1 Tawarika 9 - Wunta Mempori

Buriano inule anu mpekule i Yerusale ka anggaado

¹ Luwuno to Isaraeli teburi a laro potudano tumuwu. Needo teburi a laro wuntado luwuno mokole i Isaraeli. Kanatuumo to Yehuda mewinawa a pontadia i Babeli, hangano nahi dompetenunu.

² Luwuno mia anu amba-ambano wali rodo a luwuno kotado, a luwuno wita tiado, onaemo to Isaraeli, saru luwuno sando mpesomba, luwuno to Lewi ka luwuno tetenaa a raha-Do Ue Ala.

³ I Yerusale mpo'ia ira mia inso a inuleno i Yehuda, inso a inuleno i Benami, inso a inuleno i Eparai ka Manase:

⁴ i Utai anano i Amihudi anano i Omiri anano i Imiri anano i Bani, inso a inuleno i Peresi anano i Yehuda.

⁵ Inso a nto Siela, onaemo i Asaia, ana akano saru luwuno anano.

⁶ Inso a inuleno i Serahi, onaemo i Yeueli saru luwuno pepaekompono, porokono nomo etu ka sio pulu mia.

⁷ Inso a inuleno i Benami, onaemo i Salu anano i Mesulami anano i Hodawia anano i Hasenua,

⁸ i Yibanea anano i Yerohami, i Ela anano i Usi anano i Mikiri ka i Mesulami anano i Sepatia anano i Rehueli anano i Yibinia

⁹ saru pe'etudo montonda inuledo; porokono sio etu ka lima pulu ka onoo mia. Luwuno mia atuu onaemo petewawado anu mpepe'etu.

¹⁰ Inso a luwuno sando mpesomba, onaemo i Yedaya, i Yoyaribi, i Yakini,

¹¹ i Asaria anano i Hilikia anano i Mesulami anano i Sadoki anano i Merayoti anano i Ahitubi, petewawa a raha-Do Ue Ala,

¹² ka i'amba i Adaya anano i Yerohami anano i Pasuri anano i Malakia ka i Masai anano i Yahasera anano i Mesulami anano i Mesilemiti anano i Imere,

¹³ saru pe'etudo, luwuno petewawado ondae mpepe'etu, porokono asa nsowu ka pitu etu ka nomo pulu mia. Ondae mia anu tedoa pande mpoweweu pesomba i raha-Do Ue Ala.

¹⁴ Inso a luwuno to Lewi, onaemo i Semaya anano i Hasubi anano i Asarikami anano i Hasabia, inso a inuleno i Merari;

¹⁵ ka i'amba i Bakabakari, i Heresi, i Galali ka i Matania anano i Mika anano i Sikiri anano i Asapi,

¹⁶ saru i Obaja anano i Samaia anano i Galali anano i Yedutuni ka i Berekia anano i Asa anano i Elikana anu mpo'ia a luwuno iniado to Netopa.

¹⁷ Luwuno puu mpodagai pewowa langkai, onaemo i Salumi, i Akubi i Talamoni ka i Ahimani, saru pe'etudo; i Salumi onaemo petewawado.

¹⁸ Hawe kanandio-andio ondae mekongko a mpewowa langkaido mokole i sabaano oleo. Ondaemo luwu puu mpodagai pewowa langkai a mpekemaado inuleno i Lewi.

¹⁹ I Salumi anano i Kore anano i Ebiasapi anano i Korahi ka luwuno to Korahi, luwuno pepaekompo inso a mpe'etuno, mpo'angga gagi luwu puu mpodagai pewowano Kema, kana luwuno amado mpetugasi a mpekemaa-Do i Ue gagi luwu puu mpodagai pewowa pewinsoa.

²⁰ I Pinehasi anano i Eleasari petewawado se'eluno. Ondae i Ue kumongkomio.

²¹ I Sakaria anano i Meselemia, onaemo puu mpodagai pewowano Kema Tepotowoa.

²² Luwuno anu tebiniki gagi puu mpodagai pewowa langkai, porokono rua etu ka hopulu ka orua mia. Ondae nteburi iramo a laro mpotudano tumuwu i luwuno iniado. I Daudi meronga i Semeli, puu mpongkita atuu, mompotoro ira ia anggaa atuu.

²³ Ondae ka luwuno anado medagaio luwuno pewowa langkai a raha-Do i Ue, Raha Kema atuu.

²⁴ A opaa siuno umangi meninaa ira puu mpodagai pewowa langkai atuu: i sabaano oleo, i sumooano oleo, i utara ka i selata.

²⁵ Luwuno pepaekompodo anu mpo'ia a luwuno iniado, asalakono mpe'eu-eu i larono opitu oleo mpewinso mpo'angga mperongaako ira,

²⁶ sekono opaa ira petewawado puu mpodagai pewowa langkai atuu nahi dome'ineu. Ondae onaemo to Lewi ka mpodagai a luwuno bolongko saru ponaapa arataano raha-Do Ue Ala.

²⁷ Ondae mpewongi a mpetengi-tengino raha-Do Ue Ala atuu, hangano to'oriado medagaio ka me'ungkahio pewowano sompo mo'oru.

²⁸ Asa ntia inso ndi ondae mpo'orusu parewa mpesomba: domedoao tempono iwininso ka ilinuarako.

²⁹ Asa ntia inso ndi ondae tinena mpo'orusu parewa, luwuno parewa a mpo'ianga mempori ka pompatindaa tarigu moiko ntu'u, anggoro, lana, dupa ka rampa-rampa,

³⁰ sekono bate'opia ira sando pesomba mponsalo rampa-rampa.

³¹ I Matitia, asa mia i olodo to Lewi, ana akano i Salumi to Korahi atuu mohawe anggaano kongko moweweu roti.

³² Asa ntia inso a inuleno i Kehati, pe'etudo, mpopatinda roti pesomba sompo oleo Saba.

³³ Ndiomo luwuno puu mpenani, luwuno petewawado to Lewi mpepe'etu anu mpo'ia a luwuno bolongko ka nahi dompinokonaako anggaa susua, hangano meene ka wongi me'aropio anggaado.

³⁴ Onaemo atuu luwuno petewawado to Lewi mpepe'etu, luwuno petewawa montonda inuledo. Ondae mpo'ia i Yerusale.

Uempu'uno i Saulu ka inuleno

³⁵ I kota Gibeoni mo'ia i Yeieli, uempu'uno anu umuleo i Gibeoni ka kombiano meneeako i Maaka.

³⁶ Ana akano onaemo i Abidoni, ka i'amba i Suri, i Kisi, i Ba'ala, i Neri, i Nadabi,

³⁷ i Gedori, i Ahio, i Sakaria ka i Mikoloti.

³⁸ I Mikoloti hinao anano i Simeami. Ondae mbo'u mpo'ia tepo'umpeda saru luwuno pepaekompodo i Yerusale saru luwuno pepaekompodo anu susua.

³⁹ I Neri hinao anano i Kisi; i Kisi hinao anano i Saulu; i Saulu hinao anano i Yonata, i Malakisua, i Abinada ka i Esibaali.

⁴⁰ Anano i Yonata onaemo i Meribaali, ka i Meribaali hinao anano i Mika.

⁴¹ Luwuno anano i Mika, onaemo i Pitoni, i Meleki, i Taharea ka i Ahasi.

⁴² I Ahasi hinao anano i Yaera; i Yaera hinao anano i Alemeti, i Asimaweti ka i Simiri; i Simiri hinao anano i Mosa.

⁴³ I Mosa hinao anano i Bina, i Bina hinao anano i Repaya, ana'ueno i Elasa, ana'ue ntukono i Aseli.

⁴⁴ I Aseli hinao onoo anano. Luwuno needo: i Asirikami, i Bokoru, i Sumaila, i Searia, i Obaja ka i Hanani. Onaemo atuu luwuno anano i Aseli.