Po'unde-unde 113 - Wunta Mempori

Ondae i Ue tumandeo mia pinokongkodei 113:1-9

¹ Haleluya! Unde-unde Iramo, hei luwuno tetenaa-Do i Ue, unde-undeomo nee-Do!

² Po'ineeomo nee-Do i Ue ipinalele, kanandio-andio ka nahina tampulaano.

³ Inso i sabaano hawe i sumooano oleo inunde-undeomo nee-Do i Ue.

⁴ Ondae i Ue pabawaio luwuno tongku, maramba-Do pabawaio langi.

⁵ Isemake kana Ondae i Ue, Ue Alato, anu mo'ia a mpo'ianga anu mantande,

⁶ anu me'urumako mengkita i totono, i langi ka i tolino?

⁷ Dopontadeo mia anu pinokongkodei inso a laro pampawu ka tumandeo mia anu mongkokolaro inso a rege,

⁸ ka dompontoroo meronga luwuno ulea mokole, meronga luwuno mia pinemota'uno tongkuno.

⁹ Dopontoroo beine anu biita a raha gagi inedo nana'ote, buke mawongko. Haleluya!