1 Crónicas 7 - Dios Iwene

Isacar itji̧mu tupadanö jojodö

¹ Isacar itji̧muma ö'wejemubedö tjö̧jinobe, bidö: Tola mikwo̧bi, Pua mikwo̧bi, Jasub mikwo̧bi, Simron mikwo̧bi.

² Ja̧danö Tola mikwo̧ itji̧mu tupadanö jojodötjö, sasokwena la'aka luwedöma bidö: Uzi mikwo̧bi, Refaias mikwo̧bi, Jeriel mikwo̧bi, Jahmai mikwo̧bi, Jibsam mikwo̧bi, Semuel mikwo̧bi. Tola itji̧mu tupadanö jojodöma ölakwabikwawa juluwadö tjö̧jinobe, ja̧danö Tola itji̧mu tupadanö jojodö tjimibiya wȩyukwa'yenö laebobe, inesö la'aka luwo̧ David ö̧jinena möle, Tola jojodötjö ölakwabikwawa jojodö juluwadöma veintidos mil seiscientosbedö tjö̧jinobe.

³ Ja̧danö Uzi itji̧ma, Israhias mikwo̧. Ja̧danö Israhias itji̧muma, Micael mikwo̧bi, Obadias mikwo̧bi, Joel mikwo̧bi, Isias mikwo̧bi. Jobadö bakwamubedöma tjömöledösaso jojodötjö la'aka luwedö tjö̧jinobe.

⁴ Jobadö tjömöledösaso jojodöma, tjilekwamu ba̧jȩkwadönöbi, tji̧tji̧mu ba̧jȩkwadönöbi tjujuna̧linobe, jo̧kwajabetjö tja'dödö tji̧tji̧mu tupadanö jojodö tjimibiya wȩyukwa'yenö laebobe, okobe deinö jobadötjö tjölakwabikwawobö juluwadöma, treinta y seis milbedö tjö̧jinobe.

⁵ Okobe deinö Isacar itji̧mu tupadanö jojodö tjimibiya wȩyukwa'yenö laebobe, Isacar itji̧mu tupadanö jojodötjö ölakwabikwawa juluwadöma, ochenta y siete milbedö tjö̧jinobe.

Benjamin itji̧mu tupadanö jojodö

⁶ Benjamin itji̧muma wamedukwabedö: Bela mikwo̧bi, Bequer mikwo̧bi, Jediael mikwo̧bi.

⁷ Ja̧danö Bela itji̧muma bakwamubedö, bidö: Ezbon mikwo̧bi, Uzi mikwo̧bi, Uziel mikwo̧bi, Jerimot mikwo̧bi, Iri mikwo̧bi. Okobe deinö jobadöma, tjömöledösasokwena luwedö tjö̧jinobe, ja̧danö ölakwabikwawa luwedö juluwadö tjö̧jinobe. Ja̧danö, jobadö tjömöledösaso jojodö tjimibiya wȩyukwa'yenö laebobe, jobadö Bela itji̧mu tupadanö jojodötjö ölakwabikwawadöma, veintidos mil treinta y cuatrobedö tjö̧jinobe.

⁸ Ja̧danö Bequer itji̧muma bidö: Zemira mikwo̧bi, Joas mikwo̧bi, Eliezer mikwo̧bi, Elioenai mikwo̧bi, Omri mikwo̧bi, Jerimot mikwo̧bi, Abias mikwo̧bi, Anatot mikwo̧bi, Alamet mikwo̧bi. Okobe deinö jobadöma Bequer itji̧mu tjö̧jinobe,

⁹ ja̧danö tjömöledösaso luwedö tjö̧jinobe. Jobadö tjömöledösaso jojodö tjimibiya wȩyukwa'yenö laebobe, jobadötjö ölakwabikwawa juluwadöma veinte mil doscientosbedö tjö̧jinobe.

¹⁰ Jediael itji̧ma Bilhan mikwo̧. Ja̧danö Bilhan itji̧muma bidö: Jeus mikwo̧bi, Benjamin mikwo̧bi, Aod mikwo̧bi, Quenaana mikwo̧bi, Zetan mikwo̧bi, Tarsis mikwo̧bi, Ahisahar mikwo̧bi.

¹¹ Okobe deinö jobadöma tjömöledösasokwena luwedö tjö̧jinobe, ja̧danö jobadö tjömöledösasokwena jojodötjö, tjölakwabikwawobö juluwadöma diecisiete mil doscientosbedö tjö̧jinobe.

¹² Ja̧danö, Supim mikwo̧bi, Hupim mikwo̧bi Hir itji̧mu tjö̧jinobe. Ja̧danö Husim mikwo̧ma, Aher itji̧ ö̧jinobe.

Neftali itji̧mu tupadanö jojodö

¹³ Neftali itji̧muma bidö: Jahzeel mikwo̧bi, Guni mikwo̧bi, Jezer mikwo̧bi, Silem mikwo̧bi. Okobe deinö jobadöma, Jacob ilekwo Bilha mikwuju jitji̧mu tupadanö jojodö.

Manases itji̧mu tupadanö jojodö

¹⁴ Manasesma ömöayujudanö ilekwonö eminobe, Siria jojosujunö, ja̧danö jobujuma Manases itji̧mu Asriel mikwo̧nöbi, Maquir mikwo̧nöbi jeminobe. Ja̧danö Maquirma Galaad mikwo̧ abe'doinobe.

¹⁵ Maquirma Hupimbi, Supimbi tjöjawuju Maaca mikwu̧junö eminobe. Ja̧danö, Maquir itji̧mu tupadanö jojodötjö bakwo̧ma Zelofehad mikwo̧. Ja̧danö Zelofehadma itji̧mu ömadönö deinobe, itji̧mu ya̧dönöda 'yaebinobe Zelofehadma.

¹⁶ Ja̧danö Maquir ilekwo Maacama jitji̧mu Peres mikwo̧nöbi, Seres mikwo̧nöbi jeminobe. Ja̧danö Peres itji̧muma bidö: Ulam mikwo̧bi, Requem mikwo̧bi.

¹⁷ Ja̧danö Ulam itji̧ma, Bedan mikwo̧. Okobe deinö jobadöma galaaditas jojodö ötjabawö̧, ja̧danö Manases itji̧ Maquir itji̧mu tupadanö jojodötjinobe.

¹⁸ Ja̧danö Maquir öjawujuma Hamolequet mikwu̧ju. Ja̧danö Hamolequetma jitji̧mu Isod mikwo̧nöbi, Abiezer mikwo̧nöbi, Mahala mikwo̧nöbi jeminobe.

¹⁹ Ja̧danö Semida itji̧muma bidö: Ahian mikwo̧bi, Siquem mikwo̧bi, Likhi mikwo̧bi, Aniam mikwo̧bi.

Efrain itji̧mu tupadanö jojodö

²⁰ Efrain itji̧mu tupdadanö jojodö tjimibiya wȩyukwa'yema baikwö laebobe: Efrain itji̧ma Sutela mikwo̧. Ja̧danö Sutela itji̧ma Bered mikwo̧. Ja̧danö Bered itji̧ma Tahat mikwo̧. Ja̧danö Tahat itji̧ma Elada mikwo̧. Ja̧danö Elada itji̧ma Tahat mikwo̧.

²¹ Ja̧danö Tahat itji̧ma Zabad mikwo̧. Ja̧danö Zabad itji̧ma Sutela mikwo̧. Ju'wedö Efrain itji̧muma Ezer mikwo̧bi, Elad mikwo̧bi. Jo̧kwaijayonö, jobadöma Gat comunidad pjeanö tji̧'yinobe, jobe ju̧kwadö tjajwi̧mu pakayadönö tjö̧naukwobö, ja̧danö tjönaukwiawö̧, Gat jojodöma Ezernöbi, Eladnöbi kwabö lotjinobe.

²² Jobekwö itji̧munö kwabö lotjiökwe, tjabe'do Efrainma lekwe möle budekwö ö̧jinobe, ja̧danö ubudekwiawö̧, ömöledöma o̧'wo tjo̧achi̧ seachibanö pjatjatotö jö̧ba̧lö, jo̧banö edö tji̧'yinobe.

²³ Jemi ikenama, Efrainma yemidanö ilekwokwö ö̧jinobe, ja̧danö metu'wo bajibinobe. Metu'wo babibaju, jitji̧nö jeminobe, ja̧danö jemajökwenö Beria jö̧ba̧lö imidinobe Efrainma, ömöledösasoma nöinö wene tjöbaledinobetjö̧.

²⁴ Ja̧danö Beria itjijuma Seera mikwuju. Jobuju Seerama Bet-horon comunidadbiya ajayinö otidinuju, mösa'o la'aka Bet-horon comunidadbi, mösa'o wa̧pekwa'o Bet-horon comunidadbi.

²⁵ Ja̧danö Efrain itji̧ jelo̧ma Refa mikwo̧. Ja̧danö Refa itji̧ma Resef mikwo̧. Ja̧danö Resef itji̧ma Telah mikwo̧. Ja̧danö Tela itji̧ma Tahan mikwo̧.

²⁶ Ja̧danö Tahan itji̧ma Laadan mikwo̧. Ja̧danö Laadan itji̧ma Amiud mikwo̧. Ja̧danö Amiud itji̧ma Elisama mikwo̧.

²⁷ Ja̧danö Elisama itji̧ma Nun mikwo̧. Ja̧danö Nun itji̧ma Josue mikwo̧.

²⁸ Efrain itji̧mu tupadanö jojodö tjitebo niji wȩyukwa'ye baikwö laebobe: Betel comunidadbi, ö'öbö pjei̧ comunidadbiyabi. Ja̧danö jawo̧ laebobekwö bajalenö, Naaran comunidadbi. Ja̧danö jawo̧ meajobekwö bajalenö, Gezer comunidadbi, ö'öbö pjei̧ comunidadbiyabi. Ja̧danö Siquen comunidadbi, ö'öbö pjei̧ comunidadbiyabi. Ja̧danö u'dakwöchobekwö bajalenö, Aya comunidadbi, ö'öbö pjei̧ comunidadbiyabi.

²⁹ Ja̧danö ju'wi Efrainsaso nijibi, Manasessaso nijibi bakwachobe ö'öbö, ju'wi Efrain niji comunidadbiyama bi̧ya: Bet-san comunidadbi, Taanac comunidadbi, Meguido comunidadbi, Dor comunidadbi. Ja̧ comunidadbiyabi, ö'öbö pjei̧ comunidadbiyabi, Efrainsaso jojodö tjitebo comunidad ji̧nobe, ja̧danö Israel itji̧ Jose itji̧mu tupadanö jojodöma jobe tjö̧jinobe.

Aser itji̧mu tupadanö jojodö

³⁰ Aser itji̧mu ömadöma bidö: Imna mikwo̧bi, Isua mikwo̧bi, Isui mikwo̧bi, Beria mikwo̧bi, ja̧danö tjöjawuju Aser itjijuma, Sera mikwuju.

³¹ Beria itji̧muma, Heber mikwo̧bi, Malquiel mikwo̧bi. Ja̧danö Malquiel itji̧ma Birsavit mikwo̧.

³² Heber itji̧mu ömadöma Jaflet mikwo̧bi, Somer mikwo̧bi, Hotam mikwo̧bi, ja̧danö tjöjawuju Heber itjijuma Sua mikwuju.

³³ Jaflet itji̧muma Pasac mikwo̧bi, Bimhal mikwo̧bi, Asvat mikwo̧bi. Jobadöma Jaflet mikwo̧ itji̧mu.

³⁴ Jaflet öjawo̧ Somer itji̧muma, Ahi mikwo̧bi, Rohga mikwo̧bi, Jehuba mikwo̧bi, Aram mikwo̧bi.

³⁵ Ja̧danö öjawo̧ Helem itji̧muma bidö: Zofa mikwo̧bi, Imna mikwo̧bi, Seles mikwo̧bi, Amal mikwo̧bi.

³⁶ Ja̧danö Zofa itji̧muma bidö: Sua mikwo̧bi, Harnefer mikwo̧bi, Sual mikwo̧bi, Beri mikwo̧bi, Imra mikwo̧bi,

³⁷ Beser mikwo̧bi, Hod mikwo̧bi, Sama mikwo̧bi, Silsa mikwo̧bi, Itran mikwo̧bi, Beera mikwo̧bi.

³⁸ Ja̧danö Jeter itji̧muma bidö: Jefone mikwo̧bi, Pispa mikwo̧bi, Ara mikwo̧bi.

³⁹ Ja̧danö Ula itji̧muma bidö: Ara mikwo̧bi, Haniel mikwo̧bi, Rezia mikwo̧bi.

⁴⁰ Okobe deinö jobadöma Aser itji̧mu tupadanö jojodö, ja̧danö jobadöma tjömöledösasokwena luwedö tjö̧jinobe. Jobadöma luwedö otiwadö tjö̧jinobe, ja̧danö ölakwabikwawa jawa juluwadö. Ja̧danö Asersaso jojodö tjimibiya wȩyukwa'yenö laebobe, Asersaso jojodötjö ölakwabikwawa jojodöma, veintiseis milbedö tjö̧jinobe.