Po'unde-unde 13 - Wunta Mempori

Pekakai pompe'ala-ala 13:1-6

¹ Tiano petewawado anu mpenani. Penani po'unde-undeno i Daudi.

² Opiapo mbo'u tehineno, Ue, Ikolupe aku mpiha? Opiapo mbo'u tehineno Iwunioakune rupa-Miu?

³ Opiapo mbo'u tehineno asalakono kusalalaro a laro ngkoroiku, ka mompemasusa te'asa oleo? Opiapo mbo'u tehineno iwaliku mpompelangka-langkai ndi ongkue?

⁴ Ipensiromo ka Isangki aku, oo Ue, Ue Alaku! Iweweuomo mataku mewanta, ka si kutekoturi ka mate,

⁵ ka si potae iwaliku, ”Kunangiomo,” ka anu me'ewai aku mpeboo-booli, tewala ongkue telelu.

⁶ Sine ongkue, a pompehohawa-Miu kupe'ala-alao, aroaku meboo-booli hangano pongkadudui-Miu. Aku menani tia-Do i Ue, hangano moweweu Iramo moiko ndi ongkue.