Po'unde-unde 12 - Wunta Mempori

Pekakai mepetulungi ka iteliahako inso a mia anu molengku 12:1-9

¹ Tiano petewawado anu mpenani. Montonda unino penani Anu ko'oalu. Penani po'unde-undeno i Daudi.

² Itulungi akumo, Ue, hangano mia moleo pingkoomo, metampula iramo mia mpetenunu inso i olodo anano mia.

³ Luwuno mia pompau pegaupi, asa mia a anu susua, ondae mpepauako wiwi anu mo'ahi ka aroa anu mesampa.

⁴ Po'ineeomo Ue Iseseio luwuno wiwi anu mo'ahi ka sompo elo anu labampau.

⁵ Dompotae, ”Saru elomami, omami mponangi! Wiwimami bisa mompau hapamo koa! Nde isemake uemami?”

⁶ Hangano pompokonsiia a mia molema, hangano pompemasusano mia mongkokolaro, kanandio-andio Akumo mentade, pau-Do i Ue; Aku moweeakono pongkadudui a mia anu kumekewoio.

⁷ Dandi-Do i Ue atuu dandi anu mentee ntu'u, kana salaka anu pinaresaomo, pepintu ipinokomorina a awu pompokolonoa inso a wita.

⁸ Omiu, Ue, Komiu mokogagio, Komiu dumagai kami mpiha inso a gerombola andio.

⁹ Mia mosa'o gauno melempa maupo isua, poweweua anu mosa'o i olodo anano mia komapa-maparino.