1 Crónicas 4 - Dios Iwene

Juda itji̧mu tupadanö jojodö

¹ Juda jojodötjö ajayinö ji̧na Juda itji̧mu tupadanö jojodöma bidö: Perez mikwo̧bi, Hezron mikwo̧bi, Carmi mikwo̧bi, Hur mikwo̧bi, Sobal mikwo̧bi.

² Ja̧danö Sobal itji̧ Reaias mikwo̧ma, Yajat mikwo̧ abe'doinobe. Ja̧danö Yajatma Ajumay mikwo̧bi, Lajad mikwo̧bi tjabe'doinobe. Jobadöma zoratitas ötjabawö̧tjö ajayinö ji̧nadö.

^3-4 Caleb ilekwo Efrata jitji̧ abönö pöe Hur mikwo̧ma, Belen comunidad ajayinö otidina. Ja̧danö Hur itji̧ Etam mikwo̧ itji̧mu ömadöma bidö: Jezreel mikwo̧bi, Isma mikwo̧bi, Ibdas mikwo̧bi Penuel mikwo̧bi, Ezer mikwo̧bi. Ja̧danö tjöjawuju Etam itjijuma Haze-lelponi mikwuju. Ja̧danö Penuelma Gedor mikwo̧ abe'doinobe. Ja̧danö Ezerma Husa mikwo̧ abe'doinobe. Jobekwö laebobe Hur itji̧mu tupadanö jojodö tjimibiya wȩyukwa'yema.

⁵ Hezron itji̧ Asur mikwo̧ma, Tecoa comunidad ajayinö otidina. Ja̧danö Asurma ilekwamu du̧ju̧tajanö eminobe, Hela mikwujunöbi, Naara mikwujunöbi.

⁶ Ja̧danö Asur ilekwo Naara jeminawö̧ma bidö: Ahuzam mikwo̧nöbi, Hefer mikwo̧nöbi, Temeni mikwo̧nöbi, Ahastari mikwo̧nöbi.

⁷ Ja̧danö Asur ilekwo Hela jeminawö̧ma bidö: Zeret mikwo̧nöbi, Izhar mikwo̧nöbi, Etnan mikwo̧nöbi,

⁸ Cos mikwo̧nöbi. Cosma Anub mikwo̧bi, Zobeba mikwo̧bi tjabe'doinobe, ja̧danö ju'wibi Harum itji̧ Aharhel mikwo̧ itji̧mu tupadanö jojodötjö ajayinö ji̧nama, jo̧ba Cosda.

⁹ Ja̧danö Juda itji̧mu tupadanö jojodötjö bakwo̧ma Jabes mikwo̧, ja̧danö okobe deinö ju'wedö yöne ömöledötjö bajalekwönönö otiwanö tjomukwatökwe ö̧jinobe Jabesma. Jabes ojo'do jo̧banö jemenama, nöinö inia tjöjinobe, jo̧kwajabetjö̧ jemajökwenö Jabes jö̧ba̧lö jimidinobe, inia tjöawa, jö̧ba̧lö.

¹⁰ Jo̧bada Israel jojodö tjösödökwe Diosnö abebinama: —Chuluwo̧ Dios, otiwanö pjakatobö atebakwö, ja̧danö chitebo jalobe baibanö pjakatobö atebakwö. Okobe jwiinö otidö chö̧ji̧ma, bakobe ötjökwö kwö̧jobö atebakwö, ja̧danö okobe jwiinö wene chöbaledi̧tjöbi, inia tjöbö chö̧jitjöbi chö̧jibanö pjakatobö atebakwö chuluwo̧, —jö̧ba̧lö. Ja̧danö, jobekwö aebökwe, aebaja̧danö Jabesnö pjaatinobe Diosma.

¹¹ Ja̧danö Juda itji̧mu tupadanö jojodötjö jelo̧ma Quelub mikwo̧. Quelubma Sua mikwo̧ ö̧jawo̧, ja̧danö ju'wibi Mehir mikwo̧ abe'doinobe. Ja̧danö Mehirma Eston mikwo̧ abe'doinobe.

¹² Ja̧danö Estonma Bet-rafa mikwo̧bi, Paseah mikwo̧bi, Tehina mikwo̧bi tjabe'doinobe. Ja̧danö Tehinama Nahas comunidad ajayinö otidina. Jobadö Quelub itji̧mu tupadanö jojodöma Reca jojodö jö̧ba̧lö ötjabawö̧.

¹³ Cenaz mikwo̧ itji̧muma bidö: Otoniel mikwo̧bi, Seraias mikwo̧bi. Ja̧danö Otoniel itji̧muma bidö: Hatat mikwo̧bi, Meonotai mikwo̧bi. Ja̧danö Meonotaima, Ofra mikwo̧ abe'doinobe.

¹⁴ Ja̧danö Seraiasma Joab mikwo̧ abe'doinobe. Ja̧danö jo̧ba Joabma tjömamunö waisanö otidadö tjö̧jemi wabeko comunidad mikwemi ju̧kwadötjö ajayinö ji̧na. Ba̧jekwadö tjömamijukwö otikwa waisanö otidadö jobe tjö̧jinobe, jo̧kwajabetjö̧ tjitebo comunidadma, tjömamunö waisanö otidadö tjö̧jemi wabeko comunidad jö̧ba̧lö ötjabinobe.

¹⁵ Ja̧danö Jefone itji̧ Caleb mikwo̧ itji̧muma bidö: Iru mikwo̧bi, Ela mikwo̧bi, Naam mikwo̧bi. Ja̧danö Ela itji̧ma, Cenaz mikwo̧.

¹⁶ Ja̧danö Judasaso jojo Jehalelel mikwo̧ itji̧muma bidö: Zif mikwo̧bi, Zifa mikwo̧bi, Tirias mikwo̧bi, Asareel mikwo̧bi.

^17-18 Ja̧danö Judasaso jojo Esdras mikwo̧ itji̧muma bidö: Jeter mikwo̧bi, Efer mikwo̧bi, Jalon mikwo̧bi. Ja̧danö Meredma, ilekwamu du̧ju̧tajanö ujuna̧linobe. Ilekwo bakwujuma, Egipto la'aka luwo̧ itjiju Bitia mikwuju, ja̧danö metu'wo babibaju, jitji̧mu Miriam mikwo̧nöbi, Samai mikwo̧nöbi, Estemoa comunidad otidina Isba mikwo̧nöbi jeminobe. Jeluju Mered ilekwoma, Judasaso jojosuju, ja̧danö jobuju jitji̧muma bidö: Gedor comunidad otidina Jered mikwo̧bi, Soco comunidad otidina Heber mikwo̧bi, Zanoa comunidad otidina Jecutiel mikwo̧bi.

¹⁹ Ja̧danö Judasaso jojo Hodias mikwo̧ma, Naham mikwo̧ öjawujunö eminobe, ja̧danö jobujuma jitji̧mu du̧ju̧tajanö jeminobe. Jobadötjö bakwo̧ itji̧ma, Garmita jojodötjö ajayinö ji̧na Keila mikwo̧. Ja̧danö jelo̧ itji̧ma, maacateo jojodötjö ajayinö ji̧na Estemoa mikwo̧.

²⁰ Ja̧danö Judasaso jojo Simon mikwo̧ itji̧muma, Amnon mikwo̧bi, Rina mikwo̧bi, Ben-hanan mikwo̧bi, Tilon mikwo̧bi. Ja̧danö Judasaso jojo Isi mikwo̧ itji̧muma bidö: Zohet mikwo̧bi, Benzohet mikwo̧bi.

Juda itji̧ Sela mikwo̧ itji̧mu tupadanö jojodö

²¹ Juda itji̧mutjö bakwo̧ma Sela mikwo̧. Ja̧danö Sela itji̧mu tupadanö jojodöma bidö: Leca jojodötjö ajayinö ji̧na Er mikwo̧bi, Maresa jojodötjö ajayinö ji̧na Laada mikwo̧bi. Ja̧danö, Bet-asbea comunidadnö ju̧kwadö linotjö otikwa jojodöbi,

²² Joacim mikwo̧bi, Cozeba comunidad jojodöbi, Joas mikwo̧bi, Saraf mikwo̧bi. Joasbi, Sarafbi moabitas jojodötjö ya̧dönö tjeminobe, tjilekwamu batjibanö, ja̧danö jemi ikenama tjebachajö̧ Lehem comunidadnö tjö̧jinobe. Jobekwö laebobe damötjö ji̧nadö tjimibiya wȩyukwa'yema.

²³ Jobadöma lete'otjö dadö otidinadö, ja̧danö Netaim comunidadnöbi, Gedera comunidadnöbi ja̧nö, inesö la'aka luwo̧ wei̧ otidö tjö̧jinobe.

Simeon itji̧mu tupadanö jojodö

²⁴ Simeon itji̧mu tupadanö jojodöma bidö: Jemuel mikwo̧bi, Jamin mikwo̧bi, Jarib mikwo̧bi, Zohar mikwo̧bi, Saul mikwo̧bi.

²⁵ Ja̧danö Saul itji̧ma, Salum mikwo̧, ja̧danö Salum itji̧ma Mibsam mikwo̧, ja̧danö Mibsam itji̧ma Misma mikwo̧.

²⁶ Ja̧danö Misma itji̧ma, Hamuel mikwo̧, ja̧danö Hamuel itji̧ma Zacur mikwo̧, ja̧danö Zacur itji̧ma Simei mikwo̧.

²⁷ Ja̧danö Simeima itji̧mu ba̧jȩkwadönö 'yaebinobe, itji̧mu ömadö dieciseisbedönöbi, itji̧mu ya̧dönö jelemutjö bakwujubedönöbi. Jo̧kwaijayonö, ju'wedö Simei ömöledöma 'yatjebinokobe ba̧jekwadönöma. Jo̧kwajabetjö̧, Simeonsaso jojodöma, Simeon öjawo̧ Juda itji̧mu tupadanö jojodö tjö̧ba̧jȩkwachibinadanö tjö̧ba̧jekwachibinokobe.

²⁸ Simeonsaso jojodö tjitebo comunidadbiyama, bi̧ya: Beerseba comunidadbi, Molada comunidadbi, Hazar-sual comunidadbi,

²⁹ Bilha comunidadbi, Ezem comunidadbi, Tolad comunidadbi,

³⁰ Betuel comunidadbi, Horma comunidadbi, Siclag comunidadbi,

³¹ Bet-marcabot comunidadbi, Hazar-susim comunidadbi, Bet-birai comunidadbi, Saaraim comunidadbi. Ja̧ comunidadbiyanö tjö̧jinobe Simeonsaso jojodöma, Inesö la'aka luwo̧ David ö̧jakwa̧ möle baibenanö kabatö.

³² Ja̧danö ju'wi comunidadbiyanö tjö̧jinobe Simeon itji̧mu tupadanö jojodöma, Etam comunidadnöbi, Ain comunidadnöbi, Rimon comunidadnöbi, Toquen comunidadnöbi, Asan comunidadnöbi. Ja̧ bakwamu jawa comunidadnöbi,

³³ jobe ö'öbö pjei̧ comunidadnöbi tjö̧jinobe Simeon itji̧mu tupadanö jojodöma, Baalat comunidad nijibe ichibanö. Jobadö Simeonsaso jojodöma, tja'dödö tjimibiya wȩyukwa'ye tji̧wȩyudinobe, ja̧danö jobekwö laebobe tjimibiya wȩyukwa'yema.

³⁴ Jobadö Simeon itji̧mu tupadanö jojodötjö luwedöma bidö: Mesobab mikwo̧bi, Jamlec mikwo̧bi, Amasias itji̧ Josias mikwo̧bi,

^35-38 Joel mikwo̧bi, Jehu mikwo̧bi, Elionai mikwo̧bi, Jaacoba mikwo̧bi, Jesohaia mikwo̧bi, Asaias mikwo̧bi, Adiel mikwo̧bi, Jesimiel mikwo̧bi, Benaia mikwo̧bi, Ziza mikwo̧bi. Jobadötjö Jehu mikwo̧ a'dödö tjimibiya wȩyukwa'yema baikwö laebobe: Jehu abe'doma, Josibias mikwo̧, ja̧danö Josibas abe'doma, Seraias mikwo̧, ja̧danö Seraias abe'doma, Asiel mikwo̧. Ja̧danö jobadötjö Ziza mikwo̧ a'dödö tjimibiya wȩyukwa'yema baikwö laebobe: Ziza abe'doma Sifi mikwo̧, ja̧danö Sifi abe'doma Alon mikwo̧, ja̧danö Alon abe'doma Jedaias mikwo̧, ja̧danö Jedaias abe'doma Simri mikwo̧, ja̧danö Simri abe'doma Semaias mikwo̧. Jobekwö laebobe Simeonsaso jojodötjö la'aka luwedö tjimibiya wȩyukwa'yema, ja̧danö jobadö tjömöledösasokwena jojodöma tjö̧ba̧jekwachinobe.

³⁹ Jobadöma tjajwimu otiwanö tjukwakwa̧ isakwö, Gerar nijibi tji̧'yinobe, Gerar wabeko jawo̧ laebobekwöchobema,

⁴⁰ ja̧danö jobe meje'ye otiwa'ye tjöbadekwajinobe, jalobe, ölakwabikwawa jwibö wene jwiobema. Ajayinö Noe itji̧ Cam itji̧mu tupadanö jojodöma ja̧ nijinö tjö̧jinobe,

⁴¹ jo̧kwaijayonö Juda la'aka luwo̧ Ezequias mikwo̧ webö ö̧jonö, jobadö Simeonsaso jojodötjö luwedöma jobe tjujuluwobö tji̧'yinobe, ja̧danö okobe deinö jobe ju̧kwadö Cam itji̧mu tupadanö jojodönöbi, meunitas jojodönöbi kwabawö lotjinobe, jobadötjö bakwo̧bi deenanö baibanö. Ja̧danö jobekwö jwiinö söbebö lotjinobetjö̧, babe mölema jobadötjö bakwo̧bi deobe. Okobe deinö jobadönö kwabawö lobajadö, idöda tjitebo baibanö tjeminobe, tja̧jwi̧mu otiwanö tjukwakwa̧ tjösödobetjö̧.

⁴² Ju'wibi jobadö Simeonsaso ölakwabikwawa jojodötjö, quinientosbedöma Seir mösa'obe tji̧'yinobe. Isi itji̧mu Pelatias mikwo̧bi, Nearias mikwo̧bi, Refaias mikwo̧bi, Uziel mikwo̧bi jobadönö öbibö jwetjebonö,

⁴³ jobe ju̧kwadö Amalecitas jojodötjö ina 'yaba̧ladönö kwabawö lotjinobe. Jobekwö ja̧ niji tjujuluwinobe, ja̧danö ja̧ möletjö baikwö bajalenö tjitebo baibanö jobe tju̧ju̧kwobe.