1 Tawarika 27 - Wunta Mempori

Tadulako sorodadu ka anu langkai potorono

¹ Ndiomo luwuno to Isaraeli montonda peburido luwuno petewawado anu mpepe'etu, luwuno tadulako sorodadu asa nsowu ka sorodadu asa etu, saru luwuno puu mpo'angga anu mpekakaako ira mokole a laro luwuakoano mongkona bawaa anu mpo'angga ka anu pakansi, sompo wula, i larono asa nta'u. Asa bawaa porokono rua pulu ka opaa nsowu mia.

² Petewawado bawaa anu amba-ambano a wula amba-ambano, onaemo i Yasobami anano i Sabidieli. A laro bawaano hinao rua pulu ka opaa nsowu mia.

³ Onae inso a inuleno i Peresi ka onae petewawado luwuno tadulako a wula anu amba-ambano.

⁴ Petewawado bawaa wula ko'orua, onaemo i Dodai to Ahohi, sekono petewawano bawaa anu porokono rua pulu ka opaa nsowu mia, onaemo i Mikiloti.

⁵ Tadulako ko'otolu a wula ko'otolu, onaemo i Benaya anano sando mpesomba langkai i Yoyada. A laro bawaano hinao rua pulu ka opaa nsowu mia.

⁶ I Benaya andio asa mia inso i olono tolu pulu sorodadu ka onae petewawado tolu pulu mia atuu. Sine petewawa a bawaano onaemo i Amisabadi, anano.

⁷ Tadulako anu ko'opaa a wula ko'opaa onaemo i Asaeli, pepaekompono i Yoabi. Ka i'amba onae i'euo i Sebaja, anano; a laro bawaano hinao rua pulu ka opaa nsowu mia.

⁸ Tadulako anu ko'olima a wula ko'olima onaemo i Samahuti to Yisira. A laro bawaano hinao rua pulu ka opaa nsowu mia.

⁹ Tadulako anu ko'onoo a wula ko'onoo, onaemo i Ira anano i Ike to Tekoa. A laro bawaano hinao rua pulu ka opaa nsowu mia.

¹⁰ Tadulako anu ko'opitu a wula ko'opitu onaemo i Helesi to Peloni inso a inuleno i Eparai. A laro bawaano hinao rua pulu ka opaa nsowu mia.

¹¹ Tadulako anu ko'oalu a wula ko'oalu onaemo i Sibakai to Husa inso a inuleno i Serahi. A laro bawaano hinao rua pulu ka opaa nsowu mia.

¹² Tadulako anu ko'osio a wula ko'osio, onaemo i Abieseri to Anatoti inso a inuleno i Benami. A laro bawaano hinao rua pulu ka opaa nsowu mia.

¹³ Tadulako anu kohopulu a wula kohopulu, onaemo i Maharai to Netopa inso a inuleno i Serahi. A laro bawaano hinao rua pulu ka opaa nsowu mia.

¹⁴ Tadulako anu kohopulu ka asa a wula kohopulu ka asa, onaemo i Benaya to Piratoni inso a inuleno i Eparai. A laro bawaano hinao rua pulu ka opaa nsowu mia.

¹⁵ Tadulako anu ko hopulu ka orua a wula ko hopulu ka orua, onaemo i Hedai to Netopa atuu, inuleno i Otanieli. A laro bawaano hinao rua pulu ka orua nsowu mia.

¹⁶ Petewawado suku Isaraeli: a nto Rube onaemo i Eliese anano i Sikiri, gagi petewawa; a nto Simeo onaemo i Sepatia anano i Maaka;

¹⁷ a nto Lewi onaemo i Hasabia anano i Kemueli; a inuleno i Haruni onaemo i Sadoki;

¹⁸ a nto Yehuda onaemo i Elihu, asa mia i olono pepaekompono i Daudi; a nto Isakari onaemo i Omiri anano i Mikaeli;

¹⁹ a nto Sebulo onaemo i Yisimaia anano i Obaja; a nto Napatali onaemo i Yerimoti anano i Asarieli;

²⁰ a inuleno i Eparai onaemo i Hosea anano i Asasia; a nsuku Manase anu entonga atuu, onaemo i Yo'eli anano i Pedaya;

²¹ a entongano suku Manase anu i Gileadi, onaemo i Yido anano i Sakaria; a nto Benami, onaemo i Yaasieli anano i Abinere;

²² a nto Dani, onaemo i Asare'eli anano i Yerohami. Ondaemo atuu petewawado luwuno suku Isaraeli.

²³ I Daudi nahi doao porokono mia anu tinuwuno napi sompo rua pulu nta'u, hangano medandi Iramo i Ue mokogagi ira to Isaraeli kana hadiono anano wula i langi.

²⁴ I Yoabi, anano i Seruya mompu'uomo modoa, sine nahi poko'umario, hangano to Isaraeli i'alu ira pontekudaako hangano podoaa atuu. Gaagi, porokodo nahi wininso a wunta tutuluno mokole Daudi.

²⁵ Anu dumagaio ponaapa arataado mokole, onaemo i Asamaweti anano i Adieli ka anu dumagaio ponaapa arataa i bungkuno kota, a luwuno kota, a luwuno inia ka a luwuno menara onaemo i Yonata anano i Usia.

²⁶ Anu modagai luwuno puu mpo'angga a lere, anu asalakono me'anggao wita onaemo i Esiri anano i Kelubi.

²⁷ Anu dumagaio luwuno lere anggoro onaemo i Simei to Rama. Anu modagai hasilino lere anggoro ta pepatinda anggoro onaemo i Sabadi to Sipimi.

²⁸ Anu dumagaio luwuno keu saitu ka luwuno keu ara i Sepela onaemo i Baala-Hanani, to Gederi; anu dumagaio pempatindaa lana onaemo i Yoasi.

²⁹ Anu dumagaio luwuno sapi pinakambi i Saroni onaemo i Sitarai, to Saroni; anu dumagai ira sapi i luwuno lembono onaemo i Sapati anano i Adalai.

³⁰ Anu dumagaio luwuno unta onaemo i Obili, to Sumaila; anu dumagaio luwuno kalide waino onaemo i Yehadeia, to Meronoti.

³¹ Anu dumagaio bawaano bembe bimba onaemo i Yasisi, to Hagari. Ondaemo luwu puu mpodagai arataano i mokole Daudi.

³² I Yonata, maamano i Daudi, onaemo puu mpopatudu, asa mia anu pande ka monto'ori ntu'u ihino wunta. I Yehieli anano i Hakamoni mokowali ira anado mokole.

³³ I Ahitopeli onaemo puu mpopatududo mokole; i Husai to Araki onaemo sambe'edo mokole.

³⁴ Anu umeuo i Ahitopeli onaemo i Yoyada anano i Benaya ka i Abiata. Tadulako mpeteado mokole onaemo i Yoabi.