Podoaa 33 - Wunta Mempori

Luwuno po'ianga tetoroado to Isaraeli i pada one

¹ Ndiomo luwuno po'ianga tetoroado to Isaraeli, mansado mpeluarako inso i wita Masiri, montonda pebawaado iwawa ira i Musa ka i Haruni.

² I Musa burio pelempaado montonda luwuno po'ianga tetoroa lumako a mpo'ianga tetoroa menunu saru petena-Do i Ue. Ndiomo luwuno po'ianga tetoroado a laro pelempaado:

³ Dompelungka inso i Ramesi ia oleo kohopulu ka olima wula amba-ambano. Asa oleo umarino Pasa atuu to Isaraeli mpelempa mpeluarako, iwawa ira Kae anu Mantande, i arodo luwuno to Masiri,

⁴ kontongaado to Masiri mengkaburuo luwuno ana aka anu Dopepate iramo i Ue i olodo; hangano Dopotiiomo i Ue luwuno pohuku a luwuno pinesombaido.

⁵ To Isaraeli mpelungka inso i Ramesi, ka do'amba mpekema i Sukoti.

⁶ Mpelungka ira inso i Sukoti, ka do'amba mpekema i Etami, i wiwino pada one.

⁷ Mpelungka ira inso i Etami, ka do'amba mpepokule i Pi-Hahiroti anu i arono Baala-Seponi, ka do'amba mpekema i asatowano Migidoli.

⁸ Mpelungka ira inso i Pi-Hahiroti ka melaloo tonga ntahi melako i pada one. Mansado mpelempa otolu oleo tehineno i pada one Etami, mpekema ira i Mara.

⁹ Mpelungka ira inso i Mara, ka do'amba mehawe i Elimi; i Elimi hinao hopulu ka orua mata uwoi ka pitu pulu keu koroma; i ra'aimo dompekema.

¹⁰ Mpelungka ira inso i Elimi, ka do'amba mpekema i wiwi ntahi Teberau.

¹¹ Mpelungka ira inso i wiwi ntahi Teberau, ka do'amba mpekema i pada one Sini.

¹² Mpelungka ira inso i pada one Sini, ka do'amba mpekema i Dopika.

¹³ Mpelungka ira inso i Dopika, ka do'amba mpekema i Alusi.

¹⁴ Mpelungka ira inso i Alusi, ka do'amba mpekema i Rapidimi, ka i ra'aimo nahina uwoi inuado tongku atuu.

¹⁵ Mpelungka ira inso i Rapidimi, ka do'amba mpekema i pada one Sinai.

¹⁶ Mpelungka ira inso i pada one Sinai, ka do'amba mpekema i Kibiroti-Taawa.

¹⁷ Mpelungka ira inso i Kibiroti-Taawa, ka do'amba mpekema i Haseroti.

¹⁸ Mpelungka ira inso i Haseroti, ka do'amba mpekema i Ritima.

¹⁹ Mpelungka ira inso i Ritima, ka do'amba mpekema i Rimoni-Perosi.

²⁰ Mpelungka ira inso i Rimoni-Perosi, ka do'amba mpekema i Libina.

²¹ Mpelungka ira inso i Libina, ka do'amba mpekema i Risa.

²² Mpelungka ira inso i Risa, ka do'amba mpekema i Kehelata.

²³ Mpelungka ira inso i Kehelata, ka do'amba mpekema i Hari-Siaperi.

²⁴ Mpelungka ira inso i Hari-Siaperi, ka do'amba mpekema i Harada.

²⁵ Mpelungka ira inso i Harada, ka do'amba mpekema i Makeloti.

²⁶ Mpelungka ira inso i Makeloti, ka do'amba mpekema i Tahati.

²⁷ Mpelungka ira inso i Tahati, ka do'amba mpekema i Tarahi.

²⁸ Mpelungka ira inso i Tarahi, ka do'amba mpekema i Mitika.

²⁹ Mpelungka ira inso i Mitika, ka do'amba mpekema i Hasimona.

³⁰ Mpelungka ira inso i Hasimona, ka do'amba mpekema i Moseroti.

³¹ Mpelungka ira inso i Moseroti, ka do'amba mpekema i Bene-Yaakani.

³² Mpelungka ira inso i Bene-Yaakani, ka do'amba mpekema i Hori-Gidigadi.

³³ Mpelungka ira inso i Hori-Gidigadi, ka do'amba mpekema i Yotibata.

³⁴ Mpelungka ira inso i Yotibata, ka do'amba mpekema i Abirona.

³⁵ Mpelungka ira inso i Abirona, ka do'amba mpekema i Esioni-Geberi.

³⁶ Mpelungka ira inso i Esioni-Geberi, ka do'amba mpekema i pada one Sini, onaemo Kadesi.

³⁷ Mpelungka ira inso i Kadesi, ka do'amba mpekema i torukuno Hore, a ntida witado to Edomi.

³⁸ Tempo atuu sando mpesomba Haruni mewuatako a ntorukuno Hore menunu saru petena-Do i Ue. Ka i tu'ai imate ia nta'u kopato pulu umarido mpeluarako to Isaraeli inso i wita Masiri, tanggala asa, wula ko'olima.

³⁹ Tinuwuno i Haruni asa etu ka rua pulu ka otolu nta'u, tempono imate i torukuno Hore.

⁴⁰ Lele mongkona hawedo to Isaraeli atuu i rongeo mokole wita Aradi, to Kana'a, anu mo'ia i wita Nege i wita Kana'a.

⁴¹ Mpelungka iramo inso i torukuno Hore, ka do'amba mpekema i Salimona.

⁴² Mpelungka ira inso i Salimona, ka do'amba mpekema i Punoni.

⁴³ Mpelungka ira inso i Punoni, ka do'amba mpekema i Oboti.

⁴⁴ Mpelungka ira inso i Oboti, ka do'amba mpekema umpeda inia tekale i Abarimi i wita Moabi.

⁴⁵ Mpelungka ira inso tekale atuu, ka do'amba mpekema i Diboni-Gadi.

⁴⁶ Mpelungka ira inso i Diboni-Gadi, ka do'amba mpekema i Alamoni-Dibalataimi.

⁴⁷ Mpelungka ira inso i Alamoni-Dibalataimi, ka do'amba mpekema i mentorukuno Abarimi i arono Nebo.

⁴⁸ Mpelungka ira inso i mentorukuno Abarimi, ka do'amba mpekema i lembono Moabi i wiwi ngkoro Yarade umpeda i Yeriko.

⁴⁹ Mpekema ira i wiwi ngkoro Yarade, inso i Beti-Yesimoti hawe i Abeli-Sitimi i lembono Moabi.

Parenta-Do i Ue mongkona wita Kana'a

⁵⁰ Mepau Ira i Ue ndi Musa i lembono Moabi i wiwi ngkoro Yarade umpeda i Yeriko,

⁵¹ ”Pepaumo a nto Isaraeli ka potaeako ira: Tewala imensakio koro Yarade melako i wita Kana'a,

⁵² asalakono imensaari ira luwuno palili i wita atuu inso i aromiu ka imempuroo luwuno watu ngginorido; asalakono imempuroo mbo'u luwuno tinaha tinawado ka imeropuo luwuno pongku wita pesombaado.

⁵³ Asalakono impetorokio wita atuu ka mpo'ia i ra'ai, hangano ndi omiumo Kupeweengakono wita atuu ka impetorokio.

⁵⁴ Ka asalakono impetiao wita atuu gagi tia pusaka saru mpontende undi montonda sukumiu; a anu hadio ira asalakono impoweeako ira tia pusaka anu langkai, ka a anu tedei ira asalakono impoweeako ira tia pusaka anu kodei; hapa anu tinisono undi tiano, onaemo tiano; asalakono impetiao tia pusaka atuu montonda sukudo uempu'umiu.

⁵⁵ Sine tewala nahi mensaario palilino wita atuu inso i aromiu, luwuno mia anu pino'ineemiu tuwu inso ndi ondae, ta gagi kana siba a matamiu ka kana rui anu dumuhuo horimiu, ka ira mensapoikomiu i wita po'iangamiu atuu.

⁵⁶ Manasa Aku weweuo ndi omiu kana anu pinewowolo-Ku weweuo ndi ondae.”