Podoaa 2 - Wunta Mempori

Po'atoraa pekemaa bawaado to Isaraeli

¹ Mepau Ira i Ue ndi Musa ka ndi Haruni,

² ”To Isaraeli asalakono singge mpekema saru bandera tepo'asaado, montonda tondonino pepe'etuano. Ondae asalakono mpekema lumimbuo Kema Tepotowoa, olai tedei inso i ra'ai.

³ Anu mpekema i sabaano oleo, te'alaako a mpesabaakoano oleo, onaemo bandera tepo'asaado sorodadu Yehuda, montonda luwuno bawaado. Petewawado inuleno i Yehuda onaemo i Nahasoni anano i Aminada.

⁴ Hadiono bawaano, pitu pulu ka opaa nsowu ka nomo etu mia.

⁵ Anu mpekema umpeda ndi onae, onaemo suku Isakari. Petewawado inuleno i Isakari, onaemo i Netane'eli anano i Suari.

⁶ Hadiono bawaano, lima pulu ka opaa nsowu ka pato etu mia.

⁷ Ka i'amba suku Sebulo. Petewawado inuleno i Sebulo, onaemo i Eliabi anano i Heloni.

⁸ Hadiono bawaano lima pulu ka opitu nsowu ka pato etu mia.

⁹ Porokono mia anu binuri gagi sorodadu Yehuda montonda luwuno bawaado, asa etu halo pulu ka onoo nsowu ka pato etu mia. Ondaemo anu mpelungka tese'elu.

¹⁰ Bandera tepo'asaado sorodadu Rube te'alaako i selata, montonda luwuno bawaado. Petewawado inuleno i Rube, onaemo i Elisuri, anano i Sedeuri.

¹¹ Hadiono bawaano, pato pulu ka onoo nsowu ka lima etu mia.

¹² Anu mpekema umpeda ndi onae, onaemo suku Simeo. Petewawado inuleno i Simeo, onaemo i Selumieli anano i Surisiadai.

¹³ Hadiono bawaano, lima pulu ka osio nsowu ka tolu etu mia.

¹⁴ Ka i'amba suku Gadi. Petewawado inuleno i Gadi, onaemo i Eliasapi anano i Rehueli.

¹⁵ Hadiono bawaano, pato pulu ka olima nsowu nomo etu ka lima pulu mia.

¹⁶ Porokono mia anu binuri gagi sorodadu Rube montonda luwuno bawaado, asa etu ka lima pulu ka asa nsowu pato etu ka lima pulu mia. Ondaemo anu lomoro ko'orua mpelungka.

¹⁷ Umarino atuu Kema Tepotowoa ka sorodadu to Lewi mpelungka i tonga-tongano sorodadu anu susua atuu. Mengkena kana dompekema, kanatuu koa mbo'u dompelungka, singge mia a mpo'iangano montonda bandera tepo'asaado.

¹⁸ Bandera tepo'asaado sorodadu Eparai, montonda luwuno bawaado, i sumooano oleo. Petewawado inuleno i Eparai, onaemo i Elisama anano i Amihudi.

¹⁹ Hadiono bawaano, patopulu nsowu ka lima etu mia.

²⁰ Umpeda ndi onae, onaemo suku Manase. Petewawado inuleno i Manase, onaemo i Gamalieli anano i Pedasuri.

²¹ Hadiono bawaano, tolu pulu ka orua nsowu ka rua etu mia.

²² Ka i'amba suku Benami. Petewawado inuleno i Benami, onaemo i Abidani anano i Gideoni.

²³ Hadiono bawaano, tolu pulu ka olima nsowu ka pato etu mia.

²⁴ Porokono mia anu binuri gagi sorodadudo to Eparai montonda luwuno bawaado, asa etu ka halo nsowu ka asa etu mia. Ondaemo anu mpelungka lomoro ko'otolu.

²⁵ Tepo'asaado sorodadu to Dani i utara, montonda luwuno bawaado. Petewawado inuleno i Dani, onaemo i Ahieseri anano i Amisiadai.

²⁶ Hadiono bawaano, nomo pulu ka orua nsowu ka pitu etu mia.

²⁷ Anu mpekema umpeda ndi onae, onaemo suku Asieri. Petewawado inuleno i Asieri, onaemo i Pagieli anano i Okarani.

²⁸ Hadiono bawaano, pato pulu ka asa nsowu ka lima etu mia.

²⁹ Ka i'amba suku Napatali. Petewawado inuleno i Napatali, onaemo i Ahira anano i Enani.

³⁰ Hadiono bawaano, lima pulu ka otolu nsowu ka pato etu mia.

³¹ Porokono mia anu teburi gagi sorodadu to Dani hinao asa etu lima pulu ka opitu nsowu ka nomo etu mia. Ondae anu mpelungka pokotompa, montonda bandera luwuno tepo'asaado.”

³² Onaemo atuu peburiado to Isaraeli montonda pepe'etuado. Porokono mia anu binuri i larono luwuno sorodadu saru luwuno bawaano hinao nomo etu ka tolu nsowu lima etu ka lima pulu mia.

³³ Sine to Lewi nahi dompetonda binuri meronga saru to Isaraeli, kana parenta-Do i Ue ndi Musa.

³⁴ To Isaraeli mbo'u mpoweweu kona ntu'u kana parenta-Do i Ue ndi Musa. Kanandiomo dompekema montonda bandera tepo'asaado, ka kanandiomo dompelungka, singge mia montonda sukuno ka pepe'etuno.