Podoaa 29 - Wunta Mempori

¹ A ntanggala asa wula ko'opitu, asalakono impoweweu tepumpua mempori. Si mpo'angga anggaa hapamokoa anu mobea. Onaemo oleo i puuriakomiu serunai.

² I tempo atuu asalakono imeweweuo asa ntia pesomba tinunu gagi woo anu pinemawongko-Do i Ue, onaemo asa sapi mongura, asa bimba lakino, opitu bimba lakino anu tinuwuno asa nta'u anu nahina tataano;

³ ka pesomba kaangano, onaemo: tarigu moiko ntu'u anu sinaloako lana otolu ntia hopulu efa tiano nsapi lakino atuu, orua ntia hopulu efa tiano bimba lakino atuu

⁴ ka asa ntia hopulu efa tiano sompo bimba inso a bimba opitu atuu;

⁵ asa mbo'u bembe lakino gagi pesomba po'onini hala moweweu pesintuwua ndi omiu.

⁶ Onaemo tiangino a mpesomba tinunu wula mongura saru pesomba kaangano, ka pesomba tinunu anu wela pinesombaako saru pesomba kaanga ka luwuno pesomba tinawano menunu kana atorano, gagi woo anu mompokomawongko, asa pesomba tinunu ndi Ondae i Ue.

⁷ Ia oleo kohopulu wula anu ko'opitu atuu, asalakono impoweweu tepumpua mempori ka mpe'urumako saru mempuasa; si mpo'angga anggaa hapamokoa.

⁸ Asalakono impopesombaako pesomba tinunu ndi Ondae i Ue, gagi woo anu mompokomawongko, onaemo asa sapi lakino mongura, asa bimba lakino ka opitu bimba lakino anu tinuwuno asa nta'u; asalakono impo'ala anu nahina tataano;

⁹ ka pesomba kaangano: tarigu moiko ntu'u anu sinaloako lana: otolu ntia hopulu efa tiano sapi lakino atuu, orua ntia hopulu efa tiano bimba lakino anu asa atuu,

¹⁰ ka asa ntia hopulu efa tiano sompo bimba inso a bimba anu opitu atuu;

¹¹ asa mbo'u bembe lakino gagi pesomba po'onini hala, saru pesomba po'onini hala powawa pesintuwua ka pesomba tinunu anu wela pinesombaako saru pesomba kaangano ka luwuno pesomba tinawano.

¹² Ia oleo kohopulu ka olima wula ko'opitu atuu, asalakono impoweweu tepumpua mempori. Si mpo'angga mobea anggaa hapamokoa; asalakono impoweweuako Ira i Ue porame-ramea, opitu oleo tehineno.

¹³ Asalakono impopesombaako pesomba tinunu, pesomba tinunu a api, gagi woo mokomawongko Ira i Ue: hopulu ka otolu sapi lakino mongura, orua bimba lakino, hopulu ka opaa bimba lakino anu tinuwuno asa nta'u; asalakono luwuno atuu nahina tataano;

¹⁴ ka pesomba kaangano: tarigu moiko ntu'u anu sinaloako lana: otolu ntia hopulu efa tiano sompo sapi, inso a nsapi lakino hopulu ka otolu atuu, orua ntia hopulu efa tiano sompo bimba, inso a bimba lakino orua atuu,

¹⁵ ka asa ntia hopulu efa tiano sompo bimba, inso a bimba hopulu ka opaa atuu;

¹⁶ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaangano ka pesomba tinawano.

¹⁷ Ia oleo ko'orua pesombaakonomo hopulu ka orua sapi lakino mongura, orua bimba lakino, hopulu ka opaa bimba anu tinuwuno asa nta'u anu nahina tataano,

¹⁸ saru pesomba kaangano ka luwuno pesomba tinawano, moiko luwuno a nsapi lakino, luwuno bimba lakino, maupo luwuno a bimba mongura atuu, anu hadiono montonda atora;

¹⁹ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka luwuno pesomba tinawano.

²⁰ Ia oleo ko'otolu pesombaakonomo hopulu ka asa sapi lakino, orua bimba lakino, hopulu ka opaa bimba anu tinuwuno asa nta'u anu nahina tataano,

²¹ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, hadiono montonda atora;

²² asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaangano ka pesomba tinawano.

²³ Ia oleo anu ko'opaa pesombaakonomo hopulu sapi lakino, orua bimba lakino, hopulu ka opaa bimba lakino anu tinuwuno asa nta'u anu nahina tataano,

²⁴ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba mongura atuu, hadiono montonda atora;

²⁵ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.

²⁶ Ia oleo ko'olima pesombaakonomo osio sapi lakino, orua bimba lakino ka hopulu ka opaa bimba lakino anu tinuwuno asa nta'u anu nahina tataano,

²⁷ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba mongura atuu, montonda hadiono ka atorano;

²⁸ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.

²⁹ Ia oleo ko'onoo pesombaakonomo oalu sapi lakino, orua bimba lakino, hopulu ka opaa bimba anu tinuwuno asa nta'u anu nahina tataano,

³⁰ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atora;

³¹ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka luwuno pesomba tinawano.

³² Ia oleo ko'opitu pesombaakonomo opitu sapi lakino, orua bimba lakino, ka hopulu ka opaa bimba lakino anu tinuwuno asa nta'u anu nahina tataano,

³³ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atorano;

³⁴ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.

³⁵ Ia oleo ko'oalu asalakono impoweweu tepumpua langkai, si mpo'angga mobea anggaa hapamokoa.

³⁶ Asalakono impopesombaako pesomba tinunu, pesomba tinunu a api gagi woo anu mokomawongko Ira i Ue, onaemo asa sapi lakino, asa bimba lakino ka opitu bimba lakino anu tinuwuno asa nta'u anu nahina tataano,

³⁷ saru pesomba kaanga ka luwuno pesomba tinawano, moiko luwuno a nsapi lakino, luwuno bimba lakino maupo luwuno a bimba lakino mongura atuu, anu hadiono montonda atora;

³⁸ asa mbo'u bembe lakino gagi pesomba po'onini hala, saru pesomba tinunu anu wela pinesombaako saru pesomba kaanga ka pesomba tinawano.

³⁹ Onaemo luwu anu asalakono imeweweuako Ira i Ue ia luwuno oleo langkaimiu gagi luwuno pesomba tinunumiu, luwuno pesomba kaangamiu, luwuno pesomba tinawamiu ka luwuno pesomba tekaduduiamiu, saru luwuno pesomba pontangamiu ka luwuno pesomba a moputeno aroamiu.”

⁴⁰ Ka i'amba i Musa mepau a nto Isaraeli montonda luwuno parenta-Do i Ue ndi onae.