1 Crónicas 25 - Dios Iwene

Lo̧awa jawa luwedönö 'da̧batö tjujunina jawa

¹ Ju'wibi Davidbi, ömöayedötjö la'aka luwedöbi lo̧awa luwedönö 'da̧batö tjujuninobe, Dios yöawi̧ yötjawonö, lo̧awa jawa lira jawabi, arpa jawabi, cimbalo jawabi pjetjobö. Jobekwö 'da̧batö tjujuninawö̧ma bidö: Asaf itji̧mu ömadötjö ju'wedönöbi, Heman itji̧mu ömadötjö ju'wedönöbi, Jedutun itji̧mu ömadötjö ju'wedönöbi. Baikwö laebobe jobadönö weawa wȩyukwa'yema:

² Asaf itji̧mutju 'da̧batö tjujuninawö̧ma, Zacur mikwo̧bi, Jose mikwo̧bi, Netanias mikwo̧bi, Asarela mikwo̧bi. Tjabe'do Asafma la'aka luwo̧ David 'da̧batö ujuninökwe, Dios yöawi̧ yöbawö lo̧bo̧ baibanö, ja̧danö ju'wibi iteda itji̧mu tjotidi̧ jawa jwebebo̧ ö̧jinobe.

³ Jedutun itji̧mutjö jelemutjö bakwo̧bedö 'da̧batö tjujuninawö̧ma bidö: Gedalias mikwo̧bi, Zeri mikwo̧bi, Jesaias mikwo̧bi, Simei mikwo̧bi, Hasabias mikwo̧bi, Matatias mikwo̧bi. Tjabe'do Jedutunma, lo̧awa jawa lira ökwöonö Dios yöawi̧ yöbawö, —Otiwanö pjabato̧ja, otiwo̧ja, —jö̧ba̧lö Isabenö Jo̧nö ösödö lo̧bö ö̧jinobe, ja̧danö ju'wibi iteda itji̧mu tjotidi̧ jawa jwebebo̧ ö̧jinobe.

⁴ Heman itji̧mutjö 'da̧batö tjujuninawö̧ma: Buquias mikwo̧bi, Matanias mikwo̧bi, Uziel mikwo̧bi, Subael mikwo̧bi, Jerimot mikwo̧bi, Hananias mikwo̧bi, Hanani mikwo̧bi, Eliata mikwo̧bi, Gidalti mikwo̧bi, Romanti-ezer mikwo̧bi, Josbecasa mikwo̧bi, Maloti mikwo̧bi, Hotir mikwo̧bi, Mahaziot mikwo̧bi.

⁵ Okobe deinö jobadöma, la'aka luwo̧ David ömöayo̧ Dios yöawi̧ yöbawo̧ Heman itji̧mu tjö̧jinobe. Diosma isabenö otiwanö Hemannö omukwatinobe, ja̧danö otiwanö omukwati̧ i̧sȩbö, itji̧mu ömadönö catorcebedönö 'yaebobö iyinobe, ja̧danö itji̧mu ya̧dönö wamedukwanö 'yaebobö iyinobe.

⁶ Okobe deinö jobadöma 'da̧batö tjujuninawö, tjabe'dodö Asafbi, Jedutunbi, Hemanbi jwebebö tjö̧jonö, Isabenö Jo̧ ejutjö lo̧awa jawa cimbalos jawabi, arpa jawabi, lira jawabi pjetjakobetjö̧. Dios ejutjö tjotidi̧ jwebebö tjö̧jinobe Asafbi, Jedutunbi, Hemanbi, ja̧danö jobadö wamedukwa luwedö tjotidi̧ma, la'aka luwo̧ Davidda jwebebö ö̧jinobe.

⁷ Okobe deinö jobadöbi, ju'wedö tjömöledö levisaso jojodötjö lo̧awa jawa otidadöbi, doscientos ochenta y ochobedö tjö̧jinobe. Okobe deinö jobadöma Isabenö Jo̧nö lo̧awa jawa otiwanö tjö̧ba̧jadinawö̧, ja̧danö isabenö waisanö otiwanö lo̧bö tjö̧jinobe.

⁸ Ja̧danö, jobadö doscientos ochenta y ochobedö lo̧awa otidadönö, veinticuatrosaso jojodö batjibanö 'da̧batö tjujuninobe, bakwasokwena Dios ejutjö lo̧bö tjotidakobetjö̧. Ja̧danö jobadönöbi 'da̧batö tjujunenama, bakweminö edö, inawiya pjei̧ öwiya jabö, jobadönö 'da̧batö tjujuninobe. Jau, ju'wedötjö damöbedönöbi, ina möayedödanöbedönöbi, lo̧awa jawa ba̧ja̧dadönöbi, lo̧awa jawa waisachadönöbi bakweminö edö, inawiya jabö tjedinobe, bakwasokwena tjotidakwa̧ Diosda i̧sȩbakobetjö̧.

⁹ Ja̧danö, inawiya jabö tjedenama, baikwö laebinobe: Ajayinö inawiya jabö omudawö tjujuninökwema, Asaf itji̧ Jose mikwo̧. Josekwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe. Ikena inawiya jabö omudawö tjujuninökwema, Gedalias mikwo̧. Gedaliaskwö ömöledökwö itji̧mukwö, a̧li̧nösamutjö du̧ju̧tajabedö tjö̧jinobe.

¹⁰ Ikena inawiya jabö omudawö tjujuninökwema, Zacur mikwo̧. Zacurkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹¹ Ikena inawiya jabö omudawö tjujuninökwema, Zeri mikwo̧. Zerikwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹² Ikena inawiya jabö omudawö tjujuninökwema, Netanias mikwo̧. Netaniaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹³ Ikena inawiya jabö omudawö tjujuninökwema, Buquias mikwo̧. Buquiaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁴ Ikena inawiya jabö omudawö tjujuninökwema, Asarela mikwo̧. Asarelakwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁵ Ikena inawiya jabö omudawö tjujuninökwema, Jesaias mikwo̧. Jesaiaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁶ Ikena inawiya jabö omudawö tjujuninökwema, Matanias mikwo̧. Mataniaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁷ Ikena inawiya jabö omudawö tjujuninökwema, Simei mikwo̧. Simeikwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁸ Ikena inawiya jabö omudawö tjujuninökwema, Uziel mikwo̧. Uzielkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

¹⁹ Ikena inawiya jabö omudawö tjujuninökwema, Hasabias mikwo̧. Hasabiaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁰ Ikena inawiya jabö omudawö tjujuninökwema, Subael mikwo̧. Subaelkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²¹ Ikena inawiya jabö omudawö tjujuninökwema, Matatias mikwo̧. Matatiaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²² Ikena inawiya jabö omudawö tjujuninökwema, Jerimot mikwo̧. Jerimotkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²³ Ikena inawiya jabö omudawö tjujuninökwema, Hananias mikwo̧. Hananiaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁴ Ikena inawiya jabö omudawö tjujuninökwema, Josbecasa mikwo̧. Josbecasakwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁵ Ikena inawiya jabö omudawö tjujuninökwema, Hanani mikwo̧. Hananikwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁶ Ikena inawiya jabö omudawö tjujuninökwema, Maloti mikwo̧. Gedaliaskwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁷ Ikena inawiya jabö omudawö tjujuninökwema, Eliata mikwo̧. Eliatakwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁸ Ikena inawiya jabö omudawö tjujuninökwema, Hotir mikwo̧. Hotirkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

²⁹ Ikena inawiya jabö omudawö tjujuninökwema, Gidalti mikwo̧. Gidaltikwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

³⁰ Ikena inawiya jabö omudawö tjujuninökwema, Mahaziot mikwo̧. Mahaziotkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe.

³¹ Ikena inawiya jabö omudawö tjujuninökwema, Romanti-ezer mikwo̧. Romanti-ezerkwö itji̧mukwö ömöledökwö, a̧li̧nösamutjö du̧ju̧tajabedö tjö̧jinobe. Jobekwö inawiya jabö, veinticuatrosaso jojodö batjibanö 'da̧batö tjujuninobe, bakwasokwena Dios ejutjö lo̧bö tjotidakobetjö̧.