Salmu 24 - ꞌRe Ihâimana Uꞌâsi Mono Zadawa Wasuꞌu

'Re ihâimana u'âsi mono, da'rãnho'õmo na dama isa'ẽtẽ wasu'u

Dawihi nho're

¹ Uburé Danhib'apito ma, te ti'a hã duré uburé marĩ iwa 're ihâimana za'ra mono hã 're hâimana. Uburé pese daro mono bâ, iwa 're idahâimana za'ra mono norĩ zama te duré tãma hã 're hâimana.

² Ta hã ma tô â poré nhisiwi ti'a hã 'manha. Ma tô duré isãna'rada hã â poré â 'rehâ uptabi ãmamhã tisã.

³ E 'wa hã iwẽ, Uburé Danhib'apito te ẽtẽ u, te te isai'uri da hã. Duré e ni'wa hã hâimana bâ, isõrõwa 'ri iwazéb zahi u isébré da hã.

⁴ Ã norĩ si te za 're sisisi; isib'rata uptob'õ norĩ si, duré ipẽ'ẽ wẽ norĩ si, romhâibarĩ ãma 're iwata za'ra mono õ norĩ si, duré ropisudu senai õ na te te 're i'manharĩ za'ra mono õ norĩ si.

⁵ Ta norĩ ma si te za tô Uburé Danhib'apito iwẽ hã te te tãma 're apisutu. Te za duré te te 're anho'reptu, wasété õ na te te 're i'awaihu'u mono zéb zarina.

⁶ Ãne hã tô, Uburé Danhib'apito Zacoho te, 'Re ihâimana u'âsi mono zô, tinhimirosa'rata na te te 're i'aba za'ra mono norĩ hã.

⁷ 'Ridawa nho'õmo norĩ hã 're 'ridawa pese za'ra wa'aba mono. Duréi 'ridawa nho'õmo i'rata norĩ, 're 'ridawa pese za'ra wa'aba mono, Apito danhipai u isiptete uptabi hã sébré da.

⁸ E 'wa ã hã Apito, danhipai u, isiptede iwaihu'u pese uptabi hã. Uburé Danhib'apito, isiptede, duré iwaihu'u pe, dasi'wapéi wa, sib'ru na 're ihâimana mono.

⁹ 'Ridawa nho'õmo norĩ hã 're 'ridawa pese za'ra wa'aba mono. Duréi 'ridawa nho'õmo i'rata norĩ, 're 'ridawa pese za'ra wa'aba mono, Apito danhipai u isiptete uptabi hã sébré da.

¹⁰ E 'wa ã hã Apito, danhipai u, isiptede iwaihu'u pese uptabi. Ta hã, tô Uburé Danhib'apito, isiptede, duré iwaihu'u pe.