1 Crónicas 9 - Dios Iwene

¹ Jobekwö laebobe okobe deinö israel jojodö tjimibiya wȩyukwa'yema, Israel niji la'aka luwedö tjö̧jina wȩyukwa'yenö tji̧wȩyudinama. Ja̧danö, Judasaso jojodöma otiwanö tja̧ja̧kwinokobe Isabenö Jo̧ wei̧ma. Jwaikwöda tjuluwo̧ Isabenö Jo̧ Dios wei̧ a̧ja̧kwö tjö̧jo jö̧tja̧linajayonö, tja̧ja̧kwinokobe otiwanöma, jo̧kwajabetjö̧ tjitebotjö laebinobe jobadönö, ja̧danö Babilonia nijibe tje'ewinobe jobadönö.

Jerusalen comunidadbe tjebachajinadö tjimibiya wȩyukwa'ye

² Lekwe möle Babilonia nijinö ju̧kwajadö, bajalianö tjitebobe tjȩwa̧jinobe Juda jojodöma, ja̧danö ju'wedötjö ajayinö tjitebobe tjebachajö, yemidanö ajayi tjitebo Israel niji comunidadbe ichibö ji̧nadöma bidö: Diostjö jojodötjö ö'weje pjabatadöbi, Levisaso jojodöbi, Dios eju otikwa jojodöbi.

³ Ja̧danö Judasaso jojodötjö ju'wedöbi, Benjaminsaso jojodötjö ju'wedöbi, Efrainsaso jojodötjö ju'wedöbi, Manasessaso jojodötjö ju'wedöbi Juda nijibe tjebachajö, Jerusalen comunidadnö jamatö tjö̧jinobe.

⁴ Judasaso jojodötjö Babilonia nijibetjö ajayinö tjebachajinadö bidö: Utai mikwo̧ Babilonia nijibetjö tjeachajinobe ömöledökwö. Utaima Amiud mikwo̧ itji̧, ja̧danö Amiudma Omri mikwo̧ itji̧, ja̧danö Omrima Imri mikwo̧ itji̧, ja̧danö Imrima Bani mikwo̧ itji̧. Ja̧danö, Banima Fares itji̧mu tupadanö jojodötjö bakwo̧, ja̧danö Faresma Juda itji̧.

⁵ Ja̧danö Silonitassaso jojodö tjebachajinadötjö ju'wedöma bidö: Abönö pöe Asaias mikwo̧bi, Asaias itji̧mubi.

⁶ Ja̧danö Zeraitassaso jojodötjö, Jeuel mikwo̧bi, Jeuel ömöledöbi. Okobe deinö Judasaso jojodötjö ajayinö tjebachajinadöma, seisientos noventabedö Jerusalenbe tjetjachajinobe.

⁷ Ja̧danö Benjaminsaso jojodötjö tjebachajinadöma bidö: Salu mikwo̧ma Babilonia nijitjö tjeachajinobe ömöledökwö. Saluma Mesulam mikwo̧ itji̧, ja̧danö Mesulamma Hodavias mikwo̧ itji̧, ja̧danö Hodoviasma Asenua mikwo̧ itji̧.

⁸ Ibneias mikwo̧bi Babilonia nijitjö tjeachajinobe ömöledökwö. Ibneiasma Jeroham mikwo̧ itji̧, ja̧danö Jerohamma Ela mikwo̧ itji̧, ja̧danö Elama Uzi mikwo̧ itji̧, ja̧danö Uzima Micri mikwo̧ itji̧, ja̧danö Micrima Mesulam mikwo̧ itji̧, ja̧danö Mesulamma Sefatitas mikwo̧ itji̧, ja̧danö Sefatitasma Reuel mikwo̧ itji̧, ja̧danö Reuelma Ibnias mikwo̧ itji̧.

⁹ Jobadöma tjömöledösaso jojodötjö la'aka luwedö tjö̧jinobe, ja̧danö tjömöledösaso tjimibiya wȩyukwa'yenö laebobe, ajayinö Babilonia nijibetjö tjetjachajenama, novecientos cincuenta y seisbedö Benjaminsaso jojodöma tjebachajö Jerusalen comunidadnö tjö̧jinobe.

Diostjö jojodötjö ö'weje pjabatatadötjö tjebachajinadö

¹⁰ Diostjö jojodötjö ö'weje pjabatadö Juda nijibe ajayinö tjebachajinadöma bidö: Jedaias mikwo̧bi, Joiari mikwo̧bi, Jaquin mikwo̧bi,

¹¹ Azarias mikwo̧bi. Jobadötjö Dios eju la'aka luwo̧ma, Azariasda, ja̧danö Azarias a'dödö tjimibiya wȩyukwa'ye baikwö laebobe: Azariasma Hilcias mikwo̧ itji̧inobe. Ja̧danö Hilciasma Mesulam mikwo̧ itji̧inobe. Ja̧danö Mesulamma Sadoc mikwo̧ itji̧inobe. Ja̧danö Sadocma Meraiot mikwo̧ itji̧inobe. Ja̧danö Meraiotma Ahitob mikwo̧ itji̧inobe.

¹² Ja̧danö ö'weje pjabatadötjö Adaia mikwo̧bi Juda nijibe tjeachajinobe. Adaia a'dödö tjimibiya wȩyukwa'ye baikwö laebobe. Adaiama Jeroham mikwo̧ itji̧inobe. Ja̧danö Jerohamma Pasur mikwo̧ itji̧inobe. Ja̧danö Pasurma Malquias mikwo̧ itji̧inobe. Ja̧danö ö'weje pjabatadötjö Masai mikwo̧bi Juda nijibe tjeachajinobe. Masai a'dödö tjimibiya wȩyukwa'ye baikwö laebobe. Masaima Adiel mikwo̧ itji̧inobe. Ja̧danö Adielma Jazera mikwo̧ itji̧inobe. Ja̧danö Jazerama Mesulam mikwo̧ itji̧inobe. Ja̧danö Mesulamma Mesilemit mikwo̧ itji̧inobe. Ja̧danö Mesilemitma Imer mikwo̧ itji̧inobe.

¹³ Jobadöma tjömöledösaso jojodötjö luwedö tjö̧jinobe, ja̧danö tjömöledönö öbibö Babilonia nijibetjö tjetjachajinobe. Okobe deinö jobadö tjebachajinadöma, mil setecientos sesenta ö'weje pjabatadö tjetjachajinobe, ja̧danö jobadöda Dios eju jawa otidadö tjö̧jinobe.

Levisaso jojodötjö tjebachajinadö

¹⁴ Ju'wedö Levisaso jojodötjö Juda nijibe tjebachajinadöma bidö: Semaias mikwo̧ma ömöledökwö tjeachajinobe. Semaiasma Hasub mikwo̧ itji̧. Ja̧danö Hasubma Azricam mikwo̧ itji̧. Ja̧danö Azricamma Hasabias mikwo̧ itji̧. Ja̧danö Hasabiasma Merari mikwo̧ itji̧ tupadanö jojo.

¹⁵ Ja̧danö Bacbacar mikwo̧bi, Heres mikwo̧bi, Galal mikwo̧bi, Matanias mikwo̧bi tjetjachajinobe tjömöledökwö. Mataniasma Micaia mikwo̧ itji̧. Ja̧danö Micaiama Zicri mikwo̧ itji̧. Ja̧danö Zicrima Asaf mikwo̧ itji̧.

¹⁶ Ja̧danö Obadias mikwo̧bi ömöledökwö tjeachajinobe. Obadiasma Semaias mikwo̧ itji̧, ja̧danö Semaiasma Galal mikwo̧ itji̧, ja̧danö Galalma Jedutin mikwo̧ itji̧. Ja̧danö Berequias mikwo̧bi ömöledökwö tjeachajinobe. Berequiasma Asa mikwo̧ itji̧, ja̧danö Asama Netofa nijinö ji̧na Elcana mikwo̧ itji̧.

¹⁷ Ja̧danö Levisaso jojodötjö Dios eju a̧petu apjude teada̧ladö Juda nijibe tjebachajinadöma bidö: La'aka apjude teada̧lakwawa jojo Salum mikwo̧bi, Acub mikwo̧bi, Talmon mikwo̧bi, Ahiman mikwo̧bi, ju'wedö tjömöledökwö tjetjachajinobe.

¹⁸ Jobadö apjude teada̧ladöma Levisaso jojodö, ja̧danö ajayinö jawo̧ laebobekwö apjude teada̧lö tjotidinobe, inesö la'aka luwo̧ teachakwawödema.

¹⁹ Ja̧danö la'aka teada̧lo̧ Salum a'dödö tjimibiya wȩyukwa'yema baikwö laebobe: Salumma Kore mikwo̧ itji̧. Ja̧danö Korema Abiasaf mikwo̧ itji̧. Ja̧danö Abiasafma, Core mikwo̧ itji̧ tupadanö jojo. Salumbi, ju'wedö ömöledö Core itji̧mu tupadanö jojodöbi Isabenö Jo̧ eju teada̧lakwawa jojodö tjö̧jinobe, tja'dödö ajayinö Isabenö Jo̧ eju sabana'wotjö otikweju teachakwawemi teada̧lö tjö̧jinadanö.

²⁰ Salum a'dödö damötjö teada̧lakwawö tjö̧jina jawa baikwö laebobe. Eleazar itji̧ Fineesma, Isabenö Jo̧ eju apjudebiya teada̧ladö tjotidawa jwebebö ö̧jinobe, ja̧danö Isabenö Jo̧ma otiwanö Fineeskwö ja̧nö pjaatinobe.

²¹ Ja̧danö, ja̧ möle Meselemias itji̧ Zacariasma, Dios eju sabana'wotjö otikweju teada̧lakwawa jojo otidö ö̧jinobe.

²² Salum mikwo̧bi, ju'wedö ömöledötjö apjude teada̧lakwawa jojodöbi doscientos docebedö teada̧lakwawa jojodö tjö̧jinobe, tjömöledösaso wȩyukwa'yenö tjimibiya wȩyukwawö̧ma. Damötjö inesö la'aka luwo̧ Davidbi, Dios yöawi̧ yöbawo̧ Samuelbi tja'dödönö omudawö tjujuninobe, jwaikwöda tjotido jö̧tja̧li̧danö otidadö tjö̧jinobetjö̧, ja̧danö tjitji̧mu tupadanö jojodö Salumbi, ju'wedö ömöledöbi bakwainö tjotido jö̧tja̧lidanö otidadö tjö̧jinobe.

²³ Isabenö Jo̧ eju 'yayeju ina tjotidapji, sabana'wotjö otikwejuda ina Dios eju ji̧nayi, jobadö Core itji̧mu tupadanö jojodö ajayinö ji̧nadönöbi, tji̧tji̧mu tupadanö jojodönöbi weawama baikwö laebobe:

²⁴ Dios eju bakwachobekwena teada̧lakwawa jojo iteada̧lobö ji̧nobe, u'dakwöchobebi, a̧li̧kwöchobebi, jawo̧ laebobekwöbi, jawo̧ meajobekwöbi.

²⁵ Ja̧danö teada̧lakwawa jojodö tjömöledöma, tjitebo comunidadtjö ichö pjatjatobö ji̧nobe. Jobekwö ichö pjatjatenama, jelemutjö dötölataja möle baledibanö pjatjatobö ji̧nobe, ikenama yemidanö tjȩwa̧jobö ji̧nobe.

²⁶ Levisaso jojodötjö ö'wejemubedö la'aka teada̧ladö tjö̧jinobe, okobe deinö, —Bidöma tjotido jö̧tja̧lidanö otidadö, —jö̧ba̧lö tjöwaisawö̧ma. Ja̧danö jobekwö jobadönö tjöwaisobetjö̧, Dios eju ȩkijubi, Dios eju jawa nöinö mikwawi̧ jawa teada̧ladö tjö̧jinobe.

²⁷ Dios eju teada̧ladö tjö̧jinobetjö̧, yö̧te baledibanö Dios eju teada̧lö tjö̧jinobe, ja̧danö yȩayitenia apjudebiya po̧tjebinobe.

²⁸ Ja̧danö apjude teada̧lakwawa jojodötjö ju'wedöma, Diosnö ösödakwawa jawa dȩja̧piyabi, ju'wi jawabi teada̧lö tjö̧jinobe. Tjiteada̧lonö Dios eju jawa jwiapji jö̧ba̧lö, ba̧kwelöjatebö bakwo̧ ju'wi jaye emö ichena tji̧wȩyudobö ji̧nobe, ja̧danö tjeatenabi tji̧wȩyudobö ji̧nobe.

²⁹ Ja̧danö jobadötjö ju'wedöma ju'wi Dios eju jawa tjiteada̧linobe, Dios eju teaö̧kiya jawabi, ju'wi Dios eju okwa otikwa dȩja̧piyabi. Ju'wibi Dios eju jawa harinaso̧pja̧ otiwopja̧bi, ubasobu o̧'dobubi, olivo o̧tebi, omewinö ubi̧ jawabi, ju'wi omewi̧ jawabi teada̧lö tjö̧jinobe.

³⁰ Jo̧kwaijayonö ja̧ omewi̧ jawa tjiteada̧lijayonö, ja̧ omewi̧ jawa wiwodö tjotidinokobe, sule Diostjö jojodötjö ö'weje pjabatadöda ja̧ jawa tjiwiwodinobe.

³¹ Ja̧danö, Juda nijibe tjetjachajenama, Levisaso jojodötjö Core itji̧ tupadanö jojo Salum itji̧ Matatias mikwo̧nö 'da̧batö tjujuninobe, pan ö̧pjiya Diosnö iyawa ö̧pjiya otikwa jojo baibanö.

³² Ja̧danö ju'wedö Core itji̧mu tupadanö jojodönöbi 'da̧batö tjujuninobe, otikwökö mölekwena Dios eju okwa jö̧te pan wanawöte mesasötenö tjöwanakwa̧ pan tjotidobö.

³³ Ja̧danö Levisaso jojodötjö ju'wedöma lo̧awa jawa luwedö tjö̧jinobe. Jobadöma tjömöledösaso jojodötjö la'aka luwedö tjö̧jinobe, ja̧danö Dios eju ö'öbö ȩkijutjö tju̧ju̧kwinobe. Jobadöma mölebi, yötebi lo̧awa jawa tjotidobö ji̧nobe, jo̧kwajabetjö̧ ju'wi jaye tjotidoböma wetjinököwö̧, jwaikwöda lo̧awa jawa tjotidakobetjö̧.

³⁴ Okobe deinö jobadöma Jerusalen comunidadnö tjö̧jinobe, Levisaso jojodö tjimibiya wȩyukwa'yenö laebobe, jobadöma tjömöledösaso luwedö tjö̧jinobe, jö̧ba̧lö.

Ajayi la'aka luwo̧ Saul ömöledö tjimibiya wȩyukwa'ye

³⁵ Benjaminsaso jojo Jeiel mikwo̧ma, Gabaon comunidad otidina, ja̧danö Gabaon comunidadnö ö̧jinobe. Jeiel ilekwoma, Maaca mikwuju,

³⁶ ja̧danö itji̧ abönö pöema Abdon mikwo̧. Ju'wedö Jeiel itji̧muma bidö: Zur mikwo̧bi, Cis mikwo̧bi, Baal mikwo̧bi, Ner mikwo̧bi, Nadab mikwo̧bi,

³⁷ Gedor mikwo̧bi, Ahio mikwo̧bi, Zacarias mikwo̧bi, Miclot mikwobi.

³⁸ Ja̧danö Miclotma Simeam mikwo̧ abe'doinobe. Jobadö Jeiel itji̧muma, Jerusalen comunidadnö tjö̧jinobe, ju'wedö tjömöledö tjipjeanö.

³⁹ Ja̧danö Nerma Cis mikwo̧ abe'doinobe. Ja̧danö Cisma la'aka luwo̧ Saul mikwo̧ abe'doinobe. Ja̧danö Saulma Jonatan mikwo̧bi, Malquisua miwko̧bi, Abinadab mikwo̧bi, Es-baal mikwo̧bi tjabe'doinobe.

⁴⁰ Jonatanma Merib-baal mikwo̧ abe'doinobe. Ja̧danö Merib-baalma Micaia mikwo̧ abe'doinobe.

⁴¹ Ja̧danö Micaiama Piton mikwo̧bi, Melec mikwo̧bi, Tarea mikwo̧bi, Acaz mikwo̧bi tjabe'doinobe.

⁴² Ja̧danö Acazma Jada mikwo̧ abe'doinobe. Ja̧danö Jadama Alemet mikwo̧bi, Azmavet mikwo̧bi, Zimri mikwo̧bi tjabe'doinobe. Ja̧danö Zimrima Mosa mikwo̧ abe'doinobe.

⁴³ Ja̧danö Mosama Bina mikwo̧ abe'doinobe. Ja̧danö Binama Refaias mikwo̧ abe'doinobe. Ja̧danö Refaiasma Elasa mikwo̧ abe'doinobe. Ja̧danö Elasama Azel mikwo̧ abe'doinobe.

⁴⁴ Azel itji̧mu jelemutjö bakwo̧bedöma bidö: Azricam mikwo̧bi, Bocru mikwo̧bi, Ismael mikwo̧bi, Searias mikwo̧bi, Obadias mikwo̧bi, Hanan mikwo̧bi. Jobadöma Azel mikwo̧ itji̧mu.