Podoaa 7 - Wunta Mempori

Pesomba i tempono poronsoa Kema Mempori

¹ I tempono i Musa umariomo wanguo Kema Mempori, i'urapio ka ipokomemporio saru luwuno sangkano, saru meda pontunua pesomba ka luwuno parewano. Umarino luwuno atuu i'urapio ka ipokomemporio,

² luwuno petewawado to Isaraeli, luwuno petewawado anu mpepe'etu, mpopesombaako pesomba. Ondae atuu luwuno petewawa suku anu mento'orio peburia atuu.

³ Mpowawa ira pesomba i aro-Do i Ue onoo kareta me'ato saru hopulu ka orua sapi; asa kareta tiano orua mia petewawa ka asa sapi tiano asa mia petewawa. Luwuno atuu domewawao i arono Kema Mempori.

⁴ Ka Do'amba mepau i Ue ndi Musa,

⁵ ”Tarimaomo luwuno atuu inso ndi ondae, kai pinake tiano anggaa a Ngkema Tepotowoa. Weeako iramo luwu to Lewi, menunu saru kinereno anggaano asa mia ka asa mia.”

⁶ I Musa tumarimao luwuno kareta ka sapi atuu, ka i'amba weeako ira to Lewi.

⁷ Orua kareta ka opaa sapi iweeako ira inuleno i Geresoni, menunu saru kinereno anggaado,

⁸ ka opaa kareta saru oalu sapi iweeako ira inuleno i Merari, menunu saru kinereno anggaado a mpetewawano i Itamari, anano Sando mpesomba Haruni.

⁹ Sine a inuleno i Kehati nahi poweeako ira maupo hapa, hangano anggaado onaemo mpontande luwuno sangka mempori a wawo oweado.

¹⁰ Luwuno petewawa mbo'u mpowawa pesomba tiano poronsoa meda pontunua pesomba, a oleo meda pontunua pesomba atuu inurapi. Luwuno petewawa mpowawa pesombado i arono meda pontunua pesomba atuu.

¹¹ Ondae i Ue mepau ndi Musa, ”Asa petewawa sompo oleo asalakono mowawa pesombano tiano poronsoa meda pontunua pesomba atuu.”

¹² Anu mowawa pesombano a oleo amba-ambano, onaemo i Nahasoni anano i Aminada, inso a nsuku Yehuda.

¹³ Pesombano onaemo asa sempe salaka, asa etu tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana, weweua pesomba kaanga;

¹⁴ asa sangkiri hopulu sikala wulaa mobeano, me'ihi dupa,

¹⁵ asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu;

¹⁶ asa bembe lakino weweua pesomba po'onini hala,

¹⁷ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Nahasoni anano i Aminada.

¹⁸ Ia oleo ko orua i Netane'eli anano i Suari, petewawado suku Isakari, mowawa pesomba.

¹⁹ Gagi pesombano, iwawao asa sempe salaka, asa etu tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga;

²⁰ asa sangkiri hopulu sikala wulaa mobeano, me'ihi dupa;

²¹ asa sapi lakino mongura, asa bimba lakino, ka asa bimba lakino tinuwuno asa nta'u weweua pesomba tinunu.

²² Asa bembe lakino weweua pesomba po'onini hala;

²³ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Netane'eli anano i Suari.

²⁴ Ia oleo ko'otolu, onaemo petewawado inuleno i Sebulo, i Eliabi anano i Heloni.

²⁵ Pesombano onaemo asa sempe salaka, asa etu ka tolu pulu sikala mobeano, ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala mempori, oruano me'ihi tarigu anu moiko ntu'u, sinaloako lana weweua pesomba kaanga;

²⁶ asa sangkiri, hopulu sikala wulaa mobeano, me'ihi dupa.

²⁷ Asa sapi lakino mongura, asa bimba lakino, ka asa bimba lakino tinuwuno asa nta'u, weweua pesomba tinunu.

²⁸ Asa bembe lakino weweua pesomba po'onini hala;

²⁹ kaweweua pesomba tekadududia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Eliabi anano i Heloni.

³⁰ Ia oleo ko'opaa, onaemo petewawado inuleno i Rube, i Elisuri anano i Siedeuri.

³¹ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu anu moiko ntu'u, sinaloako lana, weweua pesomba kaanga;

³² asa sangkiri hopulu sikala wulaa mobeano me'ihi dupa;

³³ asa sapi lakino mongura, asa bimba lakino ka asa bimba lakino tinuwuno asa nta'u weweua pesomba tinunu;

³⁴ asa bembe lakino weweua pesomba po'onini hala;

³⁵ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Elisuri anano i Siedeuri;

³⁶ Ia oleo ko'olima onaemo petewawado inuleno i Simeoni, i Selumieli anano i Surisiadai.

³⁷ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihitarigu anu moiko ntu'u, sinaloako lana weweua pesomba kaanga;

³⁸ asa sangkiri, hopulu sikala wulaa mobeano, me'ihi dupa;

³⁹ asa sapi mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁴⁰ asa bembe lakino weweua pesomba po'onini hala;

⁴¹ ka weweua pesomba tekaduduia orua sapi, olima bimba lakino ka olima bimba lakino tinuwuno asa nta'u. Onaemo pesombano i Selumieli anano i Surisiadai.

⁴² Ia oleo ko'onoo onaemo petewawado inuleno i Gadi, i Eliasapi anano i Rehueli.

⁴³ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga.

⁴⁴ Asa sangkiri, hopulu sikala wulaa mobeano, me'ihi dupa;

⁴⁵ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu.

⁴⁶ Asa bembe lakino weweua pesomba po'onini hala;

⁴⁷ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Eliasapi anano i Rehueli.

⁴⁸ Ia oleo ko'opitu onaemo petewawado inuleno i Eparai, i Elisama anano i Amihudi.

⁴⁹ Pesombano onaemo asa sempe salaka, asa etu ka tolu pulu sikala mobeano, ka asa loea kodei ponsiwui wineweu inso a nsalaka, pitu pulu sikala mobeano, tinimba montonda sikala po'ianga mempori, ko'oriano me'ihi tarigu moiko, wineweu sinakoako lana, tiano pesomba kaanga;

⁵⁰ asa sangkiri, hopulu sikala wulaa mobeano, me'ihi dupa;

⁵¹ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu.

⁵² Asa bembe lakino weweua pesomba po'onini hala;

⁵³ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Elisama anano i Amihudi.

⁵⁴ Ia oleo ko'oalu onaemo petewawado inuleno i Manase, i Gamalieli anano i Pedasuri.

⁵⁵ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga.

⁵⁶ Asa sangkiri, hopulu sikala wulaa mobeano me'ihi dupa;

⁵⁷ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁵⁸ asa bembe lakino weweua pesomba po'onini hala;

⁵⁹ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Gamalieli anano i Pedasuri.

⁶⁰ Ia oleo ko'osio onaemo petewawado inuleno i Benami, i Abidani anano i Gideoni.

⁶¹ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga;

⁶² asa sangkiri, hopulu sikala wulaa mobeano me'ihi dupa;

⁶³ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁶⁴ asa bembe lakino weweua pesomba po'onini hala;

⁶⁵ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Abidani anano i Gideoni.

⁶⁶ Ia oleo kohopulu onaemo petewawado inuleno i Dani, i Ahieseri anano i Amisiadai.

⁶⁷ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana, weweua pesomba kaanga;

⁶⁸ asa sangkiri, hopulu sikala wulaa mobeano, me'ihi dupa;

⁶⁹ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁷⁰ asa bembe lakino, weweua pesomba po'onini hala;

⁷¹ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Ahieseri anano i Amisiadai.

⁷² Ia oleo kohopulu ka asa onaemo petewawado inuleno i Asere, i Pagieli anano i Okirani.

⁷³ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga;

⁷⁴ asa sangkiri, hopulu sikala wulaa mobeano, me'ihi dupa;

⁷⁵ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁷⁶ asa bembe lakino weweua pesomba po'onini hala;

⁷⁷ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Pagieli anano i Okirani.

⁷⁸ Ia oleo kohopulu ka orua onaemo petewawado inuleno i Napatali, i Ahira anano i Enani.

⁷⁹ Pesombano onaemo asa sempe salaka, asa etu ka tolu pulu sikala mobeano ka asa loea kodei ponsiwui wineweu inso a nsalaka, pitu pulu sikala mobeano, kinati montonda sikala po'ianga mempori, oruano me'ihi tarigu moiko ntu'u, sinaloako lana weweua pesomba kaanga;

⁸⁰ asa sangkiri, hopulu sikala wulaa mobeano, me'ihi dupa;

⁸¹ asa sapi lakino mongura, asa bimba lakino ka asa bimba lakino tinuwuno asa nta'u, weweua pesomba tinunu;

⁸² asa bembe lakino weweua pesomba po'onini hala;

⁸³ ka weweua pesomba tekaduduia orua sapi, olima bimba lakino, olima bembe lakino ka olima bimba lakino tinuwuno asa nta'u. Onaemo pesombano i Ahira anano i Enani.

⁸⁴ Ndiomo pesomba poronsoa meda pontunua pesomba inso a luwuno petewawado Isaraeli ia oleo meda pontunua pesomba atuu inurapi: hopulu ka orua sempe salaka, hopulu ka orua loea kodei ponsiwui wineweu inso a nsalaka ka hopulu ka orua sangkiri wulaa.

⁸⁵ Mobeano sompo sempe, asa etu ka tolu pulu sikala salaka ka mobeano sompo loea kodei ponsiwui, pitu pulu sikala. Luwuno salakano parewa atuudo, mobeano rua nsowu ka pato etu sikala, kinati montonda sikala po'ianga mempori.

⁸⁶ Hopulu ka orua sangkiri wulaa, me'ihi dupa, sompo sangkiri mobeano hopulu sikala, kinati montonda sikala po'ianga mempori. Luwuno wulaano sangkiri atuu mobeano asa etu ka rua pulu sikala.

⁸⁷ Luwuno pinotuwu weweua pesomba tinunu atuu, onaemo hopulu ka orua sapi lakino, hopulu ka orua bimba lakino, hopulu ka orua bimba lakino tinuwuno asa nta'u, saru pesomba kaangano, hopulu ka orua mbo'u bembe lakino weweua pesomba po'onini hala.

⁸⁸ Luwuno pinotuwu pesomba tekaduduia atuu, onaemo rua pulu ka opaa sapi lakino, nomo pulu bimba lakino, nomo pulu bembe lakino ka nomo pulu bimba lakino tinuwuno asa nta'u. Onaemo pesomba poronsoa meda pontunua pesomba, umarino meda pontunua pesomba atuu inurapi.

⁸⁹ Mansano mewinso i Musa a laro Kema Tepotowoa ta mepau saru Ondae i Ue, irongeo anu mepau ndi onae inso a wawo tutuwi pesintuwua anu i wawono burua songka-Do Ue Ala, inso i olono orua kerubi atuu. Kanandiomo Dopepau ndi onae.