1 Tawarika 24 - Wunta Mempori

Sando mpesomba tinia

¹ Ndiomo luwuno bawaado inuleno i Haruni. Luwuno anano i Haruni, onaemo i Nadabi, i Abihu, i Eleasari ka i Itamari.

² Sine i Nadabi ka i Abihu tese'elu ira mate sekonopo amado ka nahi dope'ana ntama, onaemo i Eleasari ka i Itamari anu gagi sando mpesomba.

³ I Daudi saru i Sadoki inso a inuleno i Eleasari ka i Ahimele inso a inuleno i Itamari, tumia ira montonda anggaado a laro mpesombaa.

⁴ Mengkaa i olodo inuleno i Eleasari, hadioopo lahi petewawado anu mpepe'etu sekonopo i olodo inuleno i Itamari. Ka do'amba mentinia kanandio: a inuleno i Eleasari, hopulu ka onoo mia petewawa pepe'etuado ka a inuleno i Itamari, oalu mia petewawa pepe'etua.

⁵ Ondae mentinia molalo undi, nahina pinesusua, hangano hinao ba'opia ”petewawa mempori” ka luwuno ”petewawa i aro-Do Ue Ala,” moiko i olodo inuleno i Eleasari maupo i olodo inuleno i Itamari.

⁶ I Semaya anano i Netane'eli, puu mpoburi a mpoparentaa, to Lewi moburi needo i arodo mokole, luwuno anu langkai potorono, sando mpesomba Sadoki, i Ahimele anano i Abiata ka i arodo luwuno petewawa pepe'etuado sando mpesomba ka to Lewi; asa undi inala tiano pepe'etua inso ndi Eleasari, asa mbo'u tiano pepe'etuano i Itamari.

⁷ Undi anu amba-ambano tedonta ndi Yoyaribi; anu ko'orua ndi Yedaya;

⁸ anu ko'otolu ndi Harimi; anu ko'opaa ndi Seorimi;

⁹ anu ko'olima ndi Malakia; anu ko'onoo ndi Miyamini;

¹⁰ anu ko'opitu ndi Hakosi; anu ko'oalu ndi Abia;

¹¹ anu ko'osio ndi Yesua; anu kohopulu ndi Sekania;

¹² anu kohopulu ka asa ndi Eliasibi; anu kohopulu ka orua ndi Yakimi;

¹³ anu kohopulu ka otolu ndi Hupa; anu kohopulu ka opaa ndi Yesebeabi;

¹⁴ anu kohopulu ka olima ndi Biliga; anu kohopulu ka onoo ndi Imere;

¹⁵ anu kohopulu ka opitu ndi Hesiri; anu kohopulu ka oalu ndi Hapisesi;

¹⁶ anu kohopulu ka osio ndi Petahia; anu korua pulu ndi Yehesekeli;

¹⁷ anu korua pulu ka asa ndi Yakini; anu korua pulu ka orua ndi Gamuli;

¹⁸ anu korua pulu ka otolu ndi Delaia; anu korua pulu ka opaa ndi Maasia.

¹⁹ Onaemo atuu anggaa domewineeako a laro mpoweweua pesomba mansado mpewinso a raha-Do i Ue, menunu saru atora anu domewineeako molalo i Haruni, uempu'udo, kana peparenta-Do i Ue, Ue Alado to Isaraeli ndi onae.

Pe'etudo to Lewi anu susua

²⁰ Pe'etu anu susua inso a inuleno i Lewi, inso a inuleno i Amarami onaemo i Subaeli, inso a luwuno anano i Subaeli onaemo i Yehideia;

²¹ inso a luwuno anano i Rehabia onaemo i Yisia, asa petewawa;

²² inso a nto Yisihari onaemo i Selomoti; inso a luwuno anano i Selomoti onaemo i Yahati;

²³ Luwuno anano i Heberoni onaemo i Yeria, asa petewawa, i Amaria ana ko'orua, i Yahaeli ana ko'otolu ka i Yekameami ana ko'opaa.

²⁴ Anano i Usieli onaemo i Mika; inso a luwuno anano i Mika onaemo i Samiri.

²⁵ Pepaekompono i Mika onaemo i Yisia; inso a luwuno anano i Yisia onaemo i Sakaria.

²⁶ Inuleno i Merari onaemo i Mahali, i Musi, ka i Yaasi saru luwuno anano.

²⁷ Inuleno i Merari inso ndi Yaasi anano, onaemo i Siohami, i Sakuri ka i Hibiri.

²⁸ Inso ndi Mahali, onaemo i Eleasari; onae andio nahi pe'ana.

²⁹ Inso ndi Kisi: anano i Kisi, onaemo i Yerahimeeli.

³⁰ Luwuno anano i Musi onaemo i Mahali, i Ederi ka i Yerimoti. Onaemo atuu inuleno i Lewi montonda pepe'etuado.

³¹ Mengkena kana luwuno pepaekompodo onaemo inuleno i Haruni, ondae koa mbo'u andio mpontende undi i arodo mokole Daudi, i Sadoki, i Ahimele ka i arodo luwuno petewawado anu pepe'etu, luwuno sando mpesomba ka to Lewi. Asa mia petewawado mpepe'etu, domentuduo mengkena saru pepaekompodo anu lalu kodei.