Provébiu 28 - ꞌRe Ihâimana Uꞌâsi Mono Zadawa Wasuꞌu

¹ Iwasédé hã te za wara, simani da, ni'wa hã isarina wara õ nherẽ. Tane nherẽ, sena na 're ihâimana mono hã te sib'ru na 're hâimana u'âsi, hu'u zérépa ne hã.

² Danhipti'ai 're, 're idahâimana za'ra mono wasété zarina, te za dama i'rãnho'õmo norĩ hã da te ãma 're saprĩ u'âsi za'ra. Tane nherẽ, dama i'rãnho'u sena na i'rãiwaihu'u na dama 're hâimana za'ra mono wamhã, te za simiroti nhiptete na te te dama 're rob'madâ'â za'ra, niha hã marĩ hã hâimana tõ da hã.

³ Isimarĩ'õ, nimahãna pire da, da te pisutu wamhã, tisiré isimarĩ õ norĩ ma, te te 're irob'manharĩ wasété za'ra mono zé hã aiwa tãi wa'u rob're te te dawi 're iwamnarĩ za'ra mono ne hã te 're hâimana.

⁴ Ni'wa, 'Re ihâimana u'âsi mono nhimiroti te te rẽme wamhã, iwasété norĩ ãma oto 're iwata za'ra mono zé, te wasu'u. Tane nherẽ, te te 're iwapari pese za'ra mono norĩ te sada 're hâimana za'ra.

⁵ Iwasété norĩ ma hã waihu'u za'ra õ di, i'uwaibaba na da te dama 're irowairébé za'ra mono zé hã. Uburé Danhib'apito hawim na si 're hâimana za'ra mono da, sima sô 're isõpré mono norĩ ma si, tãma waihu'u pese za'ra di.

⁶ Danhimarĩ õ na sena na i'uwaibaba na si 're idahâimana za'ra mono zé hã wẽ uptabi di, dazadawa nhipese zarina danhimarĩ pese na 're idahâimana za'ra mono zém nhipai u.

⁷ Ai'repudu, 'Re ihâimana u'âsi mono nhimiroti te te 're iwapari pese mono hã, ta hã 'rãiwaihu'u pese di. Tane nherẽ, iwasété uptabi norĩ siré 're imorĩ pe hã te za timama ma rowazé hã te te sina 're sani.

⁸ Ni'wa hã rob'uiprazé te te dawi i'âri nhisiwi iwa'âbâ na isisiwi, sa'ẽtẽ na da te ãma tiwi 're hâimo mono zarina, 're idanhimarĩ pese za'ra mono te, rob'uiprazé hã te za isimarĩ'õ norĩ zawi'wai ma hã tãma tirẽ, siwaihu'u ãna.

⁹ 'Re ihâimana u'âsi mono, isimiroti te te 're iwapari za'ra mono õ norĩ nhimirowaptẽrẽzé hã te tô te te 're awẽ'õ.

¹⁰ Ni'wa sena na 're ihâimana za'ra mono norĩ, te te 're iwamnarĩ za'ra mono zarina marĩ iwasédé te te 're 'manharĩ za'ra mono da, te te 're isimroi mono hã, te za si'uihâ na waptãrã 're isisito mono zéb u hã. Tane nherẽ, ni'wai ãma iwasédé da te ãma 're inomri mono õ hã te za iwẽ hã te te sima 're awaibu.

¹¹ Isimarĩ pese norĩ, te õne u'â ti'rãi waihu'u pese na hã te te sina 're rosa'rata za'ra. Tane nherẽ, isimarĩ'õ i'rãiwaihu'u wẽ ma si tãma waihu'u pese di, niha hã we 're ihâimana za'ra mono zé hã.

¹² Iwẽ norĩ hã tipire na tihâimanazé te te oto sina sõ'õtõ wamhã, uburé te za dasima romhu'u za'ra ni isabâdâ. Tane nherẽ, iwasété norĩ ipire na ihâimanazéb u oto waptã'ã wamhã, te za dapahi te tãma aima'uri za'ra ni.

¹³ Ni'wa tiwasédé te te sima 're tété u'âsi mono wamhã, rowẽzé tãma 're ihâimana mono da hã mare di. Tane nherẽ, ni'wa isiwẽ'õ zarina te te rẽme wamhã, te za 'Re ihâimana u'âsi mono hã ãma 're isiwamri mono zé hã sina uwaimra.

¹⁴ Ni'wa, Uburé Danhib'apito pahi sina te te 're wazé pese mono wamhã, tãma 're rowẽ u'âsi mono di. Tane nherẽ, ni'wa pẽ'ẽ tete na 're hâimana mono wamhã, te za ropire u hã waptãrã.

¹⁵ Hu'u zérépa, sahi wa, 're iwairõ za'ra mono ne, duré robzahi ursu hã isahi 're ihâimana za'ra mono ne, te tô isimarĩ'õ norĩ dama i'rãnho'u iwasété nhib'ratamhã 're hâimana za'ra.

¹⁶ Dama i'rã nho'u isimiza'rese'õ hã te za da'ãma siwamri ãna te te 're dawati pese za'ra. Tane nherẽ, ni'wa senai õ na 're idahâimana za'ra mono zéb zarina, 're idasisibro pese za'ra mono zé tãma i'ru si te za dama i'rãnho'õmo na hã ãma 're hâimana hâ.

¹⁷ Dapãrĩ'wa hã sa'ẽtẽ te za sisada te te 're ab're za'ra. Ni'wa te te tiwi sawi za'ra ãna, ãne na hã te te 'manharĩ tõ da.

¹⁸ Ni'wa sena na 're ihâimana mono hã te za sima iwẽ na 'madâ'â ré na 're hâimana. Tane nherẽ, ni'wa senai õ na 're ihâimana mono hã te za waptu na waptãrã.

¹⁹ Ni'wa tiburu na te te 're romhuri pese mono wamhã, te za sa 're romnhimi'wara, sa'ẽtẽ na isazéb da hã. Tane nherẽ, ni'wa marĩ iwapure zô si 're irĩtĩ mono na taré bâdâ te te sina 're uprosi mono wamhã, te za simarĩ õ u'âsi 're hâimana.

²⁰ Sena na 're ihâimana za'ra mono norĩ pẽ'ẽ 'remhã, rowẽ za'ẽtẽ na hã te za tãma 're hâimana za'ra. Tane nherẽ, ni'wa duré waptu na 're isisimarĩ mono ma hã, tãma rob'manharĩ wasété ãna ihâimana da hã mare di.

²¹ I'uwaibaba õ di, da'ãma rowairébé'wa norĩ danhiniwĩ 're ihâimana za'ra mono zé hã. Tane nherẽ, te tô nima norĩ rowairébé'wa rob'uiprazé isurure zô nherẽ, danhiniwĩmhã 're hâimana za'ra.

²² Isõti hã te waptu na 're isisimarĩ pese za'ra mono da si, tinhimarĩ zô sima 're sõpré. Tane nherẽ, sisõwamhã te te rob'madâ'â waihu'u õ di, za isimarĩ'õzé bâdâ ipire, sô iwisizé hã.

²³ Ni'wa, tisiré ma, te te pẽtẽ wamhã, romhutu'õmhã te za ãma rosa'rata wẽ pese, isiré te te tãma ipẽtẽzém na hã. Tane nherẽ, taré tisiré ma mreme su'u nherẽ, te te tãma robzanhamri wamhã, tãma wẽ õ di za oto niwamhã.

²⁴ Ni'wa, iwasété õ na te te iwaihu'u zarina, timama nhimarĩ norĩ ina nhimarĩ me te te tiwi simi'uri zahuré wamhã, te rowamnarĩ pese 'wa ne hã oto 're hâimana.

²⁵ Ni'wa marĩ zô si te te sima 're irob'ruiwapari mono hã te za õne u'â dasi'wapé hã te te 're poto za'ra. Tane nherẽ, Uburé Danhib'apito te te 're i'umnhasi mono si te za rowẽ isa'ẽtẽ ré hã 're hâimana.

²⁶ Ni'wa 'râwi 're isi'umnhasi mono hã ta hã isimiza'rese'õ. Tane nherẽ, ni'wa rowaihu iwẽ zarina si 're ihâimana mono hã te za tãma romnhimimnhasi ãna 're hâimana.

²⁷ Ni'wa isimarĩ'õ ma, tinhimarĩ te te 're anhomri mono wamhã, marĩ zô tiwi 're iro'wanhi'riti mono da hã mare di. Tane nherẽ, ni'wa isimarĩ'õ te te 'madâ'â tõ da, tiwi 're u'rata mono wamhã, te za ropipa hã da te tãma 're pisutu.

²⁸ Iwasété norĩ ipire na ihâimanazéb u oto sarõtõ wamhã, te za dapahi te hã tãma aima'uri za'ra ni. Duré nimahã na apâ te te sina 're ti'awi za'ra mono wamhã, te za sena na 're idahâimana za'ra mono 'rã hã te te sina 're hâimo, iwa'rãmimhã.