Po'unde-unde 137 - Wunta Mempori

I wiwino luwuno korono i Babeli 137:1-9

¹ I wiwino luwuno korono i Babeli, i ra'aimo tompentoro saru mpengese, tewala tomerambeo Sioni.

² A luwuno keu gandarusa a mpo'ianga atuu tomendoeo katapito.

³ Hangano i ra'aimo mia anu mentawa kita mpo'ema ka tompoporongeo penani, ka mia anu mebobarasai kita mpo'ema penani mawongko, ”Impenaniakamimo penani inso i Sioni!”

⁴ Nde kana'umpe ka kita mpenaniako penani-Do i Ue i wita susua?

⁵ Tewala kukolupeko, hei Yerusale, po'ineeomo ka inggaape kae ngkoanaku!

⁶ Po'ineeomo eloku ka ipetako a langiraku, tewala nahi kurambe Komiu, tewala nahi kupokolaluao Yerusale sekonopo luwuno mawongkoku.

⁷ Irambeomo, oo Ue, inuleno i Edomi: a oleo ropuano Yerusale, dompotae, ”Rongkao, rongkao hawe a wita!”

⁸ Hei ana beineno Babeli, anu ineheno mobobarasai, me'uraomo mia anu mombalo ndi omue luwuno wineweu anu wineweumu ndi omami!

⁹ Me'uraomo mia anu morako ka mepasiako ira anamu a pongku watu!