Zlrafta 10 - Hdi

Zivira Nuhu

¹ Wya rusa ta ghəŋa zwana Nuhu, i Sem, nda Ham, nda Yefet. Tahula luta ima zlakwa luwa, ka yayatá həŋ ta zwani:

² Zwana Yefet na: I Gumer, nda Magug, nda Maday, nda Yavaŋ, nda Tuval, nda Mesek, nda Tiras həŋ.

³ Zwana Gumer na: I Askənaz, nda Rifat, nda Tugarma həŋ.

⁴ Zwana Yavaŋ na: I Ilisa, nda Tarsis, nda Kitim, nda Dudanim həŋ.

⁵ Mndəra tsa mnduha ya gwal ta yavafta, ka nzanzatá həŋ ta kwakwarha ta wa drəf. Ka dagavaptá həŋ ta haɗika taŋ ta haɗika taŋ, nda gwaɗa taŋ nda gwaɗa taŋ, ta mndəra taŋ ta mndəra taŋ, ta uʼa taŋ ta uʼa taŋ.

⁶ Zwana Ham na: I Kus nda Masar, nda Put, nda Kanʼana həŋ.

⁷ Zwana Kus na: I Seva, nda Havila, nda Savta, nda Raghma, nda Savteha həŋ. Zwana Raghma na: I Seva nda Dədaŋ həŋ.

⁸ Kus ta yatá Nimrut guli. Tsatsi taŋtaŋa mndu ta mbruta ta ghəŋa haɗik.

⁹ Ka nzata Nimrut ka mnda raya nda mbra ta wa ira Yawe. Hada saba tsa gwaɗa mnə lu kazlay na: « Mnda raya nda mbra ta wa ira Yawe manda Nimrud, » kəʼa ya.

¹⁰ Taŋtaŋa luwaha ya gə Nimrud ta mgham ta ghəŋa ni ná, tsaya Babila, nda Irek, nda Akat, nda Kalne. Inda tsa luwaha ya ná, ta haɗika Singhar həŋ.

¹¹ Ka sliʼaftá tsi ta tsa haɗik ya, ka laghwi ta haɗika Asur. Ka baftá tsi ta luwa Ninive, nda Rehuvutʼir, nda Kalah,

¹² nda Reseŋ ma takataka Ninive nda Kalah luwa dagala ya.

¹³ Masar ta yagaptá la Ludim, nda la Ghanam, nda la Lehav, nda la Naftu,

¹⁴ nda la Patrus, nda la Kasəlu, nda la Kaftur. Ma mndəra la Kasəlu saba la Filisti.

¹⁵ Kanʼana ta yatá Tsiduŋ, zumala ni, nda Het.

¹⁶ Ma tsatsi saba la Yəbus, nda la Amuru, nda la Girgas,

¹⁷ nda la Hiv, nda la Gharka, nda la Sini,

¹⁸ nda la Arvat, nda la Tsəmer, nda la Hamat. Tahula tsa ka tatá la Kanʼana ta uʼa taŋ ta vgha.

¹⁹ Kuraghuta kwakwara haɗika la Kanʼana ná, tsaya sliʼafta ni daga ma Tsiduŋ ka laghwi təv Gerar ha ka lagha da Ghaza, ka lab təv Sədum nda Ghamura, nda Adma, nda Tsevuyim ha ka lagha da Lesa.

²⁰ Mantsa ya yagapta lu ta zivira Ham, ta uʼa taŋ ta uʼa taŋ, nda gwaɗa taŋ, nda gwaɗa taŋ, nda haɗika taŋ nda haɗika taŋ, nda la taŋ nda la taŋ.

²¹ Sem mala Yefet ya guli, ka yayatá tsi ta zwani. Tsatsi dzidza Ghever nda inda zivira ni.

²² Zwana Sem na: I Ghelam, nda Asur, nda Arpahsat, nda Luda, nda Aram həŋ.

²³ Zwana Aram na: I Ghuts, nda Hul, nda Geter, nda Mas həŋ.

²⁴ Ka yatá Arpahsat ta Selah. Ka yatá Selah ta Ghever.

²⁵ Ka yayatá Ghever ta zwani his: Peleg hga zumali, kabga ma tsa fitik ya dgavapta inda mnduha ta ghəŋa haɗik. Yuktaŋ hga sagəŋa ni.

²⁶ Ka yayatá Yuktaŋ ta i Almudat, nda Selef, nda Hatsarmavet, nda Yerah,

²⁷ nda Haduram, nda Uzal, nda Dikla,

²⁸ nda Ghuval, nda Avimaʼel, nda Seva,

²⁹ nda Ufir, nda Havila, nda Yuvav. Tsaha ya demdem zwana Yuktaŋ.

³⁰ Ka nzatá həŋ daga ma Mesaʼ ha ka labi ta vata ghwá Sefar nda ma mndəra luwa.

³¹ Mantsa ya yagapta lu ta zivira Sem, ta uʼa taŋ ta uʼa taŋ, nda gwaɗa taŋ nda gwaɗa taŋ, nda haɗika taŋ nda haɗika taŋ, nda la taŋ nda la taŋ.

³² Mantsa ya yagapta zwana Nuhu ta uʼa taŋ ta uʼa taŋ, manda ya mbəɗaf lu ta mndəra taŋ, ta la taŋ ta la taŋ. Ma hahəŋ yagapta inda mndu ta haɗik, tahula luta ima zlakwa luwa.