Nehemia 10 - Wunta Mempori

¹ Anu mompotako pontondoni, onaemo i Nehemia anano i Hakalia, petewawado ka i Sedekia,

² i Seraya, i Asaria, i Yeremia,

³ i Pasuri, i Amaria, i Malakia,

⁴ i Hatusi, i Sebania, i Maluki,

⁵ i Harimi, i Meremoti, i Obaja,

⁶ i Danieli, i Genetoni, i Baruki,

⁷ i Mesulami, i Abia, i Miyamini,

⁸ i Ma'asia, i Biligai ka i Semaya. Luwudo atuu sando mpesomba.

⁹ Sekono inso a nto Lewi: i Yesua anano i Asania, i Binui, asa mia inso i olodo anano i Henadadi, ka i Kadimieli;

¹⁰ saru luwuno pepaekompodo: i Sebania, i Hodia, i Kelita, i Pelaya, i Hanani,

¹¹ i Mika, i Rehobo, i Hasabia,

¹² i Sakuri, i Serebia, i Sebania,

¹³ i Hodia, i Bani ka i Beninu.

¹⁴ Ka i'amba inso a luwuno petewawa tongku: i Parosi, i Pahati-Moabi, i Elami, i Satu, i Bani,

¹⁵ i Buni, i Asigadi, i Bebai,

¹⁶ i Adonia, i Bigawai, i Adini,

¹⁷ i Ateri, i Hisikia, i Asuri,

¹⁸ i Hodia, i Hasumi, i Besai,

¹⁹ i Haripi, i Anatoti, i Nebai,

²⁰ i Magapiasi, i Mesulami, i Hesiri,

²¹ i Mesesabe'eli, i Sadoki, i Yadua,

²² i Pelaca, i Hanani, i Anaya,

²³ i Hosea, i Hanania, i Hasubi,

²⁴ i Halohesi, i Piliha, i Sobeki,

²⁵ i Rehumi, i Hasabana, i Ma'aseya,

²⁶ i Ahia, i Hanani, i Anani,

²⁷ i Maluki, i Harimi ka i Ba'ana.

²⁸ Umarino atuu luwuno mia anu susua, onaemo luwuno sando mpesomba ka luwuno to Lewi, luwuno anu mpodagai pewowa langkai, luwuno puu mpenani, luwuno anu mompekakaako a Raha-Do Ue Ala ka luwuno mia anu monsiao koroino inso a luwuno tongku i wita atuu ka dompontonda songka-Do Ue Ala, saru kombiado, luwuno anado tama ka beine, luwuno mbo'u mia anu sompoomo tinuwuno ka monto'ori;

²⁹ Mpe'asa ira saru luwuno pepaekompodo, luwuno mia pinemota'u atuu. Ondae mpesumpa totonaa kadomentuwu montonda songka-Do Ue Ala anu domewineeako molalo i Musa, tetenaa-Do Ue Ala atuu, ka mentondao mpiha ka meweweuo luwuno parenta-Do i Ue, Ondaemo Uemami, saru luwuno atora ka pompakosi-Do.

³⁰ Omami mbo'u nahi kami mpeweengakono ana beinemami a luwuno tongku i wita atuu, ke maupo mo'ala ana beinedo tiado ana ntamamami.

³¹ Tewala luwuno tongku i wita atuu mpowawa ira sangka ka mperupa-rupa gandu ta inasa a oleo Saba, nahi kami me'olio inso ndi ondae a oleo Saba ke oleo mempori. Kami mpo'ineeo wita nahi inangga a nta'u ko'opitu ka nahi kami mposinga pasua.

³² Omami asalakono mpopeweengako asa ntia otolu sikala sompo ta'u gagi pesomba a Raha-Do Ue Alamami, onaemo

³³ ta weweua roti pesomba, pesomba kaanga anu wela pinesombaako mpiha, pesomba tinunu anu wela pinesombaako mpiha, luwuno oleo Saba, luwuno wula wo'ohu, ka oleo langkai anu wela pinelangkai mpiha, weweua luwuno pesomba mempori ka weweua luwuno pesomba po'onini hala kai wineweu pesintuwuado to Isaraeli, saru a luwuno anggaa i Raha-Do Ue Alamami.

³⁴ Omami, luwuno sando mpesomba, luwuno to Lewi ka mia hadio, pontende undi mompakosi pompatindaa keu ponahu. Keu atuu asalakono domewawao luwuno pe'etumami i Raha-Do Ue Alamami ia luwuno tempo anu pinakosi sompo ta'u, ka ihina koa api anu melanga a wawo meda pontunua pesomba ndi Ondae Ue Alamami, kana teburi a wunta Taura.

³⁵ Ka mbo'u sompo ta'u kami mpowawa a Raha-Do i Ue wua amba-ambano inso a witamami ka wua amba-ambano luwuno keu.

³⁶ Kami mewawa ira mbo'u anamami anu aka ka luwuno ana amba-ambano pinotuwumami, kana teburi a wunta Taura, luwuno mbo'u ana amba-ambano sapi ka asa bawaa bembe bimbamami a Raha-Do Ue Alamami, onaemo a luwuno sando mpesomba anu mpopekakaako a Raha-Do Ue Alamami.

³⁷ Kami mpowawa mbo'u tarigu jelai anu amba-ambano, luwuno pesomba pinesusumami, wuano luwuno keu, anggoro ka lana ndi ondae sando mpesomba, a luwuno bolongkono Raha-Do Ue Alamami. A luwudo to Lewi kami mpowawa pesomba tia hopulu inso a witamami, hangano to Lewimo andiodo anu mporuru pesomba tia hopulu a luwuno kota pelereamami.

³⁸ Asa sando mpesomba, anano i Haruni, ta tumonda ira to Lewi atuu, tempono domporuru pesomba tia hopulu. Luwuno to Lewi atuu ira mewawao asa ntia hopulu inso a mpesomba tia hopulu atuu a Raha-Do Ue Alamami, a luwuno bolongkono raha ponaapa arataa.

³⁹ To Isaraeli ka to Lewi, asalakono mpowawa pesomba pinesusua, onaemo gandu, anggoro ka lana a luwuno bolongko, a mpo'iangano sangka mempori, luwuno mbo'u sando mpesomba anu mpopekakaako, luwuno anu mpodagai pewowa langkai ka puu mpenani. Nahi kami mpo'ineeo Raha-Do Ue Alamami.