Josué 15 - Dios Iwene

Juda niji baibanö 'da̧batö tjujunina jawa

¹ Ja̧danö ju'wedö judasasotjö, tja'dödötjö bakwasokwena tupadanö jojodö tjitebo baibanö 'da̧batö wetjinobe, judasaso niji baibanö. Ja̧ nijima, a̧likwö Edom niji ö'öbö ichibinobe, ja̧danö a̧likwö bajalema jojodö deobe Zin ötjabobe ichibinobe juda nijima.

² Ja̧danö tjitebo a̧likwö bakwachobema, baikwö laebobe: Jwaibalawa Mar Muerto ötjabawa bajaletjö, a̧likwö jawa bajaletjö jamatö,

³ ja̧ niji bakwachobema a̧likwö dötewobe, Acrabinbe nöchekwaemibenö, ja̧danö tupakwö Zin ötjabobe, ja̧danö Cades Barnea niji a̧likwöchobenö dötewobe bakwachobema, ja̧danö Hezron comunidadbe ichibanö, ja̧danö Adar comunidadbe ichibanö, ja̧danö jobetjö jalachibö Carca comunidadbe ichibanö dötewobe bakwachobema.

⁴ Ja̧danö jemi tupakwö Azmon comunidadbe, ja̧danö jobetjö ja'yuwödö Egipto ö'öbösödöbenö dötewobe juda niji bakwachobema, bajaliyanö jwaibalawa Mar Meditereanobe ichibanö. Jobekwö laebobe juda niji a̧likwöchobe bakwachobema.

⁵ Ja̧danö juda niji jawo̧ laebobekwö bakwachobema, jwaibalawa Mar Muerto ötjabawa, u'dakwö Jordan ojwe 'dalape ichibanö. Ja̧danö juda niji u'dakwöchobe bakwachobema, baikwö laebobe: Jwaibalawa u'dakwöchobe Jordan ojwe 'dalapetjö jamatö dötewobe,

⁶ Bet Jogla comunidadbe ichibanö, ja̧danö jobetjö Bet Araba comunidad u'dakwöchobenö, ja̧danö jobetjö inawa, Ruben itji̧ Bohan mikwo̧ ujuninawabe ichibanö dötewobe, juda niji u'dakwöchobe bakwachobema.

⁷ Ja̧danö jawatjö Acor wabeko ö'wejenö baledö, Debir comunidadbe ichibanö, ja̧danö jobetjö u'dakwö Adumin mösa'o badeibö comunidad Guilgalbe ichibanö dötewobe juda niji bakwachobema. Ja̧danö Guilgaltjö ojwese'do Ensemes ötjabe'dobe ichibanö, ja̧danö Enroguel comunidadbe ichibanö.

⁸ Ja̧danö jobetjö bakwachobema Ben Hinon wabekobenö dötewobe, jebuseo tjitebosa'o, babe möle Jerusalen mikwa'obe ichibanö. Ja̧danö jobetjö Hinon wabeko badeibösa'o mösa'o wa̧pekwa'obenö, Refayin wabeko bajale, u'dakwöchobesa'o mösa'obenö baledobe juda niji bakwachobema.

⁹ Ja̧danö ja'o wa̧pekwa'otjö, ojwese'do Neftoaj mikwe'dobe ichibanö dötewobe, ja̧danö jobetjö Efron mösa'o jȩmi comunidadbiya ichibanö dötewobe bakwachobema. Ja̧danö jobetjö̧ Bala comunidadbe, ju'wi imi Quiriat Yearin comunidadbe ichibanö dötewobe bakwachobema.

¹⁰ Ja̧danö Balatjö, bakwachobema jalachibö, jawo̧ laebobekwö Seir mösa'obe dötewobe, ja̧danö jobetjö Jearin mösa'o, ju'wi imi Quesalon mösa'o u'dakwöchobenö dötewobe, Bet Semes comunidadbe ichibanö, ja̧danö Timna comunidad badeibö ichibanö.

¹¹ Ja̧danö jobetjö juda niji bakwachobema Ecron comunidad u'dakwö badeibösa'o mösa'obe ichibanö dötewobe, ja̧danö jobetjö jalachibö, Sicron comunidadbe ichibanö, ja̧danö jobetjö Bala mösa'obe ichibanö, ja̧danö jobetjö Jabnel comunidadbe ichibanö dötewobe juda niji bakwachobema. Ja̧danö jobetjö, bajaliyanö jwaibalawa Mediterreano ötjabawa ichibanö dötewobe juda niji u'dakwöchobe bakwachobema.

¹² Ja̧danö juda niji jawo̧ meajobekwö bakwachobema, jwaibalawada. Jwaibalawa Mediterreano ötjabawa ö'öböma, juda niji bakwachobe jo̧be. Jobekwö laebobe juda niji bakwachobema, ja̧danö okobe deinö juda jojodö bakwasokwena jojodöma, ja̧ bakwachobe okwa tjö̧ji̧nobe, idöda tjitebo baibanö.

Caleb anaquita jojodönö a'dewö loina jawa

¹³ Ja̧danö, Isabenö Jo̧ Josuenö weinadanö, juda niji baibanö 'da̧batö ujunenama, ja'ö Jefone itji̧ Calebnö 'da̧batö iyinobe. Ja̧ Calebnö iyinama, Quiriat Arba comunidad jo̧banö iyinobe, ju'wi imi Hebron comunidad. Ajayinö anaquita jojodöma jobe tjö̧jinobe, ja̧danö jobadötjö ajayinö ji̧na Anak mikwo̧ abe'doma, Arba mikwo̧ ö̧jinobe, jo̧kwajabetjö̧ jo̧ba iminö comunidad ötjabinobe.

¹⁴ Ja̧danö, Calebma Hebrontjö anaquita jojodönö a'dewö loinobe, wapösokwa jojodö Anak itji̧mu tupadanö jojodönö, Sesaysaso jojodönöbi, Ajimansaso jojodönöbi, Talmaysaso jojodönöbi.

¹⁵ Ja̧danö, Hebrontjö a'dewö lobajo̧, Debir comunindadnö ju̧kwadönö ölakwabikwawobö i̧'yinobe Calebma. Ja̧ Debir comunidadma, ajayinö ju'wi imi Quiriat Sefer jö̧ba̧lö mikwinobe.

¹⁶ Ja̧danö, jobe ju̧kwadönö ölakwabikwawenama, Caleb yöa̧linobe, —Bakwo̧ Quiriat Sefer jojodönö mebibö, ujuluwitjö̧ma, juluwajo̧nö chitjiju Acsa mikwujunö wetocha, ilekwo bajibanö, —jö̧ba̧lö.

¹⁷ Jejenö yöa̧liökwe, Caleb öjawo̧ Kenaz mikwo̧ itji̧ Otoniel mikwo̧ma, ja̧ comunidad mebibö ujuluwinobe, ja̧danö jejenö ujuluwiökwe, Calebma itjiju Acsa mikwujunö weinobe, Otoniel ilekwo bajibanö.

¹⁸ Ja̧danö Acsa Otonielnö jemenama, jilekwenö yöja̧linobe, —Chabe'do Calebnö niji adebo, —jö̧ba̧lö. Ja̧danö, jabe'do ö̧jobekwö 'ya̧ju, jajwi bulo oma'atjö mejibenama, jabe'do Calebma abebö a̧ja̧kwinobe, —Chitiju, taji kwösöda? —jö̧ba̧lö.

¹⁹ Abebö a̧ja̧kwoko, —Chabe'do, otiwanö pjabatö kwiyobö chösöda, ida̧ökö Neguev ötjabobe niji kwiyajabe, jo̧kwaijayonö kököobe ja̧ nijima. Jo̧kwajabetjö̧ ju'wibi ojwese'do jȩmi nijibi kwiyobö atebakwö, —jö̧ba̧lö ajebinobe Acsama. Ja̧danö, jejenö ajebökwe, Calebma ajebaja̧danö iyinobe, jobetjö u'dakwö jawase'dobi, a̧likwö jawase'dobi iyinobe, itjiju Acsanö.

Juda niji comunidadtenia imi wȩyukwöja

²⁰ Dios chiyocha jö̧a̧lina badekwachinö, juda bakwasokwena jojodö tjitebo baibanö 'da̧batö wetjinobe, ja̧danö ja̧ niji comunidadtenia imibiya wȩyukwöjama, baikwö laebobe:

²¹ Juda nijitjö a̧li̧kwö bajalenö niji̧, Edom niji ö'öbö comunidadteniama, bi̧ya, Cabsel comunidadbi, Edar comunidadbi, Jagur comunidadbi,

²² Quiná comunidadbi, Dimoná comunidadbi, Adadá comunidadbi,

²³ Cedes comunidadbi, Jazor comunidadbi, Itnán comunidadbi,

²⁴ Zif comunidadbi, Telén comunidadbi, Bealot comunidadbi,

²⁵ Jazor Jadatá comunidadbi, Queriot comunidadbi, Jezrón ju'wi imi Jazor comunidadbi,

²⁶ Amán comunidadbi, Semá comunidadbi, Moladá comunidadbi,

²⁷ Jazar Gadá comunidadbi, Hesmón comunidadbi, Bet Pelet comunidadbi,

²⁸ Jazar Súal comunidadbi, Berseba comunidadbi, ö'öbö pjei̧ comunidadteniabi,

²⁹ Balá comunidadbi, Iyín comunidadbi, Esen comunidadbi,

³⁰ Eltolad comunidadbi, Quesil comunidadbi, Jormá comunidadbi,

³¹ Siclag comunidadbi, Madmana comunidadbi, Sansaná comunidadbi,

³² Lebaot comunidadbi, Siljín comunidadbi, Ayin comunidadbi, Rimón comunidadbi. Okobe jwiinö a̧li̧kwö bajalenö comunidadteniama, veintinueve comunidadbiyabi, ö'öbö pjei̧ comunidadteniabi.

³³ Ja̧danö juda niji ba̧ba̧lawobe jȩmi comunidadteniama, Estaol comunidadbi, Zora comunidadbi, Asena comunidadbi,

³⁴ Zanoa comunidadbi, Enganín comunidadbi, Tapúaj comunidadbi, Enam comunidadbi,

³⁵ Jarmut comunidadbi, Adulán comunidadbi, Soco comunidadbi, Azeca comunidadbi,

³⁶ Sajarayin comunidadbi, Aditayin comunidadbi, Guederá comunidadbi, Guederotayin comunidadbi. Okobe jwiinö ba̧ba̧lawobe comunidadteniama, catorce comunidadbiyabi, comunidad ö'öbö pjei̧ comunidadteniabi.

³⁷ Ja̧danö ju'wi ba̧ba̧lawobe ji̧ comunidadteniama, Zenán comunidadbi, Jadasá comunidadbi, Migdal Gad comunidadbi,

³⁸ Dileán comunidadbi, Mizpa comunidadbi, Joctel comunidadbi,

³⁹ Laquis comunidadbi, Boscat comunidadbi, Eglón comunidadbi,

⁴⁰ Cabón comunidadbi, Lajmás comunidadbi, Quitlís comunidadbi,

⁴¹ Guederot comunidadbi, Bet Dagón comunidadbi, Noamá comunidadbi, Maquedá comunidadbi. Okobe jwiinö ja̧ ju'wi ba̧ba̧lawobe comunidadteniama, dieciséis comunidadbiyabi, ö'öbö pjei̧ comunidadteniabi.

⁴² Ja̧danö ju'wi ba̧ba̧lawobe ji̧ comunidadteniama, Libná comunidadbi, Éter comunidadbi, Asán comunidadbi,

⁴³ Jifta comunidadbi, Asena comunidadbi, Nezib comunidadbi,

⁴⁴ Queilá comunidadbi, Aczib comunidadbi, Maresá comunidadbi. Okobe jwiinö ja̧ ju'wi ba̧ba̧lawobe comunidadteniama, nueve comunidadbiyabi, ö'öbö pjei̧ comunidadteniabi.

⁴⁵ Ja̧danö ju'wibi jwaibalawa ö'öbö comunidadtenia, Ecron comunidadbi, ö'öbö pjei̧ comunidadteniabi,

⁴⁶ jwaibalawa lo̧bekwö ji̧ pjei̧ comunidadteniabi, Asdod comunidad jo̧bekwö ji̧ pjei̧ comunidadteniabi,

⁴⁷ Asdod comunidadbi, ö'öbö pjei̧ comunidadteniabi, Gaza comunidadbi, ö'öbö pjei̧ comunidadteniabi. Ja̧danö okobe jwiinö Egipto ö'öbösödö lo̧bekwö ji̧ comunidadteniabi, ju'wi jwaibalawa Mediterreano ötjabawa ö'öbö comunidadteniabi. Okobe jwiinö ja̧ ba̧ba̧lawobe comunidadteniama, juda niji comunidadtenia baibinobe.

⁴⁸ Ja̧danö mösa'iju jȩmi niji juda niji comunidadbiyama, Samir comunidadbi, Jatir comunidadbi, Soco comunidadbi,

⁴⁹ Daná comunidadbi, Quiriat Saná ju'wi imi Debir comunidadbi,

⁵⁰ Anab comunidadbi, Estemoa comunidadbi, Anín comunidadbi,

⁵¹ Gosén comunidadbi, Holón comunidadbi, Guiló comunidadbi. Ja̧ once comunidadbi, ö'öbö pjei̧ comunidadteniabi.

⁵² Ja̧danö Arab comunidadbi, Dumá comunidadbi, Esán comunidadbi,

⁵³ Yanún comunidadbi, Bet Tapúaj comunidadbi, Afecá comunidadbi,

⁵⁴ Humtá comunidadbi, Quiriat Arbá ju'wi imi Hebrón comunidadbi, Sior comunidadbi. Ja̧ nueve comunidadbi, ö'öbö pjei̧ comunidadteniabi.

⁵⁵ Ja̧danö Maón comunidadbi, Carmel comunidadbi, Zif comunidadbi, Yutá comunidadbi,

⁵⁶ Jezrel comunidadbi, Jocdeán comunidadbi, Zanoa comunidadbi,

⁵⁷ Caín comunidadbi, Guibeá comunidadbi, Timná comunidadbi. Ja̧ diez comunidadbi, ö'öbö pjei̧ comunidadteniabi.

⁵⁸ Ja̧danö Jaljul comunidadbi, Betsur comunidadbi, Guedor comunidadbi,

⁵⁹ Marat comunidadbi, Bet Anot comunidadbi, Eltecón comunidadbi. Ja̧ seis comunidadbi, ö'öbö pjei̧ comunidadteniabi.

⁶⁰ Ja̧danö Quiriat Baal ju'wi imi Quiriat Yearín comunidadbi, Rabá comunidadbi, ö'öbö pjei̧ comunidadteniabi. Okobe jwiinö ja̧ mösa'iju jȩmi comunidadteniama, juda niji comunidadtenia baibinobe.

⁶¹ Ja̧danö jojodö deobe juda niji comunidadteniama, Bet Arabá comunidadbi, Midín comunidadbi, Secacá comunidadbi,

⁶² Nibsán comunidadbi, Sayu comunidadbi, Engadi comunidadbi, seis comunidadbiyabi, ö'öbö pjei̧ comunidadteniabi. Okobe jwiinö ja̧ jojodö deobe comunidadteniama, juda niji comunidadtenia baibinobe.

⁶³ Jobekwö laebobe juda niji comunidadtenia wȩyukwöja, Dios chiyocha jö̧a̧lina badekwachinö niji 'da̧batö wetjinama. Jo̧kwaijayonö, juda jojodö Jerusalen comunidad ju̧kwadö jebuseo jojodönö a'dewö lotjobö jwitjinobe, jo̧kwajabetjö babe mölebi baibanö, jebuseo jojodöma ina juda jojodö tjö̧'da̧de tjuju̧kwobe Jerusalen comunidadnö.