Po'unde-unde 128 - Wunta Mempori

Ronso a mpetewawa sombori 128:1-6

¹ Penani mekoho. Me'uraomo sompo mia anu doitoako Ira i Ue, anu tuwu tumondao luwuno pesalaa-Do!

² Omue kokumaano hasilino pe'iseino kaemu, me'urakomo hangano moiko teweweumu!

³ Beinemu ta gagi kana keu anggoro anu mewalo a laro rahamu; luwuno anamu kana tumbano keu Saitu lumimbuo medamu!

⁴ Menteeano kanandiomo ta rinonso tama anu doitoako Ira i Ue.

⁵ Po'ineeomo ka Doronsoko i Ue inso i Sioni, ka ukitao manangaino Yerusale asa ntinuwumu,

⁶ ka kumita ira nana'ote inso a luwuno anamu! Rodoa a nto Isaraeli!