I MATIU 1 - Wunta Mempori

Pinu'u-Do i Yesu Kerisituu 1:1-17

¹ Ndiomo potudano anu umule Ira i Yesu Kerisituu, anano i Daudi, anano i Burahima.

² I Burahima me'anaakono i Saki, i Saki me'anaakono i Yako, i Yako me'anaakono Yahuda ka luwuno pepaekompono,

³ i Yahuda kumombiao i Tamari dope'anaako ira i Peresi ka i Sera, i Peresi me'anaakono i Heseroni, i Heseroni me'anaakono i Rami,

⁴ i Rami me'anaakono i Aminada, i Aminada me'anaakono i Nahaso, i Nahaso me'anaakono i Salomo,

⁵ i Salomo kumombiao i Rahabi dope'anaakono i Boasi, i Boasi kumombiao i Ruti, dope'anaakono i Obe, i Obe me'anaakono i Isai,

⁶ i Isai me'anaakono i mokole Daudi. I Daudi me'anaakono i Salomo inso a ngkombiano i Uria,

⁷ i Salomo me'anaakono i Rehabea, i Rehabea me'anaakono i Abia, i Abia me'anaakono i Asa,

⁸ i Asa me'anaakono i Yosapa, i Yosapa me'anaakono i Yora, i Yora me'anaakono i Usia,

⁹ i Usia me'anaakono i Yota, i Yota me'anaakono i Ahasi, i Ahasi me'anaakono i Hisikia,

¹⁰ i Hisikia me'anaakono i Manase, i Manase me'anaakono i Amoni, i Amoni me'anaakono i Yosia,

¹¹ Tempono domentinawa i Babeli, i Yosia me'anaako ira i Yekonya ka saru pepaekompono.

¹² Umarido mentinawa i Babeli i Yekonya me'anaakono i Sealatie, i Sealatie me'anaakono i Serubabe,

¹³ i Serubabe me'anaakono i Abihu, i Abihu me'anaakono i Eliaki, i Eliaki me'anaakono i Asori,

¹⁴ i Asori me'anaakono i Sadoki, i Sadoki me'anaakono i Akima, i Akima me'anaakono i Eliu,

¹⁵ i Eliu me'anaakono i Eleasa, i Eleasa me'anaakono i Mata, i Mata me'anaakono i Yako,

¹⁶ i Yako me'anaakono i Yusupu kombiano i Maria, anu me'anaako Ira i Yesu anu nineeako i Kerisituu.

¹⁷ Gaagi luwuno hinao: hopulu ka opaa inule inso ndi Burahima hawe ndi Daudi, hopulu ka opaa inule inso ndi Daudi ranta ka domentinawa i Babeli, ka hopulu ka opaa inule insono domentinawa i Babeli ranta hawe ndi Ondae i Kerisituu.

Hinaa-Do i Yesu Kerisituu 1:18-25 (Luk. 2:1-7)

¹⁸ Hinaa-Do i Yesu Kerisituu kanandio: Tempono i Maria, ine-Do, mesambora saru i Yusupu, teto'ori onae mentia inso a Mpenaa Mempori, se'eluno napi dotuwu gagi mia mekombia.

¹⁹ Hangano i Yusupu tamano, asa mia anu moleo aroano, ka nahi behe mokoko'iio beineno a mia hadio, montoomo ta bintao memaro-maro.

²⁰ Sine tempono ipewowoloo tinoono atuu, ikitaomo mala'eka-Do i Ue a mo'ipino ka ipotae, ”I Yusupu anano i Daudi, sidoito umalao i Maria gagi beinemu hangano nana'ote a laro pe'anakaano onaemo inso a Penaa Mempori.

²¹ Onae ta me'anaako ana ntama ka numeeako Ira i Yesu, hangano Ondaemo anu Ira kumaduduio bawaa-Do inso a halado.”

²² Luwuno atuu gagi ka i'inihii anu pinau-Do i Ue, montonda pinaudo nabi.

²³ ”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

²⁴ Mansano mewanguomo i Yusupu a mpoturiano, iweweuo kana anu ipetenaakono mala'eka-Do i Ue atuu ndi onae. I'alaomo i Maria gagi beineno,

²⁵ sine nahi pewowaliakono ranta ka ipe'anaakono anano ntama ka i Yusupu numeeako Ira i Yesu.