Po'unde-unde 110 - Wunta Mempori

Pompotoroa mokole sando mpesomba 110:1-7

¹ Penani po'unde-undeno i Daudi. Pau-Do i Ue a ueku, ”Pentoromo i koana-Ku, hawe ka Kuweweu ira iwalimu gagi pelandaano karumu.”

² Tuko poparentaamu Ira motolao i Ue inso i Sioni: poparentamo i olodo iwalimu!

³ Sorodadumu tetinda ira melako a oleo peteaamu, mperamba-rambaako memporia, tempono towea da a laro mpe'anakaa, tontoru tempo monguramu gagiomo omue me'ueo.

⁴ Ondae i Ue mesumpa Iramo, ka nahi Ira me'o'ole, ”Omuemo sando mpesomba ranta nahina tampulaano, montonda atorano i Melekisede.”

⁵ Ondae i Ue i koanamu; a oleo tekuda-Do Dopirego ira mokole,

⁶ Dohuku ira tongku, ranta matumbole wata ngkoroi; Dopuro ira ulu a wawo wita anu malua.

⁷ Inso a ngkorono a wiwi nsala ipo'inu, onaemo pu'uno, itandeo uluno.