Izra 10 - Hdi

Ghazliŋta la Israʼila ta kwagha gwal ta tsa haɗik ya

¹ Ma fitika tsəlɓata Izra ta kəma həga Lazglafta ka taw, ka mananaŋtá tsi ta dmakuha ni ta Lazglafta, ta sliʼadaghatá ndəghata la Israʼila zgwana nda miʼaha nda zwani tani da wanafta, ka taw həŋ ta taw ka ŋəɗa ŋəɗa, hahəŋ demdem.

² Ka zlraftá Sekaniya ta nzakway ka zwaŋa Yəhiyel mataba mndəra la Ghelam ta gwaɗa, kaʼa nda Izra mantsa: « Kwalaghu kwala ŋni ta ŋanatá zlaha Lazglafta mu manda ya ta raku, hlaf hla kuni ŋa miʼa ghuni ta kwagha na haɗik na. Ama dər má mantsa tsi, ta nda fa ghəŋa la Israʼila.

³ Ndana tama, Dzrafma dzra ta wi nda Lazglafta mu, ŋa ghazliŋta mu ta inda tsa miʼaha ya nda zwana taŋ yaya həŋ tani. Dzaʼa magay ŋni manda ya vla ta hiɗakwa ni a mala ɗa, nda ya gwal ta zləŋa zlahuha Lazglafta mu, ka magakwa tsi manda ya mna zlahu.

⁴ Sliʼaf sliʼa, kagha ngha gha na gwaɗa na, dzaʼa highisha aŋni ta dzvu, ŋava ŋa ka maga ka, » kaʼa.

⁵ Ka sliʼaftá Izra, kaʼa nda la maliha ta ghəŋa gwal ta dra skwi ŋa Lazglafta ta nzakway ka la Levi, nda inda la Israʼila mantsa: « Waɗawa waɗa ka dzaʼa magay kuni manda tsa ndanu mna Sekaniya ya, » kaʼa. Ka waɗatá həŋ.

⁶ Ka sliʼaftá Izra ma tsa daɓa həga Lazglafta ya, ka laghu da hanay ma dzuguva Yəhuhanaŋ zwaŋa Ilyasiv. Ama za a ta skwa zay wu, sa a ta skwa say wa. Ta taw, kabga kwalaghuta tsa gwal si hlagha lu ta həŋ, ta vrakta ya ta ŋanatá zlahu manda ya ta raku.

⁷ Tahula tsa, ka rə lu ta vli ta haɗika Yahuda nda ya ma Ursalima nda mnay baŋluwa kazlay na: Inda gwal si hlagha lu ta həŋ ta vrakta, ka tskavata həŋ ma Ursalima kəʼa.

⁸ Inda mndu ya dzaʼa kwal kul lagha ma fitik hkən manda ya mna gwal dagala dagala, nda la galata mndu tani ya, dzaʼa hlaghu hla lu ta inda skwa ni, dzaʼa ghəzlap ghəzla lu guli mataba guyatá ghəŋa gwal ta vragaghata.

⁹ Mantsa tama, ka tskavata inda mndəra la Yahuda nda la Biŋyamiŋ tani ma Ursalima ma tsa fitik hkən ya. Baɗ mahisambsaka fitik ma tila matəmbay tsa skwi ya. Ka sliʼadaghatá inda mnduha nzata ma vla həga Lazglafta, ka ghudzaku mnduha ta ghəŋa tsa skwi ya, nda ya kabga ta nzaku imi guli.

¹⁰ Ka sliʼafta Izra ta nzakway ka mnda dra skwi ŋa Lazglafta, kaʼa mantsa: « Kwalaghu kwala kuni ta ŋanatá zlahu manda ya ta raku, kabga hlaf hla kuni ŋa miʼa ghuni ta kwagha na haɗik, sganagha kuni ta dmakwa la Israʼila.

¹¹ Ndana tama, mananaŋwa dmakuha ghuni ta Yawe, Lazglafta dzidzíha ghuni, ka maganata kuni ta skwi ta zɗəganata, dgawa dga ta vgha nda mnduha ta na haɗik na, nda ya nda kwagha taŋ tani, » kaʼa.

¹² « Ta ŋa gha tsa gwaɗa ya, dzaʼa magay ŋni manda ya mna ka, » ka inda gwal ta tskavata ma tsa vli ya zlghaftá wa ni nda mbraku nda mbraku.

¹³ « Nziya nza tsi ná, tsku tska ŋni, vya vli guli, laviŋ a ŋni ta nzata mabli wu, slna fitik turtuk dər his a na slna na guli wu, kabga dagala gwal kasaŋ tsəna skwi na mataba ŋni.

¹⁴ Ka aŋni nda ŋa ŋni ná, ka nza nza gwal dagala dagala mataba ŋni ŋa maga na slna na ma vla inda mnduha, ka sliʼakta inda gwal ma luwaha mu ta hlaftá ŋa miʼa taŋ kwagha na haɗik na, ta kəma taŋ ma fitik ya dzaʼa tsanafta lu ta həŋ. Ka sagha həŋ kawadaga nda la galata mnduha taŋ, nda gwal tsa guma ma luwaha taŋ tani. Ka maga mu ta tsa slna ya, kada lɓata gatá sida Lazglafta ta ghəŋa gwaɗa ta na skwi na. »

¹⁵ Ama zlghaf a i Yunataŋ zwaŋa Ghasaʼel nda Yahzəya zwaŋa Tikva ta tsa ndanə ya wa. Mantsa ya Məsulam, mista taŋ na Sabətay mnda la Levi guli.

¹⁶ Ka tsuʼaftá pɗakwa la Israʼila ta tsa skwi mnaf dəmga ya. Ka zabaptá Izra mnda dra skwi ŋa Lazglafta ta maliha ma mndəra mndu, ka hagaŋtá həŋ nda hga taŋ. Ka nzatá həŋ baɗ taŋtaŋ fitik ma tila maghwaŋ ŋa tsanaghatá guma ta tsa skwi ya.

¹⁷ Baɗ taŋtaŋa fitik ma tila mataŋtaŋ, ka kɗiŋtá həŋ nda tsa mnduha ta hlaftá ŋa miʼa ta kwagha tsa haɗik ya.

Hga gwal si ta hlaftá kwagha tsa haɗik ya

¹⁸ Mataba zwana gwal ta dra skwi ŋa Lazglafta guli, ka slanaghatá lu ta gwal ta hlaftá ŋa miʼa taŋ ta kwagha gwal ta tsa haɗik ya: I zwana Yəhusuwa, nda zwana Yutsadak nda zwana ma ni, nda Maʼaseya, nda Ilighezer, nda Yarib, nda Gədaliya.

¹⁹ Ka kurata həŋ ta ghazliŋtá tsa miʼa taŋ ya, ka valatá həŋ ta maŋazak ŋa pla ghəŋ ŋa mutsa platá dmakwa taŋ da Lazglafta.

²⁰ Wya tsa mnduha ya: Mataba zwana Imer mamu i Hanani nda Zəvadiya.

²¹ Mataba zwana Harim, mamu i Maʼaseya, nda Iliya, nda Səmaghya, nda Yəhiyel, nda Uziya.

²² Mataba zwana Pashur, mamu i Ilyughenay, nda Maʼaseya, nda Yismaghel, nda Netaŋʼel, nda Yuzavat, nda Ilghasa.

²³ Mataba la Levi: Mamu i Yuzavat, nda Simghi, nda Kelaya ta hgə lu guli ka Kəlita, nda Pətahya, nda Yahuda, nda Ilighezer.

²⁴ Mataba gwal ta fa laha guli mamu i Ilyasiv. Mataba gwal ta ngha wa tgha guli, mamu i Salum, nda Telem, nda Uri.

²⁵ Hamata la Israʼila: Mataba zwana Parus, mamu i Ramya, nda Yiziya, nda Malkiya, nda Miyamiŋ, nda Ilghazar, nda Malkiya, nda Benaya.

²⁶ Mataba zwana Ghelam, mamu i Mataniya, nda Zakari, nda Yəhiyel, nda Ghavdi, nda Yəremut nda Iliya.

²⁷ Mataba zwana Zattu, mamu i Ilyughenay, nda Ilyasiv, nda Mataniya, nda Yəremut, nda Zavat, nda Aziza.

²⁸ Mataba zwana Bebay, mamu i Yəhuhanaŋ nda Hananiya, nda Zabbay, nda Atlay.

²⁹ Mataba zwana Bani, mamu i Məsulam, nda Maluh, nda Adaya, nda Yasub, nda Seʼal, nda Ramut.

³⁰ Mataba zwana Pahatmuwav, mamu i Adna, nda Kəlal, nda Benaya, nda Maʼaseya, nda Mataniya, nda Betsalʼel, nda Binnuwi, nda Mənase.

³¹ Mataba zwana Harim, mamu i Ilighezer, nda Yisiya, nda Malkiya, nda Səmaghya, nda Simghuŋ,

³² nda Biŋyamiŋ, nda Maluh, nda Səmarya.

³³ Mataba zwana Hasum, mamu i Matənay, nda Matata, nda Zavat, nda Ilifelet, nda Yəremay, nda Mənase, nda Simghi.

³⁴ Mataba zwana Bani, mamu i Maʼaday, nda Ghamram, nda Uwel,

³⁵ nda Benaya, nda Bedya, nda Kəluhu,

³⁶ nda Vanya ya, nda Məreymut, nda Ilyasiv,

³⁷ nda Mataniya, nda Matənay, nda Yaʼasay.

³⁸ Mataba zwana Binnuwi, mamu i Simghi,

³⁹ nda Selemya, nda Nataŋ, nda Adaya,

⁴⁰ nda Mahnadbay, nda Sasay, nda Saray,

⁴¹ nda Azarʼel, nda Selemyahu, nda Səmarya,

⁴² nda Salum, nda Amarya, nda Yusufu.

⁴³ Mataba zwana Nevu, i Yəʼiyel, nda Matitiya, nda Zavat, nda Zəbina, nda Yadday, nda Yuʼel, nda Benaya.

⁴⁴ Inda tsa mnduha ya ta hlafta ŋa miʼa taŋ ta kwagha gwal ma tsa haɗik ya. Mataba tsa miʼaha ya guli, mamu gwal ta yayatá zwani nda həŋ.