Hosea 3 - Wunta Mempori

Isaraeli pinokogagi beineno ka ta tepidi

¹ Mepau Iramo i Ue ndi ongkue, ”Lakomo mbo'u, pekokonoomo beine anu hinao pinehohawano ka ineheno monsosabo, kana mbo'u Ondae i Ue mehohawa ira to Isaraeli, maupo dompewolili a luwuno pinesombai susua ka ineheno kukisi kisimisi pesomba kaanga.”

² Ka ku'amba umowahio olino hopulu ka olima sikala salaka hadiono, saru asa homeri ka asa leteki jelai.

³ Ka ku'amba motaeakono, ”Omue asalakono mo'ia tehine ndi ongkue. Si pebelesu ke gagi tiano asa tama. Nahi Aku mbo'u mewowaliakomu.”

⁴ Hangano to Isaraeli ta tehine domentuwu nahina mokole, nahina petewawa, nahina pesomba, nahina tugu lahumoa, nahina epo ka terapimi.

⁵ Umarino atuu to Isaraeli ira mpepokule ka umungke Ira i Ue, Ue Alado, saru i Daudi mokoledo. Saru medoito ira me'aiwa ndi Ondae i Ue ka a moikoa-Do a oleo pokotompa.