Izra 2 - Hdi

Hga la Israʼila ta vrakta ma Babila

¹ Wya la Yahuda ya si kasagha Nevuhadnetsar mghama Babila, ta vragaghuta da luwa Ursalima ta haɗika Yahuda. Ka varaghatá inda taŋ da luwa taŋ.

² Vragaghu vra həŋ kawadaga nda i Zərubavel, nda Yəhusuwa, nda Nəhemiya, nda Səraya, nda Rəʼelaya, nda Murduhay, nda Bilsaŋ, nda Mispar, nda Bigvay, nda Rəhum, nda Baghana. Wya hga la Israʼila kawadaga nda mbsaka taŋ:

³ Mataba la Parus ná, dəmbuʼ his nda dərmək nda ndəfáŋ mbsak his mida zgwana.

⁴ Mataba la Səfatya ná, hkən dərmək nda ndəfáŋ mbsak his mida zgwana.

⁵ Mataba la Arah ná, ndəfáŋ dərmək nda ndəfáŋ mbsak hutaf mida zgwana.

⁶ Mataba la Pahatmuwav ta yagapta ma mndəra i Yəhusuwa nda Yuwap ná, dəmbuʼ his nda tghas dərmək nda ghwaŋpəɗ his zgwana.

⁷ Mataba la Ghelam ná, dəmbuʼ nda his dərmək nda hutaf mbsak fwaɗ mida zgwana.

⁸ Mataba la Zattu ná, təmbay dərmək nda fwaɗ mbsak hutaf mida zgwana.

⁹ Mataba la Zakkay ná, ndəfáŋ dərmək nda mkuʼ mbsak zgwana.

¹⁰ Mataba la Bani ná, mkuʼ dərmək nda fwaɗ mbsak his mida, zgwana.

¹¹ Mataba la Bebay ná, mkuʼ dərmək nda hisambsak hkən mida zgwana.

¹² Mataba la Azgad ná, dəmbuʼ nda his dərmək nda hisambsak his mida zgwana.

¹³ Mataba la Adunikam ná, mkuʼ dərmək nda mkuʼ mbsak mkuʼ mida zgwana.

¹⁴ Mataba la Bigvay ná, dəmbuʼ his nda hutaf mbsak mkuʼ mida zgwana.

¹⁵ Mataba la Ghadiŋ ná, fwaɗ dərmək nda hutaf mbsak fwaɗ mida zgwana.

¹⁶ Mataba la Ater ta yagapta nda ma mndəra Hizkiya ná, təmbay mbsak tghas mida zgwana.

¹⁷ Mataba la Betsay ná, hkən dərmək nda hisambsak hkən mida zgwana.

¹⁸ Mataba la Yura ná, dərmək nda ghwaŋpəɗ his zgwana.

¹⁹ Mataba la Hasum ná, his dərmək nda hisambsak hkən mida zgwana.

²⁰ Mataba la Gibbar ná, təmbay mbsak hutaf mida zgwana.

²¹ Mataba la Betʼlehem ná, dərmək nda hisambsak hkən zgwana.

²² Mataba la Nətufa ná, Hutaf mbsak mkuʼ mida zgwana.

²³ Mataba la Ghanatut ná, dərmək nda hisambsak tghas mida zgwana.

²⁴ Mataba la Ghazmavet ná, fwaɗ mbsak his mida zgwana.

²⁵ Mataba la Kiriyatʼyegharim, nda Kəfira, nda Bəʼerut ná, ndəfáŋ dərmək nda fwaɗ mbsak hkən mida zgwana.

²⁶ Mataba la Rama, nda Gevagh ná, mkuʼ dərmək nda hisambsak his mida zgwana.

²⁷ Mataba la Mikmas ná, dərmək nda hisambsak his mida zgwana.

²⁸ Mataba la Betel, nda Ghay ná, his dərmək nda hisambsak hkən mida zgwana.

²⁹ Mataba la Nevu ná, hutaf mbsak his mida zgwana.

³⁰ Mataba la Magbis ná, dərmək nda hutaf mbsak mkuʼ mida zgwana.

³¹ Mataba la sana Ghelam ná, dəmbuʼ nda his dərmək nda hutaf mbsak fwaɗ mida zgwana.

³² Mataba la Harim ná, hkən dərmək nda hisambsak zgwana.

³³ Mataba la Lut, nda Hadid, nda Unu ná, ndəfáŋ dərmək nda hisambsak hutaf mida zgwana.

³⁴ Mataba la Yeriku ná, hkən dərmək nda fwaɗ mbsak hutaf mida zgwana.

³⁵ Mataba la Sənaʼa ná, dəmbuʼ hkən nda mkuʼ dərmək nda hkən mbsak zgwana.

Mbsaka gwal ta dra skwi ŋa Lazglafta

³⁶ Gwal ta dra skwi ŋa Lazglafta na: Mataba la Yədaya zivira Yəhusuwa ná, təmbay dərmək nda ndəfáŋ mbsak hkən mida zgwana.

³⁷ Mataba la Imer ná, dəmbuʼ nda hutaf mbsak his mida zgwana.

³⁸ Mataba la Pashur ná, dəmbuʼ nda his dərmək nda fwaɗ mbsak ndəfáŋ mida zgwana.

³⁹ Mataba la Harim ná, dəmbuʼ nda ghwaŋpəɗ ndəfáŋ zgwana.

Mbsaka la Levi

⁴⁰ La Levi na: Mataba la Yəhusuwa, nda Kadmiyel, ta sabi ma mndəra la Hudavya ná, ndəfáŋ mbsak fwaɗ mida zgwana.

⁴¹ Gwal ta fa laha ma həga Lazglafta na: Mataba la Asaf ná, dərmək nda hisambsak tgha mida zgwana.

⁴² Gwal ta ngha wa tgha na: Mataba la Salum, nda la Ater, nda la Talmuŋ, nda la Ghakuv, nda la Hatita, nda la Subay ná, dərmək nda hkən mbsak təmbay mida zgwana.

⁴³ Kwalva ta ksa slna ma həga Lazglafta na: Mataba la Tsiha, nda Hasufa, nda Tabaghut,

⁴⁴ nda Kerus, nda Sighaha, nda Paduŋ,

⁴⁵ nda Ləbana, nda Hagaba, nda Ghakuv,

⁴⁶ nda Hagab, nda Salmay, nda Hanaŋ,

⁴⁷ nda Giddel, nda Gahar, nda Rəʼaya,

⁴⁸ nda Rətsiŋ, nda Nəkuda, nda Gazzam,

⁴⁹ nda Uzza, nda Paseyah, nda Besay,

⁵⁰ nda Asna, nda Məghuŋ, nda Nəfusim,

⁵¹ nda Bakbuk, nda Hakufa, nda Harhur,

⁵² nda Batslut, nda Məhida, nda Harsa,

⁵³ nda Barkus, nda Sisra, nda Temah,

⁵⁴ nda Netsiyah, nda Hatifa.

⁵⁵ Mataba la kwalva Salumuŋ na: Mataba la Sutay, nda Hassuferet, nda Peruda,

⁵⁶ nda Yaʼala, nda Darkuŋ, nda Giddel,

⁵⁷ nda Səfatya, nda Hattil nda Pukerethatsbayim, nda Ami.

⁵⁸ Mataba kwalvaha ma həga Lazglafta, nda la kwalvaha Salumuŋ, hkən dərmək nda təmbay mbsak his mida gwagwata zgwana.

Gwal kul snaŋtá mndəra taŋ

⁵⁹ Wya hga gwal ta varagafta ma Telmelah, nda ya ma Telharsa, nda ya ma Kərubaddaŋ, nda ya ma Imer. Laviŋ a həŋ ta maraŋta dar ka sab ma zivira la Israʼila dzidzíha taŋ tsi, ka ki tsi wa:

⁶⁰ Hahəŋ la Dəlaya, nda la Tuviya, nda la Nəkuda ná, mkuʼ dərmək nda hutaf mbsak his mida zgwana.

⁶¹ Mamu sanlaha ma gwal ta dra skwi ŋa Lazglafta guli: Mataba la Hubaya, nda Hakuts, nda Barzilay. Mantsa ya ta hga lu ta tsa mndu ya, kabga vəl klafta ni ta sana makwa mataba kwagha sana mndu ta hgə lu ka Barzilay ma Gilghat.

⁶² Ka zbə həŋ ta vli vindam lu ta hga mndəra taŋ, ama slanagha a həŋ wa. Tsaya tama ka klaftá lu ta hahəŋ ka mnduha ta tsaɗ lu, ka pyaftá lu ta həŋ ka maga slna dra skwi ŋa Lazglafta.

⁶³ Ka pyaftá guvna tsa haɗik ya ta həŋ ka za skwi ya fana lu paɗak ta Lazglafta, ha ta sagha mnda dra skwi ŋa Lazglafta tsatsaŋta nda Urim nda ya nda Tumim karaku.

⁶⁴ Gwagwata inda tsa gwal ta varakta ya ná, dəmbuʼ fwaɗ mbsak his mida nda hkən dərmək nda mkuʼ mbsak həŋ,

⁶⁵ mbəɗaf a lu ta kwalvaha nda kurɗuha taŋ dəmbuʼ ndəfáŋ nda hkən dərmək nda hkən mbsak ndəfáŋ mida wu. Mamu gwal fa laha zgwana nda miʼaha guli, his dərmək.

⁶⁶ Plisha taŋ guli ná, ndəfáŋ dərmək nda hkən mbsak mkuʼ mida həŋ. Plisa ghwandala taŋ guli ná, his dərmək nda fwaɗ mbsak hutaf mida həŋ.

⁶⁷ Ŋalibwaha taŋ guli ná, fwaɗ dərmək nda hkən mbsak hutaf mida həŋ. Kəɗihha taŋ guli ná, dəmbuʼ mkuʼ nda ndəfáŋ dərmək nda hisambsak həŋ.

⁶⁸ Ka ɓhadaghata tsa mnduha ya da vla həga Yawe ma Ursalima. Hada, zlraftá sanlaha ma maliha mataba mndəra mndu ta vla mbəhu nda ɗvafta ŋuɗufa taŋ ŋa ba həga Lazglafta ta tughwa ni taŋtaŋ.

⁶⁹ Ka va vlə həŋ ta skwiha ya laviŋ həŋ ŋa da dzuguva ɗifa skwi ŋa maga slna. Tsedi ka dasu ná, dəmbuʼ mkuʼ mbsak ndeŋ mida həŋ. Kiluʼ a tsedi ná, dəmbuʼ his nda hutaf dərmək həŋ. Dərmək ka həŋ vlata lguta ksa slna gwal ta dra skwi ŋa Lazglafta.

⁷⁰ Ka sliʼaghatá gwal ta dra skwi ŋa Lazglafta, nda la Levi, nda hamata mnduha, nda gwal ta fa laha, nda gwal ta ngha wa tgha, nda la kwalva həga Lazglafta, da luwa taŋ. Ka nzatá inda pɗakwa la Israʼila guli ma luwa taŋ.