Po'unde-unde 122 - Wunta Mempori

Pekakai manangaino Yerusale 122:1-9

¹ Penani pekohono i Daudi. Mawongko aku, tempono kupinauako, ”Aiwa ka tomelako a Raha-Do i Ue.”

² Kanandio-andio karumami mpentade a mpewowa langkaimu, hei Yerusale,

³ Yerusale, anu winangu kana kota, kana kota anu moroso pino'asa.

⁴ I ra'ai luwuno suku dompekoho, luwuno suku-Do i Ue, ka dompontarimakasi a nee-Do i Ue menunu saru atorado to Isaraeli.

⁵ Hangano, i ra'aimo ininaa luwuno kadera pobitaraa, kaderado somborino i Daudi.

⁶ Pekakaimo tiano manangaiano Yerusale, ”Po'ineeomo domentuwu rodo luwuno mia anu kumekewoiko.

⁷ Po'ineeomo manangaia ka ikongko a luwuno rere watumu, ka rodoa a bentemu!”

⁸ Hangano luwuno pepaekompoku ka wali-waliku aku koa motae, ”Po'ineeomo manangaia ka ikongko i laromu!”

⁹ Hangano Raha-Do i Ue, Ue Alato, aku koa umusahaakomu anu lalu moiko.