Po'unde-unde 120 - Wunta Mempori

Pekakaino mia anu mo'ia i tonga-tongano iwali 120:1-7

¹ Penani mekoho. A laro pompema'isoku kupebooli ndi Ondae i Ue ka Dosangki aku.

² ”Oo Ue, Ipotola akumo inso a wiwi megaupi, inso a elo mompopo'oo.”

³ Hapake anu Ira weeakomu ka hapake anu da Ira tumiangiakomu, hei elo mompopo'oo?

⁴ Luwuno pana anu montaso inso a pongkiari ka warono keu arari.

⁵ Masola akumo, hangano asalakono mo'ia kana mia hawe i Meseki, hangano asalakono mo'ia mpiha i olodo luwuno kemado to Kedari!

⁶ Tehineomo kupo'ia merongaako ira mia anu me'o'aliaakono pesintuwua.

⁷ Tempono kupepau mongkona sintuwu, ondae mongkona peteaa.