Po'unde-unde 11 - Wunta Mempori

Ondae i Ue , pepekaduduia 11:1-7

¹ Tiano petewawado anu mpenani. Inso ndi Daudi. Ndi Ondae i Ue kupepekadudui, kana'umpe komiu memosia mpotae ndi ongkue, ”Peneemo a ntorukuno kana manu-manu!”

² Hangano, kitao mia mosa'o gauno lumongkuo panano, ondae mempasao ana mpanano a ngkolorono pana, mempanao mia anu bobotoli aroano a wongi-wongiano.

³ Tewala luwuno pundasino tehoa, hapa anu ta mokoweweuo mia mentee?

⁴ Ondae i Ue kongko Ira i laro raha-Do anu mempori; Ondae i Ue, kadera poparentaa-Do i suruga; mata-Do mompekokoongako, pengkitano mata-Do paresa ira anano mia.

⁵ Ondae i Ue paresao mia mentee ka mia mosa'o gauno, ka Do'o'aliaakono mia anu mongkekewoi pobobarasaia.

⁶ Do'usaiako ira mia mosa'o gauno waro me'api ka walira; angi anu mompokomo'ai, onaemo ihino pialado.

⁷ Hangano Ondae i Ue atuu moleo ka Dopehohawao moleoa; mia anu bobotoli aroano ta kumitao rupa-Do.