Po'unde-unde 111 - Wunta Mempori

Po'unde-unde a wineweu ka parenta-Do i Ue 111:1-10

¹ Haleluya! Aku montarimakasi ndi Ondae i Ue tompaano aroaku, i olodo mia mentee ka a laro bawaa.

² Langkai luwuno wineweu-Do i Ue, tekona domemparesao luwuno mia anu ineheakono.

³ Langkai ka maramba inangga-Do, moleo-Do nahi bali ranta nahina tampulaano.

⁴ Luwuno wineweu anu kinohali-haliako Doweweuo gagi pepopoto'ori, Ondae i Ue atuu me'aroa ka mompehohawa.

⁵ Dopoweeako ira kaanga mia anu doitoako Ira. Dorambeo pedandia-Do ranta nahina tampulaano.

⁶ A bawaa-Do Dopokomengkaao luwuno wineweu-Do anu buke pabawa, tempono Doweeako ira tia pusakado luwuno tongku.

⁷ Moleo ka mentee wineweuno kae-Do. Luwuno parenta-Do moroso,

⁸ moroso mpiha ka nahina tampulaano ka iwineweu mentee ka moleo aroa.

⁹ Doweeako ira potolaa a bawaa-Do, Dopakosio ka ipinake dandi-Do ranta nahina tampulaano; mempori ka mongkokongiriomo nee-Do.

¹⁰ Pompu'uano ponto'ori anu mentee onaemo doitoako Ira i Ue, luwuno mia anu weweuo mohawe pokonto'ori anu moiko. Po'unde-unde ndi Ondae nahi bali ranta nahina tampulaano.