Nehemia 11 - Wunta Mempori

Buriano palili i Yerusale ka Yehuda

¹ Luwuno petewawa tongku rodo i Yerusale, sekono palili susuano pontende undi kai tebiniki asa mia inso a hopulu mia anu ta rodo i Yerusale, kota anu mempori atuu, ka osio mia a ngkota anu susua.

² Luwuno mia anu umehe mo'ia i Yerusale dome'unde-unde ira palili.

³ Ndiomo luwuno petewawa poropinsi Yehuda anu mo'ia i Yerusale, sekono a luwuno kota i Yehuda to Isaraeli, luwuno sando mpesomba, to Lewi, luwuno anu mpopekakaako a Raha-Do Ue Ala ka inuledo luwuno atano i Salomo, singge mia mo'ia i wita tiano, a kotano onaeno.

⁴ I Yerusale mpo'ia ira to Yehuda ka to Benami. Inso a nto Yehuda: i Ataya anano i Usia anano i Sakaria anano i Amaria anano i Sepatia anano i Mahalale'eli inso a inuleno i Peresi.

⁵ Ka i Ma'aseya anano i Baruki anano i Kolohose anano i Hasaya anano i Adaya anano i Yoyaribi anano i Sakaria inuledo to Siela.

⁶ Luwuno inuleno i Peresi anu mpo'ia i Yerusale, porokono pato etu ka nomo pulu ka oalu mia anu memosia.

⁷ Ndiomo to Benami: i Salu anano i Mesulami anano i Yo'edi anano i Pedaya anano i Kolaya anano i Ma'aseya anano i Itieli anano i Yesaya.

⁸ Umarino onae i Gabai ka i Salai, porokono sio etu rua pulu ka oalu mia.

⁹ I Yo'eli anano i Sikiri, onaemo anu dumagai ira, sekono i Yehuda anano i Hasenua, onaemo sarungkoroi anu pabawa a ngkota.

¹⁰ Inso a luwuno sando mpesomba: i Yedaya anano i Yoyaribi, i Yakini,

¹¹ i Seraya anano i Hilikia anano i Mesulami anano i Sadoki anano i Merayoti anano i Ahitubi, petewawa a Raha-Do Ue Ala,

¹² ka luwuno pepaekompodo anu mpo'angga a raha atuu, porokono halu etu rua pulu ka orua mia. Ka i'amba i Adaya anano i Yerohami anano i Pelalia anano i Amisi anano i Sakaria anano i Pasihuri anano i Malakia

¹³ ka luwuno pepaekompono, luwuno petewawado anu mpepe'etu, porokono rua etu pato pulu ka orua mia; i Amasai mbo'u anano i Asare'eli anano i Ahisai anano i Mesilemoti anano i Imere,

¹⁴ ka luwuno pepaekompono, luwuno pongkiari anu moroso memosia, asa etu rua pulu ka oalu mia, saru i Sabadieli anano i Gedolimi gagi puu mpodagaido.

¹⁵ Inso a nto Lewi: i Semaya anano i Hasubi anano i Asirikami anano i Hasabia anano i Buni.

¹⁶ I Sabetai mbo'u ka i Yosabadi, luwuno petewawado to Lewi, anu dumagaio anggaa i bungkuno Raha-Do Ue Ala.

¹⁷ Ka i'amba i Matania anano i Mika anano i Sabadi anano i Asapi, petewawa anu montade penani po'unde-unde a mpekakai ka i Bakibukia, mia ko'orua i olodo pepaekompono, saru i Abida anano i Samua anano i Galali anano i Yedutuni.

¹⁸ Luwudo to Lewi i kota mempori, porokono rua etu halo pulu ka opaa mia.

¹⁹ Luwuno anu mpodagai pewowa langkai, onaemo i Akubi ka i Talemoni saru luwuno pepaekompodo anu mpodagai a luwuno pewowa langkai, porokono asa etu pitu pulu ka orua mia.

²⁰ Toreano inso a luwudo to Isaraeli, inso a luwuno sando mpesomba ka luwuno to Lewi mpo'ia a luwuno kota Yehuda, singge mia i wita pusakano,

²¹ sine luwuno anu mpopekakaako a Raha-Do Ue Ala mpo'ia i Opeli. I Siha ka i Gisipa, onaemo petewawado anu mpopekakaako a Raha-Do Ue Ala atuu.

²² Puu mpodagaido to Lewi i Yerusale, onaemo i Usi anano i Bani anano i Hasabia anano i Matania anano i Mika, inso a inuleno i Asapi, luwuno puu mpenani anu menani a mpesombaa i Raha-Do Ue Ala.

²³ Hangano mongkona ondae, hinao parentado mokole, me'ihi atora tiado luwuno puu mpenani atuu menunu saru anu kinere sompo oleo.

²⁴ I Petahia anano i Mesesabe'eli inso a inuleno i Sera anano i Yehuda mompokowali ndi ondae mokole a luwuno sinongka mongkona tongku atuu.

²⁵ Menggoe saru luwuno po'ianga a luwuno wita, asa ntia inso a to Yehuda mpo'ia i Kiriati-Araba ka luwuno kota kodeino, i Diboni ka luwuno kota kodeino ka i Yekabese'eli ka luwuno iniano,

²⁶ i Yesua, i Molada ka Beti-Peleti,

²⁷ i Hasari-Suali, i Bereseba ka luwuno kota kodeino,

²⁸ i Sikalagi, i Mekohona ka luwuno kota kodeino,

²⁹ i Eni-Rimoni, i Sora, i Yarimuti,

³⁰ i Sanoa, i Adulami ka luwuno iniano, i Lakisi ka luwuno lereno ka i Aseka ka luwuno kota kodeino. Kanandiomo dompo'ia inso i Bereseba hawe i Lembono Hinomi.

³¹ Inuleno i Benami mpo'ia mompu'u inso i Geba, i Mikamasi, i Aya, i Beteli ka luwuno kota kodeino,

³² i Anatoti, i Nobi ka i Anania,

³³ i Hasori, i Rama ka i Gitaimi,

³⁴ i Hadidi, i Seboimi, ka i Nebalati,

³⁵ i Lodi ka i Ono, Lembono po'iangado mia mpande mpo'angga.

³⁶ Ba'opia bawaa to Lewi inso i Yehuda mpe'asa saru to Benami.