii ta tumondario masolaa.

¹³ Kuto'orio nine Ondae i Ue Ira moweeakono moleoa a mia anu tepokonsii, ka umalaakono kara-karano mia mongkokolaro.

¹⁴ Mentee ntu'u, luwuno mia mentee ira me'unde-undeo nee-Miu, luwuno mia anu moleo ira mpo'ia i aro-Miu.