1 Tawarika 26 - Wunta Mempori

Puu mpodagai pewowa langkai i olodo to Lewi

¹ Ndiomo pepumpuado puu mpodagai pewowa. Inso a nsukuno i Kora, onaemo i Meselemia anano i Kore inso a inuleno i Ebiasa.

² Luwuno anano i Meselemia, onaemo i Sakaria, anano anu aka; i Yediaeli, anano ko'orua; i Sebaja, anano ko'otolu; i Yatinieli, anano ko'opaa;

³ i Elami, anano ko'olima; i Yohanani, anano ko'onoo; i Elio'enai, anano ko'opitu.

⁴ Luwuno anano i Obe-Edomi, onaemo i Semaya, anano anu aka; i Yosabadi, anano ko'orua; i Yoahi, anano ko'otolu; i Sakari, anano ko'opaa; i Netane'eli, anano ko'olima;

⁵ i Amieli, anano ko'onoo; i Isakari, anano ko'opitu ka i Peuletai, anano ko'oalu. Mentee ntu'u i Obe-Edomi Doronsoomo Ue Ala.

⁶ Ndi Semaya, anano i Edomi atuu, mempine'anaako iramo nana'ote. Ondae me'inio pabawa i olono pepe'etuado, hangano ondae luwuno pongkiari anu moroso ka mosia.

⁷ Luwuno anano i Semaya, onaemo i Otini, i Repaeli, i Obe ka i Elisabadi. Luwuno pepaekompono, i Elihu ka i Semakia, luwuno mia anu moroso ka mosia.

⁸ Ondae luwu inuleno i Obe-Edomi. Ondae saru luwuno anado ka pepaekompodo, onaemo luwuno mia anu moroso ka mosia, magasi dompo'angga. Porokono nomo pulu ka orua mia inso a inuleno i Obe-Edomi.

⁹ I Meselemia hinao anano ka pepaekompono, luwuno mia anu moroso ka mosia; porokono hopulu ka oalu mia.

¹⁰ Luwuno anano i Hosa inso a inuleno i Merari, onaemo i Simiri, asa petewawa. Maupo onae komba ana aka, amano motoroo gagi petewawa.

¹¹ Ka i'amba i Hilikia ana ko'orua, i Tebalia ana ko'otolu, ka i Sakaria ana ko'opaa. Luwuno anano ka pepaekompono i Hosa atuu, porokono hopulu ka otolu mia.

¹² Luwuno pepumpudo puu mpodagai pewowa atuu, anu tinia montonda petewawado mpepe'etu, anggaado mpopekakaako i raha-Do i Ue, mengkena kana luwuno pepaekompodo.

¹³ A sompo pewowa langkai, mpotadi ira undi, montonda luwuno pepe'etuado, moiko anu kodei maupo anu langkai.

¹⁴ Undi a mpewowa i sabaano oleo, kona ndi Selemia. Ka do'amba mpontende undi tiano i Sakaria, anano, asa mia puu mpopatudu anu molino pinewowolono, ka konaomo undino a mpewowa i utara.

¹⁵ I Obe-Edomi mohawe undi a mpewowa i selata, sekono luwuno anano a bolongko langkai ponaapa luwuno parewa.

¹⁶ I Supimi ka i Hosa humaweo pewowa i sumooano oleo saru Pewowa Langkai Sialeketi a nsala langkai porakea. Puu mpodagai anu asa, mehori saru puu mpodagai anu susua.

¹⁷ I sabaano oleo hinao onoo ira to Lewi sompo oleo, i utara opaa mia sompo oleo, i selata opaa mia sompo oleo ka a bolongko langkai ponaapa parewa orua mia sompo pe'eua;

¹⁸ a Mparabara i sumooano oleo: opaa mia a nsala langkai ka orua mia a Mparabara.

¹⁹ Onaemo atuu luwuno pepumpudo puu mpodagai pewowa langkai inso a inuleno i Kora ka inso a inuleno i Merari.

Puu mpodagai inso a nto Lewi

²⁰ To Lewi, pepaekompo pe'asa sukudo anu mpodagai ponaapa parewano raha-Do Ue Ala ka anu mpodagai ponaapa luwuno sangka mempori, onaemo

²¹ luwuno petewawado pe'etuno i Ladani inuleno i Geresomi, onaemo suku Yehieli.

²² Suku Yehieli, onaemo i Setami ka i Yo'eli pepaekompono, modagai ponaapa parewano raha-Do i Ue.

²³ Inso a nto Amarami: to Yisihari, to Heberoni ka to Usieli

²⁴ onaemo i Sebueli anano i Geresomi anano i Musa anu gagi petewawa a mponaapa arataa.

²⁵ Pe'etuno i Sebueli molalo i Eliese, onaemo i Rehabia anano i Eliese; i Yesaia anano i Rehabia, ka i Yorami anano i Yesaia, i Sikiri anano i Yorami, ka i Selomiti anano i Sikiri.

²⁶ I Selomiti ka pe'etuno medagaio ponaapa luwuno sangka mempori anu dopokomemporiomo mokole Daudi, luwuno petewawado anu mpepe'etu, petewawa sorodadu asa nsowu ka sorodadu asa etu, saru luwuno tadulako.

²⁷ Asa ntia inso anu rinontu a mpeteaa, dompokomemporio gagi pekakaakono raha-Do i Ue.

²⁸ Luwuno anu pinokomemporino i Samueli, puu mpokita atuu, i Saulu anano i Kisi, i Abinere anano i Nere ka i Yoabi anano i Seruia, luwuno anu pinokomempori atuu, idagaio mbo'u i Selomiti ka pe'etuno.

²⁹ Inso a nto Yisihari, onaemo i Kenanya ka luwuno anano anu mpo'angga a nsusuano a nto Isaraeli, gagi puu mpo'angga ka puu mpobitara.

³⁰ Inso a nto Heberoni, onaemo i Hasabia ka pe'etuno, luwuno mia memoroso ka mosia, asa nsowu ka pitu etu mia. Ondae mpinoweeako anggaa dumagai ira to Isaraeli i sumooano oleo koro Yarade a laro luwuno anggaa ndi Ondae i Ue ka luwuno pompekakaako ndi ondae mokole.

³¹ Inso a nto Heberoni, onaemo i Yeria anu gagi petewawa. Mongkona to Heberoni, inuleno ka pe'etuno, pinokohina pomparesaa ia ta'u kopato pulu poparentaano i Daudi. Mengkaa i olodo hinao sorodadu anu memoroso ka mosia i Yaeseri-Gileadi.

³² Pe'etuno i Yeria, luwuno mia anu moroso ka mosia, luwuno petewawado anu mpepe'etu, porokono rua nsowu ka pitu etu mia. Ondae dopotoro ira mokole Daudi dumagai ira to Rube, to Gadi ka suku Manase anu entonga atuu a luwuno anu wineweu tia-Do Ue Ala ka mokole.