Po'unde-unde 14 - Wunta Mempori

Monge-mongeno mia 14:1-7

¹ Tiano petewawado anu mpenani. Inso ndi Daudi. Mia monge-monge motae i laro aroano, ”Nahina Ue Ala.” Mosa'o ka mokoburu poweweudo, nahina moweweu moiko.

² Ondae i Ue mensiro inso i suruga a luwuno anano mia Ira kumitao, ke hinao anu molino pinewowolono ka umungke Ira Ue Ala.

³ Luwudo mepansia iramo, luwuno mpoweweu iramo anu mosa'o; nahina anu moweweu moiko, maupo te'asa mia nahina.

⁴ Nahi dompokonto'orioke luwuno mia anu mpoweweu mosa'o? Mengkaano pingko bawaa-Ku, mokomowohio koroido ondaedo, ka nahi pebooli ndi Ondae i Ue.

⁵ I ra'aimo ta umalu ira doitoa, hangano Ondae Ue Ala kumongkomio mia mentee.

⁶ Omiu mokomperuanahio sinongkado mia tepokonsii, sine Ondae i Ue pepekaduduiano.

⁷ Oo, po'ineeomo ka i'aiwa inso i Sioni tekaduduiano Isaraeli! Tewala Ondae i Ue momuleo teweweuno bawaa-Do, i Yako ta meboo-booli, Isaraeli ta mo'unde.