1Rus 5 - Hdi

Zivira Rubeŋ

¹ Wya zwana Rubeŋ zumala Israʼila. Tsatsi si zumali, ama kabga vəl kfariŋtá ghəzləŋa da ni, ka vlaŋtá lu ta tsa mamalmali ta raŋta ya ta zwana Yusufu, zwaŋa Israʼila, ka nzakw tsatsi manda mndu dɗuguduŋ mamalmala ni.

² Mbru mbra Yuda katakata mataba zwana ma ni, ma tsatsi saba mndu ka mgham, ama ŋa Yusufu mamalmali.

³ Zwana Rubeŋ, zumala Israʼila na: I Hanuk, nda Palu, nda Hetsruŋ, nda Karmi həŋ.

⁴ Zivira Yuʼel na: Yuʼel ta yatá Səmaghya, Səmaghya ta yatá Gug, Gug ta yatá Simghi,

⁵ Simghi ta yatá Mika, Mika ta yatá Rəʼaya, Rəʼaya ta yatá Baghal,

⁶ Baghal ta yatá Bəʼera mala ga həga ga la Rubeŋ, ka ksaghatá Tiglatʼpilʼeser, mghama la Asur da ga vuʼa.

⁷ Wya hga zwana da ni ma Bəʼera ta uʼa taŋ manda ya vindaf lu ta mndəra taŋ: Mala ga həga tsaya Yəghiʼel, ka fiŋtá Zakari,

⁸ nda Belagh zwaŋa Ghazaz, zigha Sema, zigha ndindliŋa Yuʼel. Tsa mnduha ya ná, si ta nzakw ta kwakwar daga ma luwa Gharugher nda təv maghura, ha ta ghwá Nevu, nda luwa Baghalʼmeghuŋ nda təv mazlay həŋ.

⁹ Ka nzatá həŋ ta kwakwar nda təv safa fitik dikw ta wa mtak ta laghwi dikw ta wa zala Yufratis, kabga ndəghu ndəgha bra rina taŋ ta kwakwara Gilghat.

¹⁰ Ta fitika Sawulu, ka vulu həŋ ta vulu nda la Hagar, ka kwarafta həŋ ta həŋ, ka nzanzamtá həŋ ma tumpulha taŋ ta inda kwakwara Gilghat nda təv safa fitik.

Zivira Gat

¹¹ Ka nzatá zivira Gat mbəŋ nda həŋ ta kwakwara Basaŋ, dikw da Salha.

¹² Yuʼel mala ga həga, Safaŋ mahis, nda Yaghnay, nda Safat ma Basaŋ.

¹³ Wya zwana ma taŋ ka həga ka həga: I Mikaʼel, nda Məsulam, nda Sevagh, nda Yuray, nda Yaghkaŋ, nda Ziyagh, nda Ghever, ndəfáŋ həŋ.

¹⁴ Wya zwana Avihayil, zwaŋa Huri, zwaŋa Yaruwah, zwaŋa Gilghat, zwaŋa Mikaʼel, zwaŋa Yəsisay, zwaŋa Yahdu, zwaŋa Buz.

¹⁵ Ahi, zwaŋa Ghavdiʼel, zwaŋa Guni mala ga həga ta uʼa taŋ.

¹⁶ Ma Gilghat, nda ya ma Basaŋ, nda vliha mista ni, nda inda vla ngha rini ma Saruŋ dikw ta herhera taŋ nzata həŋ.

¹⁷ Inda taŋ, ka vivindaftá lu ta həŋ ta fitika Yutam mghama la Yuda, nda ya ta fitika Yaruvgham, mghama la Israʼila.

¹⁸ Mamu la Rubeŋ, nda la Gat, nda rita mndəra la Mənase, nda sludziha viɗviɗ nda sna ta kla zalam nda kafay, ta laviŋtá ha hava, prək ka vulu, dəmbuʼ fwaɗ mbsak fwaɗ mida nda ndəfáŋ dərmək nda mkuʼ mbsak (44.760) həŋ.

¹⁹ Ka lagha həŋ guk liŋta nda vulu ta la Hagar, nda la Yetur, nda la Nafis, nda ya nda la Nudav.

²⁰ Ka kataŋtá Lazglafta ta həŋ, ka zatá həŋ ta ghwa ta ghəŋa la Hagar, nda inda gwal mista taŋ, kabga ma tsa fitika vulu ya, ka tawata həŋ ta taw da Lazglafta, ka tsuʼanaftá tsi ta həŋ, kabga faf fa həŋ ta ghəŋ tida.

²¹ Ka tsaghatá həŋ ta bra rina taŋ: Dəmbuʼ hutaf mbsak (50.000) ŋalibwaha, dəmbuʼ his dərmək nda hutaf mbsak (250.000) rina fisik, dəmbuʼ his (2.000) kəɗihha, nda mnduha dəmbuʼ dərmək (100.000) ka vuʼa.

²² Nda ndəgha la Hagar ta rwuta, kabga ŋa Lazglafta tsa vulu ya. Ka nzatá la Rubeŋ, nda la Gat, nda rita mndəra la Mənase ma vla taŋ ha ka lagha ta fitika hlaghatá həŋ da ga vuʼa.

Zivira Mənase

²³ Ka nzatá rita mndəra la Mənase ta kwakwar ta sliʼafta daga ma Basaŋ nda ga maghura dikw da Baghalʼhermuŋ nda ga mazlay, tsaya Sənir nda Hermuŋ. Ndəghundəgha həŋ.

²⁴ Wya mala ga həgaha mataba taŋ: I Ghefer, nda Yisghi, nda Iliʼel, nda Ghazriʼel, nda Yirməya, nda Hudavya, nda Yahdiʼel. Gwal viɗviɗ həŋ, ta kulay lu ta həŋ, mala ga həgaha mataba la taŋ həŋ.

²⁵ Ama ka dmanatá həŋ ta Lazglafta dzidzíha taŋ, ka mag həŋ ta sliʼiŋsliʼiŋ nda lazglaftaha mnduha tsa haɗik zaɗana Lazglafta ta wa ira taŋ ya.

²⁶ Mantsa tama, ka gagaftá Lazglafta la Israʼila ta Pul, mghama la Asur ta nzakway ka Tiglatʼpilʼeser. Ka hlaghatá tsi ta la Rubeŋ, nda la Gat, nda rita mndəra la Mənase. Ka hlaghatá tsi ta həŋ da Halah, da Havur, da Haraʼ, nda ya ta wa zala Guzaŋ. Hada nzata həŋ ha gita.

Zivira Levi

²⁷ Zwana Levi na: I Gersuŋ, nda Kehat, nda Mərari həŋ.

²⁸ Zwana Kehat na: I Ghamram, nda Yitshar, nda Hevruŋ, nda Ghuziʼel həŋ.

²⁹ Zwana Ghamram na: I Haruna, nda Musa, nda Miryam həŋ. Zwana Haruna na: I Nadav, nda Avihuʼ, nda Ilghazar, nda Itamar həŋ.

³⁰ Ilghazar ta yatá Pinhas, Pinhas ta yatá Avisuwagh,

³¹ Avisuwagh ta yatá Buki, Buki ta yatá Ghuzi,

³² Ghuzi ta yatá Zərahya, Zərahya ta yatá Mərayut,

³³ Mərayut ta yatá Amarya, Amarya ta yatá Ahituv,

³⁴ Ahituv ta yatá Tsaduk, Tsaduk ta yatá Ahimaghats,

³⁵ Ahimaghats ta yatá Ghazariya, Ghazariya ta yatá Yuhanaŋ,

³⁶ Yuhanaŋ ta yatá Ghazariya. Tsatsi ta maga slna dra skwi ma həga Lazglafta baf Salumuŋ ma Ursalima.

³⁷ Ghazariya ta yatá Amarya, Amarya ta yatá Ahituv,

³⁸ Ahituv ta yatá Tsaduk, Tsaduk ta yatá Salum,

³⁹ Salum ta yatá Hilkiya, Hilkiya ta yatá Ghazariya,

⁴⁰ Ghazariya ta yatá Səraya, Səraya ta yatá Yəhutsadak.

⁴¹ Ka ksaghatá lu ta Yəhutsadak ma hlaghata Yawe ta la Yuda nda la Ursalima da ga vuʼa, nda ma dzva Nevuhadnetsar.