Zlrafta 36 - Hdi

Zwana Ghesav

¹ Wya rusa ta ghəŋa mndəra la Ghesav, Idum ya.

² Ka hlaftá Ghesav ta miʼa ni mataba kwagha la Kanʼana. Ghada, makwa Iluŋ la Het, nda Uhulibama, makwa Ghana, Ghana makwa Tsivghuŋ, la Hiv,

³ nda Basmat, makwa Yismaghel, tsatsi makuma ni ma Nevayut guli.

⁴ Ka yanatá Ghada ta Ilifaz ta Ghesav, ka yanatá Basmat ta Rəghuʼel.

⁵ Ka yanatá Uhulibama ta Yəghus nda Yaghlam nda Kurah. Tsaha ya zwana Ghesav yaya lu ta haɗika Kanʼana.

⁶ Ka hlaftá Ghesav ta miʼa ni nda zwana zgwana ni nda kwagha ni, nda inda gwal ga taŋ, nda slaha ni, nda inda rina ni, nda inda skwiha mutsaf tsi ta haɗika Kanʼana, ka laghwi ta sana haɗik, diʼiŋ nda Yakubu ta nzakway ka zwaŋama ni ya.

⁷ Dagala skwa dzvu da həŋ katakata, laviŋ a həŋ ta nzata ma vla turtuk wu, laviŋ a tsa haɗik ta nzaku həŋ mida ya ta ŋaftá wu, kabga dagala bra rina taŋ.

⁸ Ka laghu Ghesav nzata ta ghwá Seghir. Ghesav ná, Idum ya.

Mndəra la Ghesav

⁹ Wya rusa ta ghəŋa mndəra la Ghesav, da ni ma la Idum ma ghwá Seghir.

¹⁰ Wya hga zwana Ghesav: I Ilifaz zwaŋa Ghada markwa Ghesav, nda Rəghuʼel zwaŋa Basmat markwa Ghesav.

¹¹ Wya zwana Ilifaz: Temaŋ nda Umar, nda Tsəfu, nda Gaghtam, nda Kənaz.

¹² Ka nzatá Timna ka markwa sanagha ga Ilifaz, zwaŋa Ghesav, ka yanatá tsi ta Ghamalek ta Ilifaz. Tsaha ya zighiha Ghada, markwa Ghesav.

¹³ Wya zwana Rəghuʼel: I Nahat, nda Zerah, nda Sama, nda Miza. Tsaha ya zighiha i Ghesav nda markwa taŋ Basmat.

¹⁴ Wya zwana Uhulibama makwa Ghana. Ghana markwa Ghesav ná, makwa Tsivghuŋ. Ka yanatá tsi ta Yəghus ta Ghesav nda Yaghlam nda Kurah.

Mala ga həga ga Ghesav

¹⁵ Wya mghamha ma mndəra la Ghesav: Zwana Ilifaz, zumala Ghesav. Mgham Temaŋ, mgham Umar, mgham Tsəfu, mgham Kənaz,

¹⁶ mgham Kurah, mgham Gaghtam, mgham Ghamalek. Tsaha ya mghamha ta yagapta ma mndəra la Ilifaz ma haɗika Idum. Tsaha ya zwana Ghada.

¹⁷ Wya zwana Rəghuwel, zwaŋa Ghesav: Mgham Nahat, mgham Zerah, mgham Sama, mgham Miza. Tsaha ya mghamha ta sabi ma mndəra Rəghuʼel ma haɗika Idum. Tsaha ya zwana Basmat markwa Ghesav.

¹⁸ Wya zwana Uhulibama, markwa Ghesav: Mgham Yəghus, mgham Yaghlam, mgham Kurah. Tsaha ya mghamha ta sabi ma mndəra la Uhulibama, makwa Ghana markwa Ghesav.

¹⁹ Tsaha ya zwana Ghesav, tsaha ya mghamha ta uʼa taŋ. Ghesav ná, tsaya Idum.

²⁰ Wya zwana Seghir, la Huri taŋtaŋa gwal ta nzata ta tsa haɗik ya: I Lutaŋ, nda Suval, nda Tsivghuŋ, nda Ghana,

²¹ nda Disuŋ, nda Itser, nda Disaŋ həŋ. Hahəŋ mgham ma la Huri zwaŋa Seghir ta haɗika Idum.

²² Wya zwana Lutaŋ: I Huri nda Hemam. Timna makuma ni ma Lutaŋ.

²³ Wya zwana Suval: Ghalvaŋ, nda Manahat, nda Gheval, nda Sefu, nda Unam.

²⁴ Wya zwana Tsivghuŋ: Aya nda Ghana. Tsa Ghana ya ta slanaghatá dzuɓay nda fwa ma mtak ta nghə həŋ ta kəɗiha Tsivghuŋ ta nzakway ka da ni.

²⁵ Wya zwana Ghana: Tsaha ya i Disuŋ nda Uhulibama, makwa Ghana.

²⁶ Wya zwana Disuŋ: Tsaha ya i Hemdaŋ, nda Isbaŋ, nda Yitraŋ, nda Kəraŋ.

²⁷ Wya zwana Itser: Tsaha ya i Bilhaŋ, nda Zaghavaŋ, nda Ghakaŋ.

²⁸ Wya zwana Disaŋ: Tsaha ya i Ghuts, nda Araŋ.

²⁹ Wya mghamha la Huri: Mgham Lutaŋ, mgham Suval, mgham Tsivghuŋ, mgham Ghana,

³⁰ mgham Disuŋ, mgham Itser, mgham Disaŋ. Tsaha ya mghamha la Huri ta uʼa taŋ ta uʼa taŋ ta haɗika Seghir.

³¹ Wya hguha mghamha ta gutá mgham ta haɗika Idum, ma kɗaku mghamha zlraftá gá mgham ta ghəŋa la Israʼila.

³² Belagh zwaŋa Bəghur, ta ga mgham ma Idum, hga tsa luwa ga mghama ni ya ná, Diŋhava ya.

³³ Ka mtutá Belagh. Ka lam Yuvav zwaŋa Zerah mnda la Butsra da gá mgham ma vla ni.

³⁴ Ka mtutá Yuvav ka lam Husam mnda haɗika la Temaŋ da gá mgham ma vla ni.

³⁵ Ka mtutá Husam, ka lam Hadat zwaŋa Bədat da gá mgham ma vla ni. Tsatsi ta zatá ghwa ta ghəŋa la Midyaŋ ma daɓiha Muwav. Ghavit hga luwa ni.

³⁶ Ka mtutá Hadat, ka lam Samla mnda la Masəreka da gá mgham ma vla ni.

³⁷ Ka mtutá Samla, ka lam Sawulu mnda la Rəhuvut ta wa zala Yufratis da gá mgham ma vla ni.

³⁸ Ka mtutá, Sawulu, ka lam Baghalʼhanaŋ zwaŋa Ghakbur da gá mgham ma vla ni.

³⁹ Ka mtutá Baghalʼhanaŋ zwaŋa Ghakbur, ka lam Hadar da gá mgham ma vla ni. Paghu hga luwa ni. Məhetaveʼel hga markwa taŋ, makwa Matret, zigha Meʼzahav.

⁴⁰ Wya hguha mala ga həgaha ma mndəra la Ghesav, ta uʼa taŋ ta uʼa taŋ, nda kwakwara taŋ, nda kwakwara taŋ, nda hga taŋ nda hga taŋ: Timna, nda Ghalva, nda Yətet,

⁴¹ nda Uhulivama, nda Ila, nda Pinuŋ,

⁴² nda Kənaz, nda Temaŋ, nda Mivtsar,

⁴³ nda Magdiʼel, nda Ghiram. Tsaha ya mala ga həgaha la Idum, nda vla nzakwa taŋ nda vla nzakwa taŋ ta haɗika taŋ. Ghesav ná, tsaya dzidza la Idum.