Po'unde-unde 127 - Wunta Mempori

Poronso-Do i Ue a nsombori 127:1-5

¹ Penani pekohono i Salomo. Tewala komba Ondae i Ue anu wanguo raha, nahina tuduno dompe'isei anu mpowangu; tewala komba Ondae i Ue anu kumongkomio kota, nahina tuduno dompedagai anu medaga.

² Nahina tuduno impewangu mo'oru ka i'amba mpenaa-naa laloomo ntonga wongi, mpe'i'isei mpo'ungke kaanga, hangano ndi ondae anu pinehohawa-Do Ondae i Ue moweeako ira i tempono mpoturi.

³ Menteeano, nana'ote onaemo tia pusaka-Do i Ue, ka wua mpe'anakaa onaemo tambo.

⁴ Kana luwuno ana mpana a ngkaeno sorodadu, kanatuumo nana'ote tama tempono imongura.

⁵ Me'uraomo mia anu mokobukeakonomo luwuno atuu kadu mpanano. Onae nahi ta pinokoko'ii, tempono i'aropi ira iwalino a mpewowa langkai.