1Rus 7 - Hdi

Zivira Yisakar

¹ Ka yatá Yisakar ta zwani fwaɗ: I Tulagh, nda Puʼa, nda Yasuv, nda Simruŋ həŋ.

² Zivira Tulagh na: I Ghuzi, nda Rfaya, nda Yəriʼel, nda Yahmay, nda Yivsam, nda Samuyel ka mala ga həgaha mataba la Tulagh, mnduha viɗviɗ. Ma fitika gá mghama Dawuda ná, dəmbuʼ hisambsak his mida nda mkuʼ dərmək (22.600) mbsaka zivira taŋ.

³ Zwaŋa Ghuzi na: Yizrahya ya. Zwana Yizrahya na: I Mikaʼel, nda Ghuvadiya, nda Yuʼel, nda Yisiya həŋ. Hutaf həŋ, ka mgham ka mgham.

⁴ Ma zivira taŋ, ka həga ka həga ná, ndəghundəgha mbsaka miʼaha nda zwani. Tsaya kəl mbsaka mnduha prək ka vulu ma bakwa gwal vulu ka nzakway dəmbuʼ hkən mbsak mkuʼ mida (36.000) mataba taŋ.

⁵ Gwagwata mbsaka inda zwana ma taŋ la Yisakar ta uʼa taŋ vivindaf lu ná, dəmbuʼ tghas mbsak ndəfáŋ (87.000) mida gwal viɗviɗ prək ka vulu.

Zivira Biŋyamiŋ

⁶ Zivira Biŋyamiŋ hkən na: I Belagh, nda Beher, nda Yədighaʼel həŋ.

⁷ Zwana Belagh na: I Itsbuŋ, nda Ghuzi, nda Ghuziʼel, nda Yəremut, nda Ghiri, hutaf həŋ, ka mala ga həgaha ta uʼa taŋ, ka gwal viɗviɗ ma vulu. Mbsaka taŋ vindaf lu mataba la taŋ ná, dəmbuʼ hisambsak his mida nda hkən mbsak fwaɗ (22.034) mida həŋ.

⁸ Zwana Beher na: I Zəmira, nda Yughas, nda Ilighezer, nda Ilyughenay, nda Ghumri, nda Yəremut, nda Aviya, nda Ghanatut, nda Ghalemet həŋ. Zwana Beher hahəŋ demdem.

⁹ Mbəɗatá mbsaka zivira tsa mala ga həgaha ya ta uʼa taŋ na: Mnduha viɗviɗ ma vulu dəmbuʼ hisambsak nda his dərmək (20.200) həŋ.

¹⁰ Zwaŋa Yədighaʼel na: Bilhaŋ ya. Zwana Bilhaŋ na: I Yəghus, nda Biŋyamiŋ, nda Ihut, nda Kənaghana, nda Zetaŋ, nda Tarsis, nda Ahisahar həŋ.

¹¹ Inda tsaha ya demdem zwana Yədighaʼel mala ga həga. Dəmbuʼ ghwaŋpəɗ ndəfáŋ nda his dərmək (17.200) gwal viɗviɗ həŋ demdem prək ka vulu.

¹² I Supim nda Hupim zwana Ghir. Husim zwaŋa Aher.

Zivira Naftali

¹³ Zivira Naftali na: I Yahtsiʼel, nda Guni, nda Yetser, nda Salum. Bilha midza taŋ.

Zivira Mənase

¹⁴ Zivira Mənase na: Asriʼel ya, markwa sanagha ni makwa la Aram ta yata, tsatsi ta yatá Mahir, da ni ma Gilghat.

¹⁵ Ka hlanaftá Mahir ta miʼi ta i Hupim nda Supim. Maghaha hga makuma ni. Mamu sani mataba la taŋ, Tsəlufahat hga ni, kuʼaha kweŋkweŋ yaya tsi.

¹⁶ Ka yatá Maghaha, markwa Mahir ta zwaŋa zgun ka hgə tsi ka Peres. Seres hga zwaŋa ma ni. I Ulam nda Rekem zwana Seres.

¹⁷ Zwaŋa Ulam na: Tsaya Bədaŋ. Tsaha ya zivira Gilghat, zwaŋa Mahir, zigha Mənase.

¹⁸ Ka yatá makuma ni Hamulehet ta i Isəhut, nda Avighezer, nda Mahla.

¹⁹ Zwana Səmidagh na: Ahyaŋ, nda Səkem, nda Likhi, nda Anigham həŋ.

Zivira Ifrayim

²⁰ Zivira Ifrayim na: Ifrayim ta yatá Sutelah, Sutelah ta yatá Beret, Beret ta yatá Tahat, Tahat ta yatá Ilghadah, Ilghadah ta yatá Tahat,

²¹ Tahat ta yatá Zavat, Zavat ta yatá Sutelah. Mamu i Ghezer nda Ilghat guli. Ka pslatá la Gat ya ya lu ma tsa haɗik ya ta həŋ, kabga vəl laha taŋ da hla bra rina taŋ.

²² Kidaghi fitika da taŋ Ifrayim ta tawa həŋ, ka lagha zwana ma ni da ksa ŋuɗuf ŋa ni.

²³ Ka lam Ifrayim da markwa taŋ, ka zlghaftá tsi ta huɗi, ka yatá tsi ta zwaŋa zgun, ka tsanaftá tsi ta hgu ka Bərigha, kabga sla sla ɗaŋwa ga taŋ.

²⁴ Seʼera hga makwa Ifrayim, tsa makwa ya ta baftá luwa Betʼhuruŋ ma didiŋa, nda ya ta ghəŋ. Tsatsi guli ta baftá Uzeŋʼseʼera.

²⁵ Mamu sana zwaŋa Ifrayim Refah hga ni. Refah ta yatá Resef, Resef ta yatá Telah, Telah ta yatá Tahaŋ,

²⁶ Tahaŋ ta yatá Laghdaŋ, Laghdaŋ ta yatá Ghamihut, Ghamihut ta yatá Ilisama,

²⁷ Ilisama ta yatá Nuŋ, Nuŋ ta yatá Yəhusuwa.

²⁸ Haɗika za həga vla nzakwa taŋ na: Betel nda zwana luwaha ta wanafta, nda Nagharaŋ nda təv safa fitik, nda Gezer nda təv dɗakwa fitik, nda zwana luwaha ta wanafta, nda Səkem nda zwana luwaha ta wanafta, nda Ghaya nda zwana luwaha ta wanafta.

²⁹ Ya ma dzva la Mənase na: Tsaya Betseʼaŋ, nda luwaha ta wanafta, nda Taghnak, nda luwaha ta wanafta, nda Məgidu, nda luwaha ta wanafta, nda Dur, nda luwaha ta wanafta. Ma tsa luwaha ya ta nzakwa zwana Yusufu, zwaŋa Israʼila.

Zivira Aser

³⁰ Zivira Aser na: I Yimna, nda Yisva, nda Yisvi nda Bərigha, nda makuma taŋ Serah həŋ.

³¹ Zwana Bərigha na: I Hever nda Malkiʼel həŋ. Malkiʼel ta thaftá Birzayit.

³² Ka yayatá Hever ta i Yaflet, nda Sumer, nda Hutam, nda makuma taŋ Sugha.

³³ Zwana Yaflet na: I Pasak, nda Bimhal, nda Ghasvat həŋ. Tsaha ya zwana Yaflet.

³⁴ Zwana Semer na: I Ahi, nda Ruhəga, nda Huba, nda Aram həŋ.

³⁵ Zwana zwaŋa ma ni Helem na: I Tsufah, nda Yimnagh, nda Seles, nda Ghamal həŋ.

³⁶ Zwana Tsufah na: I Suwah, nda Harnefer, nda Sughal, nda Beri, nda Yimra,

³⁷ nda Betser, nda Hut, nda Samaʼ, nda Silsa, nda Yitraŋ, nda Bəʼeraʼ həŋ.

³⁸ Zwana Yeter na: I Yəfune, nda Pispa, nda Araʼ həŋ.

³⁹ Zwana Ghulaʼ na: I Arah, nda Haniʼel, nda Ritsyaʼ həŋ.

⁴⁰ Inda tsaha ya ná, zivira Aser həŋ, mali ga həgaha, gwal dgwazl dgwazla, viɗviɗ ma vulu, maliha ta ghəŋa maliha. Mbsaka gwal vulu vivindaf lu ma zivira taŋ ná, dəmbuʼ hisambsak mkuʼ (26.000) mida həŋ.