Po'unde-unde 121 - Wunta Mempori

Ondae i Ue , Anu Dumagaio Isaraeli 121:1-8

¹ Penani mekoho. Mengkita aku ngkoraane a luwuno torukuno; inso isuake ta hawe anu tumulungi aku?

² Anu tumulungi aku onaemo inso ndi Ondae i Ue, anu mokogagio langi ka tolino.

³ Nahi Ira mo'ineeo karumu telelu, Anu Dumagaiko nahi Ira tekoturi rodo.

⁴ Menteeano nahi Dotekoturi rodo ka nahi Dotekoturi Anu Dumagaio Isaraeli.

⁵ Ondaemo i Ue Anu Dumagaiko, Ondaemo i Ue pe'egoamu te'alaako a ngkae koanamu.

⁶ Mata'oleo nahi ta mokomahakiko i tempono meene, ke wula i tempono wongi.

⁷ Ondae i Ue Ira dumagaiko a luwuno masolaa; Ira dumagaio penaamu.

⁸ Ondae i Ue Ira dumagaio peluarakomu ka pewinsomu, mompu'u kanandio-andio hawe nahina tampulaano.