Po'unde-unde 130 - Wunta Mempori

Pekakai mo'ema pontolosia 130:1-8

¹ Penani mekoho. Inso a wingke anu ondalo kupebooli ndi Omiu, oo Ue!

² Ue, Irongeomo pebooliku! Po'ineeomo ka iperioo biri-Miu a mpebooli po'emaku.

³ Tewala Irambeo mpiha salamami, oo Ue, isemake anu polio me'aro ndi Omiu?

⁴ Sine ndi Omiu hinao po'ampunia, ka idoito mia ndi Omiu.

⁵ Kusumisikori-Komiu Ue, sumangaku mesisikori, ka kuperorohio pau-Miu.

⁶ Sumangaku momperorohi ndi Ondae i Ue laluaopo sekono puu mpodagai momperorohi mo'oru, sekonopo puu mpodagai momperorohi mo'oru.

⁷ Pomperorohimo ndi Ondae i Ue, hei to Isaraeli! Hangano ndi Ondae i Ue hinao pompehohawa, ka ndi Ondae hinao mpiha pontolosia.

⁸ Ondaemo anu motola ira to Isaraeli inso a luwuno salado.