Esdra 2 - ꞌRe Ihâimana Uꞌâsi Mono Zadawa Wasuꞌu

Babilonia hawi apâ da te dasina isiri za'ra norĩ wasu'u

¹ Tawamhã Babilonia te apito Nabucodonozo, Izaraéu nhihudu norĩ 'remhã tirob u te te isimroi mono hã, Zuda ãma aré 're ihâimana za'ra mono hã ahâ uptabi di. Ta norĩ hã ma tô Zeruzalẽ u, duré Zuda u apâ sina siri za'ra, tite mono bâ 'ri nho'õmo mono u.

² Ta norĩ nhib'ihâ'a hã, Zorobabé, Zozué, Neemia, Seraia, Re'elaia, Mordecai, Bisã, Mispa, Biva'i, Reum, duré Ba'ana. — Ã hã ãma irob'ui'éré za'ra hã, Izaraéu nhihudu norĩ wa'õtõ mono 'remhã dahâiba za'ratazém na:

³ Paroho nhib'a'uwẽ wa'õtõ 'remhã dahâiba za'rada hã: 2.172 na dahâiba hã;

⁴ Sefatiaha nhib'a'uwẽ wa'õtõ 'remhã dahâiba za'rada hã: 372 na dahâiba hã;

⁵ Araha nhib'a'uwẽ wa'õtõ 'remhã dahâiba za'rada hã: 775 na dahâiba hã;

⁶ Paate-Moabi, Zesua norĩ, Moabihi nhib'a'uwẽ wa'õtõ me, simisutu ihâiba za'ratazé hã: 2.812 na dahâiba hã;

⁷ Elãhã nhib'a'uwẽ wa'õtõ 'remhã dahâiba za'rada hã: 1.254 na dahâiba hã;

⁸ Zatuhu nhib'a'uwẽ wa'õtõ 'remhã dahâiba za'rada hã: 945 na dahâiba hã;

⁹ Zaca'i nhib'a'uwẽ wa'õtõ 'remhã dahâiba za'rada hã: 760 na dahâiba hã;

¹⁰ Banihi nhib'a'uwẽ wa'õtõ 'remhã dahâiba za'rada hã: 642 na dahâiba hã;

¹¹ Beba'ihi nhib'a'uwẽ wa'õtõ 'remhã dahâiba za'rada hã: 623 na dahâiba hã;

¹² Azgadehe nhib'a'uwẽ wa'õtõ 'remhã dahâiba za'rada hã: 1.222 na dahâiba hã;

¹³ Adonicãhã nhib'a'uwẽ wa'õtõ 'remhã dahâiba za'rada hã: 666 na dahâiba hã;

¹⁴ Biva'ihi nhib'a'uwẽ wa'õtõ 'remhã dahâiba za'rada hã: 2.056 na dahâiba hã;

¹⁵ Adĩhĩ nhib'a'uwẽ wa'õtõ 'remhã dahâiba za'rada hã: 454 na dahâiba hã;

¹⁶ Ate, Ezequia na isisi amo nhib'a'uwẽ wa'õtõ 'remhã dahâiba za'rada hã: 98 na dahâiba hã;

¹⁷ Beza'ihi nhib'a'uwẽ wa'õtõ 'remhã dahâiba za'rada hã: 323 na dahâiba hã;

¹⁸ Zoraha nhib'a'uwẽ wa'õtõ 'remhã dahâiba za'rada hã: 112 na dahâiba hã;

¹⁹ Hasuhu nhib'a'uwẽ wa'õtõ 'remhã dahâiba za'rada hã: 223 na dahâiba hã;

²⁰ Gibaha nhib'a'uwẽ wa'õtõ 'remhã dahâiba za'rada hã: 95 na dahâiba hã;

²¹ Ni'wam norĩ, ihi'rada ãne 'ri nho'õmo norĩ nhisi wa, aré 're ihâimana za'ra mono norĩ nhihudu, apâ isi'aba'ré hã ãne: Belẽ ãma: 123 na dahâiba hã;

²² Netofa ãma: 56 na dahâiba hã;

²³ Anatoti ãma: 128 na dahâiba hã;

²⁴ Azmaweti ãma: 42 na dahâiba hã;

²⁵ Quiriate-Zearĩ ãma, duré Cefira ãma, duré Be'erote ãma, uburé simisutu hã: 743 na dahâiba hã;

^26-35 Rama norĩ ãma, Zeba me: 621 na dahâiba hã; Mitima ãma: 122 na dahâiba hã; Bétéu norĩ ãma, Ai me: 223 na dahâiba hã; Nebo ãma: 52 na dahâiba hã; Magbi ãma: 156 na dahâiba hã; Elã na 'ri nho'õmo nhisi hâiba amoi ãma: 1.254 na dahâiba hã; Harĩ ãma: 320 na dahâiba hã; Rode norĩ ãma Hadide me duré Ono me: 725 na dahâiba hã; Zerico ãma: 345 na dahâiba hã; Sena'a ãma: 3.630 na dahâiba hã.

^36-39 Ã hã sasedoti norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi apâ isi'aba'ré norĩ hâiba za'rata na rob'ui'éré: Zesuaha nhihudu Zedaiaha nhib'a'uwẽ wa'õtõ 'remhã dahâiba za'rada hã: 973 na dahâiba hã; Imehe nhib'a'uwẽ wa'õtõ 'remhã dahâiba za'rada hã: 1.052 na dahâiba hã; Pasuhu nhihudu wa'õtõ 'remhã dahâiba za'rada hã: 1.247 na dahâiba hã; Harĩhĩ nhihudu wa'õtõ 'remhã dahâiba za'rada hã: 1.017 na dahâiba hã.

^40-42 Ã hã levita norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ hâiba za'rata na rob'ui'éré: Zesua norĩ hawi a'uwẽ, Cadmi'éhé me, Hodaviaha sipoto zarina a'uwẽ hã: 74 na dahâiba hã; Asafihi nhihudu norĩ isõ're'wa hã: 128 na dahâiba hã; 'ridawa 'madâ'â'wa norĩ Saluhu nhihudu hã, Atehe nhihudu norĩ me hã, Talmoho nhihudu norĩ me hã, Acubehe nhihudu norĩ me hã, Hatitaha nhihudu norĩ me hã, Soba'ihi nhihudu norĩ me hã uburé simisutu hã: 139 na dahâiba hã.

^43-54 Tawamhã ã hã 'Re ihâimana u'âsi mono nhorõwa 're, te te 're iromhuri za'ra mono norĩ nhib'a'uwẽ wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ nhib'ihâ'a nhisi hã: Zia, Hasufa, Tabaote, Querosi, Sia, Padõ, Lebana, Hagaba, Acube, Hagaba, Salma'i, Hana, Gide'u, Ga'a, Reaiasi, Rezĩ, Necoda, Gazã, Uza, Paséia, Besa'i, Asnate, Me'uni, Nefisĩ, Baquebuque, Hacufa, Haru, Baslute, Meida, Harsa, Barcosi, Sisera, Tema, Nesia, duré Hatifa.

^55-57 Ã hã Salomahã ma romhuri'wa norĩ nhihudu wa'õno hã sito pese na Babilonia ãma 're ihâimana za'ra mono zém hawi, apâ isi'aba'ré norĩ nhib'ihâ'a nhisi hã: Sota'i, Soferete, Peruba, Za'ala, Dacõ, Gide'u, Sefatia, Hati'u, Poquerete-Hazeba'ĩ, duré Ami.

⁵⁸ Uburé hã 'Re ihâimana u'âsi mono nhorõwa 're, romhuri'wa norĩ hã, Salomahã ma romhuri'wa norĩ nhihudu me hã 392 na ihâiba za'ra hã.

^59-60 Delaiaha nhib'a'uwẽ wa'õtõ norĩ hã, Tobiaha nhib'a'uwẽ wa'õtõ norĩ hã, duré Necodaha nhib'a'uwẽ wa'õtõ norĩ hã 652 na ihâiba za'ra hã, ma tô 'ri nho'u Tel-Mela na isisi hawi, Tel-Harsa na isisi hawi, Querube na isisi hawi, Adã na isisi hawi, duré Ime na isisi hawi aihutu apâ hã. Tane nherẽ, ta norĩ hã Izaraéu nhihudu norĩ na sena na 're ihâimana za'ra mono zém na ãma rob'ui'éré za'ra hã tãma 're hâimana za'ra mono õ di, da te ãma dasiwi 're iwaihu'u za'ra mono zéb da hã.

⁶¹ Tawamhã sasedoti Habaiasihi nhib'a'uwẽ wa'õtõ norĩ hã, Cozihi nhib'a'uwẽ wa'õtõ me hã, duré Bazira'ihi nhib'a'uwẽ wa'õtõ me hã te te siwi sõpẽtẽ za'ra õ di, ni'wa nhihudu norĩ na, da te ãma iwaihu'u za'ra zéb da hã. (Bazira'ihi nhib'a'uwẽ norĩ hi'rada ma tô Ziliadi norĩ siré hã Bazira'ihi 'ra sipi'õ na timro. Tahawa, ma tô timaprebaba nhisi na tinhisi.)

⁶² Ta norĩ hã sasedoti na 're hâimana za'ra mono da hã da te wẽsãmri za'ra õ di, ni'wam norĩ hi'rata na rob'ui'éré hã 're 'maihâimana mono õ wa, iwaihu'uzéb da hã.

⁶³ Tawamhã dama i'rãnho'u dasa iwazéb zahi na dasaihuri tõ da, ma tô a'â dawi sawi, nima hã sasedoti ẽne i'ui'éré ré Urĩ norĩ Tumihi me te te wabzuri da, imorĩ wisi õ ré, te te irowairébézéb da hã.

^64-67 Izaraéu nhihudu norĩ apâ isi'aba'ré hâiba za'ratazé simisutu hã ãne: 42.360 na ihâiba hã; duré tãma romhuri'wa norĩ si'aibâ norĩ hã, tãma romhuri'wa norĩ sipi'õ norĩ me hã: 7.337 na ihâiba hã. Isõ're'wa norĩ si'aibâ, isõ're'wa norĩ sipi'õ me hã: 200 na. Awaru norĩ hã: 736 na ihâiba hã. Awaru po're pore norĩ hã: 245 na ihâiba hã. Awaru ba'õmo norĩ hã: 435 na ihâiba hã. Awaru po're pore norĩ hã: 6.720 na ihâiba hã.

⁶⁸ Tawamhã Zeruzalẽ ãma Uburé Danhib'apito nhorõwa aré 're isa mono zéb u ni'wam norĩ, a'uwẽ wa'õtõ ma, danhib'ihâ'a sihutu wamhã, ma tô tinhoprubzé hã sõmri za'ra, tô isab 'rata zéb ãma 'ri da te ãma wahutu da apâ, 'Re ihâimana u'âsi mono ma.

⁶⁹ Tawamhã isimarĩ hã tãma 're ihâimana za'ra mono zéb zarina ma tô sõmri za'ra, te te sada ubumro za'ra da, 514 na ipire pibuzém na oru hã, 2.800 na ipire pibuzém na ẽtẽ waipo prã prata hã, duré 100 na sasedoti norĩ nho'utu ubuzé ihâ pa hã.

⁷⁰ Tawamhã sasedoti norĩ, levita norĩ, duré ni'wam norĩ a'uwẽ ma tô Zeruzalẽ ãma hã 're hâimana za'ra, duré tame i'ratamhã. Duré tawamhã isõ're'wa norĩ hã, romhuri'wa norĩ hã, 'Re ihâimana u'âsi mono nhorõwa 'ridawa 'madâ'â'wa norĩ hã, duré ihâiba amo isiré Izaraéu nhihudu norĩ hã ma tô 'ri nho'õmo wa, ihi'rata norĩ 're ihâimana za'ra mono zéb ãma 're si'ubumro.