Salmu 1 - ꞌRe Ihâimana Uꞌâsi Mono Zadawa Wasuꞌu

Sena na robze sina 're idahâimana za'ra mono zé wasu'u

¹ Iwasété norĩ nhimiroti na 're ihâimana mono õ hã, iwasété norĩ hâimanazé nhizusi'õ'wa hã, duré 'Re ihâimana u'âsi mono nhimiroti zarina 're ihâimana za'ra mono norĩ ãma, 're idawa'ẽ za'ra mono norĩ siré 're isãmra mono õ hã te rowẽ na si to sina hã 're hâimana!

² Uburé Danhib'apito nhimiroti na si te tãma 're irowẽ mono zé hã 're hâimana. Taha na si te bâtâ na hã duré bara na zama te te ãma 're romnhoré u'âsi.

³ Ta hã a'uwẽ hã pazaihâ na rowede, da te i're, 're i'rãi mono zéb uwaibaba si, 're i'rãi pese mono ne, duré 're isui mre mono õ ne, te ta hã 're hâimana. Ta hã uburé marĩ te te 're i'a'manharĩ mono hã te wẽ na si 're wairébé.

⁴ Ãnei õ di, iwasété norĩ ma hã. Ta norĩ hã rowa'u, trigu teihi na 're isisa'rei mono ne, te 're hâimana za'ra.

⁵ Tahawa, niwamhã apto'o ré 'Re ihâimana u'âsi mono, te te da'ãma irowairébézé bâtâ na te za ta norĩ hã siwi wẽ'õ pese za'ra. Taha zarina te za imreme wapari pese 'wa norĩ nhiti 're si'ubumro.

⁶ Ite bâdâdi na 're inomro wẽ mono norĩ si, te tô Uburé Danhib'apito hã te te 're awẽsãmri. Tane nherẽ, 're inomro wasété mono norĩ nhibâdâdi hã te 're isi'utõrĩ mono zéb u si te te 're ãwisi za'ra.