Biblia Todo Logo
Bìoball air-loidhne

- Sanasan -

हीब्रु 4 - पश्‍चिम तामाङ

1 पर्‌मेस्‍वर्‌चे ङ्‍य्‍हङ्‍मात दुःब न्‍हबे ग्‍लारी वङ्‍पुङ्‍ब बी सुङ्‍जेत्‍पे बाचा दवम् मुब। होत्‍तज्‍यीम् ङ्‍य्‍हङ्‍मा होसीयार् तज्‍यीम् टीइ, ओसेम् एङ्‍यीमान्‍हङ्‍री हुजु दुःब न्‍हबे ग्‍लारी वङ्‍अम्‍यङ्‍बल खलेएनो अतखइ।

2 तलेपङ्‌सम् ङ्‍य्‍हङ्‍की म्‍हेम्‍हेमात र्‌हङ्‌ले ङ्‍य्‍हङ्‍मातएनो दुःब न्‍हबे ग्‍लाकी बारेरी स्‍येत्‍पल मुब। तर थेङ्‍यीमाकी लागीरी हुजु दुःब न्‍हबे ग्‍लाकी बारेइ तम् लक् अतबल तज्‍यी, तलेपङ्‍सम् थेङ्‍यीमाचे हुजु तम्‍त बीस्‍वास् लज्‍यीम् ग्रहन् अस्‍य्‍हेङ्।

3 देरेम् ङ्‍य्‍हङ्‍मा बीस्‍वास् स्‍य्‍हेङ्‍बलमामी हुजु दुःब न्‍हबे ग्‍लारी वङ्‌ब। थेङ्‍चे बीस्‍वास् अस्‍य्‍हेङ्‍बलमाकी बारेरी चोले सुङ्‌बल मुब, “होत्‍तज्‍यीम् ङचे बोमोरी चोले सपथ चज्‍यी, ‘ङइ दुःब न्‍हबे ग्‍लारी थेङ्‍यीमा खेमेएनो वङ्‍म्‍यङस्‍ये अरे।’” पर्‌मेस्‍वर्‌चे चोले सुङ्‍जेत्‍लेएनो थेङ्‍की दुःब न्‍हबे ग्‍ला जम्‍बुलीङ् स्‍य्‍हेङ्‌जेत्‍पे बेलोरीनो टोप् लज्‍यीन्‍बल मुबल।

4 तलेपङ्‍सम् धर्‌म छ्‍येःइ ग्‍ला गीःरी ङ्‌यीस् रेत्‍की बारेरी चोले सुङ्‌बल मुब, “पर्‌मेस्‍वर्‌चे जम्‍मनो लक्‍मा स्‍य्‍हेङ्‍ब बुत्‍ज्‍यीम् ङ्‌यीस् रेत्‍कुनो दुःब न्‍हजेत्‍ज्‍यी।”

5 ओसेम् देबेएनो हुजु ग्‍लारीनो चोले सुङ्‌बल मुब, “ङइ दुःब न्‍हबे ग्‍लारी थेङ्‍यीमा खेमेएनो वङ्‍म्‍यङ्‍स्‍ये अरे।”

6 दुःब न्‍हबे ग्‍लाकी बारेरी ङोन्‍ग्‍यम् ज्‍यबे सम्‍तर् थेःबलमाचेमी हुजुरी वङ्‍अम्‍यङ्, तलेपङ्‍सम् थेङ्‍यीमाचे पर्‌मेस्‍वर्‌चे कुल्‍जेत्‍पे अर्‌तीमा अङ्‍येन्। होलेतलेनो हुजु दुःब न्‍हबे ग्‍लारी वङ्‍म्‍यङ्‍स्‍येकी ल्‍हो-ल्‍हो म्‍हीमा दवम् बाकी मुब।

7 देबेएनो पर्‌मेस्‍वर्‌चे ल्‍हो-ल्‍हो दीन् गीःत “तीङ्‌यी” बी सुङ्‌ज्‍यीम् थेङ्‍की दुःब न्‍हबे ग्‍लारी वङ्‌बरी तेत् लजेत्‍ज्‍यी। थेङ्‍चे य्‍हक्‍को बर्‌ष लीप्‍चे दाऊद ग्‍यम्‍से ङोन्‍ग्‍यम्‍नो सुङ्‍जेत्‍पे तम् देबेएनो सुङ्‌जेत्‍ज्‍यी, “तीङ्‌यी एङ्‍यीमाचे थेङ्‌की केत् थेःज्‍यी पङ्‌सम्, एङ्‌यीमाकी सेम्‍त कोङ्‍न थलउ।”

8 तलेपङ्‍सम् यहोसुचे थेङ्‍यीमात दुःब न्‍हबे ग्‍लारी दोःनलबल य्‍हीन्‍सम् पर्‌मेस्‍वर्‌चे लीक्‍यम् ल्‍हो-ल्‍हो दीन्‍की बारेरी सुङ्‍अजेत्‍स्‍येल।

9 होत्‍तज्‍यीम् पर्‌मेस्‍वर्‌चे ङ्‌यीस् रेत्‍कुनो दुःब न्‍हजेत्‍प र्‌हङ्‌ले पर्‌मेस्‍वर्‌की म्‍हीमाकी लागीरी दुःब न्‍हबे ग्‍ला मुब।

10 पर्‌मेस्‍वर्‌चे जम्‍मनो स्‍हेमा स्‍य्‍हेङ्‍जेत्‍पे लक् बुत्‍प बीसेम् दुःब न्‍हजेत्‍प र्‌हङ्‌ले पर्‌मेस्‍वर्‌की दुःब न्‍हबे ग्‍लारी वङ्‍बलमा जम्‍मचेनो र्‌हङ्‍की लक् ग्‍यम्‍से दुःब न्‍हस्‍ये मुब।

11 होत्‍तज्‍यीम् ङ्‍य्‍हङ्‍मा हुजु दुःब न्‍हबे ग्‍लारी वङ्‌बरी खम्‍गदे बङ् लइ, ओसेम् ङ्‍य्‍हङ्‍मा खलेएनो पर्‌मेस्‍वर्‌की अर्‌तीमा अङ्‍येन्‍बे इस्रएलीमा र्‌हङ्‌ले नास् तज्‍यीम् अय्‍हर्‌खइ।

12 तलेपङ्‍सम् पर्‌मेस्‍वर्‌की फ्रोइ सोम्‍बो मुब, ओसेम् फ्रोइचे लक् स्‍य्‍हेङ्‍स्‍यीनो टीब। ओसेम् फ्रोइ पट्‍टी ङ्‍य्‍हीचेनो धार् मुबे तरवल् बीमएनो छ्‌यर्‌पल तब। तर्‌वल्‍चे म्‍हीइ ज्‍यीःमातेङ् नख्रुत्‍माकी टङ्‍मातएनो बो बोले फेःपीन्‍ब र्‌हङ्‌ले पर्‌मेस्‍वर्‌की फ्रोइचे म्‍हीइ बुःतेङ् आत्‍मात फेपीन्‍ब, ओसेम् म्‍हीमाकी सेम्‍री म्‍हेन्‍बे तम्‍मातेङ् बीचार्‌मात ज्‍यनले सइब।

13 पर्‌मेस्‍वर्‌चे स्‍य्‍हेङ्‌जेत्‍पलमान्‍हङ्‍री तएनो थेङ् ग्‍यम्‍से छुम्‍बल अरे। थेङ्‌की ङोन्‍री जम्‍मनो स्‍हेःमा प्रस्‍टतेङ् छर्‌लङ्‍ग मुब। थेङ्‍तनो ङ्‍य्‍हङ्‍माचे र्‌हङ्‌चे स्‍य्‍हेङ्‌बे लक्‍माकी हीसाब पीन्‍थोब।


येसु गोदोब्‍न्‍हङ्‍की ङ्‍य्‍हच्‍छ्‍यङ् लम्‍बु

14 होत्‍तज्‍यीम् ङ्‍य्‍हङ्‍माचे स्‍य्‍हेङ्‌बे बीस्‍वास्‍री झेन् कोङ्‍ज्‍यीम टीइ, तलेपङ्‍सम् स्‍वर्‌गरी स्‍येःजेत्‍पे पर्‌मेस्‍वर्‌की ज येसुनो ङ्‍य्‍हङ्‍माकी गोदोब्‍न्‍हङ्‍की ङ्‍य्‍हच्‍छ्‌यङ् लम्‍बु य्‍हीन्‍ब।

15 ङ्‍य्‍हङ्‍माकी लम्‍बुचे ङ्‍य्‍हङ्‍माकी कम्‍जोरीत गोपीन्‍जेत्‍प। तलेपङ्‌सम् ङ्‍य्‍हङ्‍माकी लम्‍बु जम्‍मनो तम्‍मारी ङ्‍य्‍हङ्‍मा र्‌हङ्‌लेनो परीक्षारी दोःज्‍यी, तर थेङ्‍चे पाप् स्‍य्‍हेङ्‍अजेत्।

16 होत्‍तज्‍यीम् चेकेएनो अलोङ्‌नले पर्‌मेस्‍वर्‌की अनुग्रहकी ठीइ ङोन्‍री ङ्‍यीइ, ओसेम् तोःबे बेलोरी ङ्‍य्‍हङ्‍माचे र्‌हो यङ्‍बे लागीरी कृपातेङ् अनुग्रह यङ्‍स्‍ये मुब।

© 2024 (Active), Wycliffe Bible Translators, Inc. All rights reserved.

Wycliffe Bible Translators, Inc.
Lean sinn:



Sanasan