Podoaa 26 - Wunta Mempori

Sorodadu Isaraeli dinoa kompenduano

¹ Umarino pohuku atuu, mepau Ira i Ue ndi Musa ka ndi Eleasa, anano sando mpesomba Haruni,

² ”Doaomo porokono luwuno bawaa Isaraeli anu tinuwuno rua pulu nta'u ka torea montonda pepe'etuado, luwuno mia anu polio metea i olodo to Isaraeli.”

³ Ka i'amba i Musa ka sando mpesomba Eleasa motaeako ira i lembono Moabi, i wiwino koro Yarade umpeda i Yeriko,

⁴ ”Doaomo porokono luwuno mia anu tinuwuno rua pulu nta'u ka torea!” kana anu Dopeparentaako i Ue ndi Musa. Ndiomo to Isaraeli anu mpeluarako iramo inso i wita Masiri:

⁵ I Rube onaemo anano amba-ambano i Isaraeli; inuleno i Rube: inso ndi Heno sukudo to Heno; inso ndi Palu sukudo to Palu;

⁶ inso ndi Heseroni sukudo to Heseroni ka inso ndi Karimi sukudo to Karimi.

⁷ Onaemo atuu luwuno sukudo to Rube; luwuno mia anu binuri inso ndi ondae, porokono pato pulu ka otolu nsowu pitu etu ka tolu pulu mia.

⁸ Anano i Palu onaemo i Eliabi,

⁹ ka luwuno anano i Eliabi, onaemo i Nemueli, i Datani ka i Abirami. I Datani ka i Abirami ondaemo mia anu bininikido bawaa. Ondae atuu do'ewai iramo i Musa ka i Haruni i olodo bawaa anu mpetonda ndi Kora, tempono do'ewai Ira i Ue.

¹⁰ Tolino menganga ka itele ira meronga saru i Kora. Bawaa anu tumondao atuu memate, tempono rua etu ka lima pulu mia atuu ikaano api, ka ondae gagi asa pepopoto'ori.

¹¹ Sine luwuno anano i Kora nahi domemate.

¹² Inuleno i Simeo montonda sukudo, onaemo: inso ndi Nemueli sukudo to Nemueli; inso ndi Yamini sukudo to Yamini; inso ndi Yakini sukudo to Yakini;

¹³ inso ndi Sera sukudo to Sera ka inso ndi Saulu sukudo to Saulu.

¹⁴ Onaemo luwuno sukudo to Simeo, rua pulu ka orua nsowu ka rua etu mia hadiono.

¹⁵ Inuleno i Gadi montonda sukudo, onaemo: inso ndi Seponi sukudo to Seponi; inso ndi Hagi sukudo to Hagi; inso ndi Siuni sukudo to Siuni;

¹⁶ inso ndi Osini sukudo to Osini, inso ndi Eri sukudo to Eri;

¹⁷ inso ndi Arodi sukudo to Arodi ka inso ndi Areli sukudo to Areli.

¹⁸ Onaemo luwuno suku inuleno i Gadi; luwuno mia anu binuri inso ndi ondae, porokono pato pulu nsowu ka lima etu mia.

¹⁹ Luwuno anano i Yehuda, onaemo i Eri ka i Onani; sine i Eri ka i Onani mate i wita Kana'a.

²⁰ Inuleno i Yehuda montonda sukudo, onaemo: inso ndi Siela sukudo to Siela; inso ndi Peresi sukudo to Peresi ka inso ndi Sera sukudo to Sera.

²¹ Inuleno i Peresi, onaemo inso ndi Heseroni sukudo to Heseroni ka inso ndi Hamuli sukudo to Hamuli.

²² Onaemo luwuno suku Yehuda; Luwuno mia anu binuri inso ndi ondae, porokono pitu pulu ka onoo nsowu ka lima etu mia.

²³ Inuleno i Isakari montonda sukudo, onaemo: inso ndi Tola sukudo to Tola; inso ndi Pua sukudo to Pua;

²⁴ inso ndi Yasubi sukudo to Yasubi ka inso ndi Simironi sukudo to Simironi.

²⁵ Onaemo luwuno suku Isakari; luwuno mia anu binuri inso ndi ondae, porokono nomo pulu ka opaa nsowu ka tolu etu mia.

²⁶ Inuleno i Sebulo montonda sukudo, onaemo: inso ndi Seredi sukudo to Seredi; inso ndi Eloni sukudo to Eloni ka inso ndi Yahale'eli sukudo to Yahale'eli.

²⁷ Onaemo luwuno sukudo to Sebulo ka luwuno mia anu binuri inso ndi ondae, porokono nomo pulu nsowu ka lima etu mia.

²⁸ Inuleno i Yusupu montonda sukudo, onaemo to Manase ka to Eparai.

²⁹ Inuleno i Manase onaemo: inso ndi Makiri sukudo to Makiri; ka i Makiri me'anaakono i Gileadi; inso ndi Gileadi sukudo to Gileadi.

³⁰ Ndiomo inuleno i Gileadi: inso ndi Leseri sukudo to Leseri; inso ndi Heleki sukudo to Heleki;

³¹ inso ndi Aserieli sukudo to Aserieli; inso ndi Sekemi sukudo to Sekemi;

³² inso ndi Semida sukudo to Semida; ka inso ndi Heperi sukudo to Heperi.

³³ Kanatuumo i Selapehadi anano i Heperi nahi pe'ana ntama, sine butu ana beine. Needo luwuno anano beine i Selapehadi onaemo i Mahala, i Noa, i Hogela, i Milika ka i Tiresa.

³⁴ Onaemo luwuno suku Manase, luwuno mia anu binuri inso ndi ondae, porokono lima pulu ka orua nsowu ka pitu etu mia.

³⁵ Ndiomo inuleno i Eparai montonda sukudo: inso ndi Sutela sukudo to Sutela; inso ndi Bekeri sukudo to Bekeri ka inso ndi Tahani sukudo to Tahani.

³⁶ Ndiomo inuleno i Sutela: inso ndi Erani sukudo to Erani.

³⁷ Onaemo luwuno suku inuleno i Eparai; luwuno mia anu binuri inso ndi ondae, porokono tolu pulu ka orua nsowu ka lima etu mia. Onaemo inuleno i Yusupu montonda sukudo.

³⁸ Inuleno i Benami montonda sukudo, onaemo: inso ndi Bela sukudo to Bela; inso ndi Asabeli sukudo to Asabeli; inso ndi Ahirami sukudo to Ahirami;

³⁹ inso ndi Sepupami sukudo to Sepupami; ka inso ndi Hupami sukudo to Hupami.

⁴⁰ Luwuno anano i Bela, onaemo i Aredi ka i Na'ama; inso ndi Aredi sukudo to Aredi ka inso ndi Na'ama sukudo to Na'ama.

⁴¹ Onaemo inuleno i Benami montonda sukudo; luwuno mia anu binuri inso ndi ondae, porokono pato pulu ka olima nsowu ka nomo etu mia.

⁴² Ndiomo inuleno i Dani montonda sukudo: inso ndi Suhami sukudo to Suhami. Onaemo luwuno suku Dani montonda sukudo.

⁴³ Luwuno sukudo to Suhami, luwuno mia anu binuri inso ndi ondae, porokono nomo pulu ka opaa nsowu ka pato etu mia.

⁴⁴ Inuleno i Asieri montonda sukudo, onaemo: inso ndi Yimina sukudo to Yimina; inso ndi Yisiwi sukudo to Yisiwi; ka inso ndi Beria sukudo to Beria.

⁴⁵ Kanatuu mbo'u inuleno i Beria: inso ndi Heberi sukudo to Heberi ka inso ndi Malakieli sukudo to Malakieli.

⁴⁶ Neeno ana beineno i Asieri onaemo i Sera.

⁴⁷ Onaemo luwuno suku inuleno i Asieri luwuno mia anu binuri inso ndi ondae, porokono lima pulu ka otolu nsowu ka pato etu mia.

⁴⁸ Inuleno i Napatali montonda sukudo onaemo: inso ndi Yahase'eli sukudo to Yahase'eli; inso ndi Guni sukudo to Guni;

⁴⁹ inso ndi Yeseri sukudo to Yeseri ka inso ndi Silemi sukudo to Silemi.

⁵⁰ Onaemo luwuno suku Napatali montonda sukudo; luwuno mia anu binuri inso ndi ondae, porokono pato pulu ka olima nsowu ka pato etu mia.

⁵¹ Onaemo luwuno mia anu binuri inso a nto Isaraeli, nomo etu ka asa nsowu pitu etu ka tolu pulu mia hadiono.

⁵² Mepau Ira i Ue ndi Musa,

⁵³ ”A luwunomo suku atuu asalakono tinia wita atuu gagi tia pusaka montonda luwuno nee anu binuri;

⁵⁴ Anu hadio ira, asalakono upoweeako ira tia pusaka anu langkai, ka anu tedei ira, asalakono poweeako ira tia pusaka anu kodei. Singge mia asalakono pinoweeako tia pusaka menunu saru hadiono mia anu binuri.

⁵⁵ Sine wita atuu asalakono tinia mesala montende undi. Ondae asalakono mpohawe tia pusaka montonda neeno luwuno sukuno uempu'udo.

⁵⁶ Kana anu tinisono hasilino undi asalakono tinia tia pusaka a sompo suku i olono anu hadio ira ka anu tedei ira.”

⁵⁷ Ndiomo luwuno mia anu binuri inso a nto Lewi montonda sukudo: inso ndi Geresoni sukudo to Geresoni; inso ndi Kehati sukudo to Kehati; ka inso ndi Merari sukudo to Merari.

⁵⁸ Ndiomo luwuno suku Lewi; sukudo to Liboni, sukudo to Heberoni, sukudo to Mahali, sukudo to Musi ka sukudo to Kora. I Kehati mbo'u me'anaakono i Amirami.

⁵⁹ Neeno kombiano i Amirami, onaemo i Yokebe, ana beineno i Lewi, anu pine'anaako i wita Masiri. Ndi Amirami beine atuu me'anaakono i Haruni, i Musa ka i Miriami, pepaekompodo beine.

⁶⁰ Ndi Haruni pine'anaako i Nadabi ka i Abihu, i Eleasa ka i Itamari.

⁶¹ Sine i Nadabi ka i Abihu mate, tempono dopompesombaako pesomba api susua i aro-Do i Ue.

⁶² Luwuno mia anu binuri inso ndi ondae, porokono rua pulu ka otolu nsowu mia, luwuno tama anu tinuwuno asa wula ka torea. Ondae nahi domebinuri meronga saru to Isaraeli, hangano nahi domempinoweeako tia pusaka i tonga-tongado to Isaraeli.

⁶³ Onaemo luwuno mia anu binurido i Musa ka sando mpesomba Eleasa, tempono doburi ira to Isaraeli i lembono Moabi i wiwino koro Yarade umpeda i Yeriko.

⁶⁴ I olodo nahina hinawe maupo te'asa mia anu binurido i Musa ka sando mpesomba Haruni, tempono doburi ira to Isaraeli i pada one Sinai.

⁶⁵ Hangano mepau Iramo i Ue mongkona ondae, ”Ondae asalakono memate i pada one.” Nahina maupo te'asa mia inso ndi ondae kongko tuwu sangkadio i Kalebi anano i Yepune ka i Yosua anano i Nuni.