Po'unde-unde 1 - Wunta Mempori

TIANO I: 1–41 Pesalaano mia mentee ka pesalaano mia mosa'o gauno

¹ Me'uraomo mia anu nahi pelempa tumondao po'oluakono mia mosa'o gauno, anu nahi pentade a mpesalaano mia tehala, ka anu nahi pentoro a tepumpuado mia mponggari-nggari,

² sine anu ineheno onaemo Taura-Do i Ue, ka anu me'ihilaroo Taura atuu meene ka wongi.

³ Onae kana keu, anu pinaho a wiwi waaano uwoi, anu mehasiliako wuano a tempono, nahi ta hori moleu leweno; hapamo koa anu wineweuno mehasili.

⁴ Komba kanatuu mia mosa'o gauno: ondae kana kulino pae anu rinawono angi.

⁵ Onaemo pu'uno mia mosa'o gauno nahi ta polio a laro mpobitaraa, ka mia tehala a laro tepumpuado mia mentee,

⁶ hangano Ondae i Ue tumo'orio pesalaano mia mentee, sine pesalaano mia mosa'o gauno te'aro a matea.