Po'unde-unde 136 - Wunta Mempori

Pompehohawa-Do Ue Ala a nto Isaraeli 136:1-26

¹ Pontarimakasimo ndi Ondae i Ue, hangano moiko Ira! Menteeano ranta nahina tampulaano pompehohawa-Do.

² Pontarimakasimo ndi Ondae Ue Alado luwuno pinesombai! Menteeano ranta nahina tampulaano pompehohawa-Do.

³ Pontarimakasimo ndi Ondae Ueno luwuno pe'uea! Menteeano ranta nahina tampulaano pompehohwa-Do.

⁴ Ndi Ondae anu asa-asa-Do weweuo luwuno anu tedoa kinohali-haliako! Menteeano ranta nahina tampulaano pompehohawa-Do.

⁵ Ndi Ondae anu mokogagio langi hangano pande-Do mosongka! Menteeano ranta nahina tampulaano pompehohawa-Do.

⁶ Ndi Ondae anu wileo tolino a wawo uwoi! Menteeano ranta nahina tampulaano pompehohawa-Do.

⁷ Ndi Ondae anu mokogagio luwuno sangka pompokomewine anu langkai; menteeano ranta nahina tampulaano pompehohawa-Do.

⁸ Mata'oleo ka ipabawaio meene, — menteeano ranta nahina tampulaano pompehohawa-Do —

⁹ wula ka luwuno anano wula ka ipabawaio wongi! Menteeano ranta nahina tampulaano pompehohawa-Do.

¹⁰ Ndi Ondae anu tumunduhi ira ka domemate luwuno ana akano Masiri, menteeano ranta nahina tampulaano pompehohawa-Do;

¹¹ ka anu wawa ira to Isaraeli mpeluarako inso i tonga-tongado, menteeano ranta nahina tampulaano pompehohawa-Do;

¹² saru kae-Do anu moroso ka tokia tetande! Menteeano ranta nahina tampulaano pompehohawa-Do.

¹³ Ndi Ondae anu monsuao Tahi Teberau gagi orua, menteeano ranta nahina tampulaano pompehohawa-Do;

¹⁴ ka anu sumakiako ira to Isaraeli i tonga-tongano, menteeano ranta nahina tampulaano pompehohawa-Do;

¹⁵ ka mepasiakono i Pirao saru sorodaduno a Ntahi Teberau, menteeano ranta nahina tampulaano pompehohawa-Do.

¹⁶ Ndi Ondae anu wawa ira bawaa-Do ntelalo a mpada one; menteeano ranta nahina tampulaano pompehohawa-Do.

¹⁷ Ndi Ondae anu numangi ira luwuno mokole anu langkai, menteeano ranta nahina tampulaano pompehohawa-Do;

¹⁸ ka mepate ira luwuno mokole anu mempinelangkai, menteeano ranta nahina tampulaano pompehohawa-Do;

¹⁹ Sihoni, mokoledo to Amori, menteeano ranta nahina tampulaano pompehohawa-Do;

²⁰ ka i Ogo, mokole i wita Basani, menteeano ranta nahina tampulaano pompehohawa-Do;

²¹ ka weeako ira witado gagi tia pusaka, menteeano ranta nahina tampulaano pompehohawa-Do;

²² tia pusaka a nto Isaraeli, bawaa-Do! Menteeano ranta nahina tampulaano pompehohawa-Do.

²³ Ondae anu rumambe kita tempono tomempinokongkodei, menteeano ranta nahina tampulaano pompehohawa-Do;

²⁴ ka motola kita inso a luwuno anu umewai kita, menteeano ranta nahina tampulaano pompehohawa-Do.

²⁵ Ondae anu moweeako ira kaanga a luwuno anu mentuwu, menteeano ranta nahina tampulaano pompehohawa-Do.

²⁶ Pontarimakasimo ndi Ondae Ue Alano asa wawo langi! Menteeano ranta nahina tampulaano pompehohawa-Do.