Po'unde-unde 100 - Wunta Mempori

Po'unde-unde ka pontarimakasi a laro Raha-Do Ue Ala 100:1-5

¹ Penani po'unde-unde pesomba pontarimakasi. Imengkokora-koramo tia-Do i Ue, hei asa wawontolino!

² Impesombamo temawongko ndi Ondae i Ue, ime'aiwamo i aro-Do saru kokora-kora memawongko!

³ To'oriomo nine butu koa Ondae i Ue, Ue Ala; Ondaemo anu mokogagi kita ka Ondaemo anu me'ue kita, bawaa-Do ka bawaano bimba pinakambi-Do.

⁴ Pewinsomo telalo a mpewowa langkai-Do saru penani pontarimakasi, a laro kintala-Do saru po'unde-unde, pontarimakasimo ndi Ondae ka unde-undeomo nee-Do!

⁵ Hangano Ondae i Ue atuu moiko, pompehohawa-Do ranta nahina tampulaano, ka mentee-Do kongko mpiha mapa'api-api inule.