Po'unde-unde 126 - Wunta Mempori

Pomperorohi pomuleado to Isaraeli 126:1-6

¹ Penani mekoho. Tempono Dopomuleo i Ue teweweuno Sioni, teweweuto kana mia anu mo'ipi.

² I tempo atuu ngangato bukeako pengingisi, ka eloto bukeako kokora-kora mawongko. I tempo atuu pinau i olodo luwuno tongku, ”Ondae i Ue moweweu Iramo wineweu langkai ndi ondae!”

³ ”Ondae i Ue moweweu Iramo wineweu langkai ndi ontae!” onaemo ka tomemawongko.

⁴ Ipomuleomo teweweumami, oo Ue, kana pomuleano korono mo'are i Wita Negebi!

⁵ Mia anu morawo inii saru mowera uwoi mata, ta sumowi saru kokora-kora mawongko.

⁶ Mia anu lumako saru mengese ka ipowawa kadu-kadu inii, manasa mekule saru kokora-kora mawongko ka iwawa ira te'uno ganduno.